Şirkətdə pay sahibi dəyişir, kapital azalır

“Legacy Events Management” Məhdud Məsuliyyətli Cəmiyyəti nizamnamə kapitalının azaldılması ilə bağlı elan yayıb.

Banker.az xəbər verir ki, azalma şirkətin iştirakçılarından Quliyeva Gülnaz Arif qızının cəmiyyətin iştirakçıları sırasından çıxması ilə əlaqədardır. Bu çərçivədə ümumi nominal dəyəri 100 manat olan 100 pay həcmində azalma nəzərdə tutulur.

Şirkət bildirir ki, nizamnamə kapitalının azaldılması kreditorların tələblərinin tam və vaxtında ödənilməsinə maneə yaratmır və cəmiyyətin kreditorlar qarşısında mövcud öhdəliklərinin icrasına təsir etmir.

Qeyd edək ki, “Legacy Events Management” MMC-nin hüquqi ünvanı Bakı şəhəri, Xətai rayonu, 3-cü Park, ev 62, mənzil 1 ünvanıdır. Şirkətin nizamnamə kapitalı 200 manat, qanuni təmsilçisi isə İsmayıl İs ay ev Abdulla oğludur.