Aftil Aydınovun tikinti şirkəti valyuta əməliyyatına görə CƏRİMƏLƏNDİ
Bu gün, 09:57
“İnşaat-Tərəqqi" Məhdud Məsuliyyətli Cəmiyyət (MMC) cərimə olunub.
Yurd.Media-nın əldə etdiyi məlumata görə, şirkət tərəfindən 17,6 min avro məbləğində vəsait bank vasitəsilə 2024-cü ildə avans olaraq ölkə xaricinə köçürülüb.
“Azərbaycan Respublikasının rezidentlərinin xarici valyutada, habelə qeyrirezidentlərin milli və xarici valyutada əməlyatların aparılması qaydaları”nın 4.3.1.3-cü yarımbəndinin tələbinə baxmayaraq, ödənişin aparıldığı gündən 2 il müddətində həmin vəsait hesabına alınan mallar ölkəyə idxal edilməmiş və ya həmin məbləğdə valyuta vəsaiti geri qaytarılmayıb.
Nəsimi Rayon Məhkəməsinin qərarı ilə “İnşaat-Tərəqqi" MMC barəsində inzibati xətanın bilavasitə obyekti olmuş məbləğin 20 faizi miqdarında, yəni 3519 avro cərimə edilib.
Qeyd edək ki, “İnşaat-Tərəqqi" MMC 2004-cü ildən fəaliyyət göstərir. Nizamnamə kapitalı 10manat olan şirkətin rəhbəri Aftil Aydınovdur.
Geri qayıt