SOCAR yeni şirkət yaradıb: rəhbəri Orxan Cəfərovdur

İqtisadiyyat Nazirliyi yanında Dövlət Vergi Xidməti "Modern Energy Complex" MMC-ni dövlət qeydiyyatına alıb.

Yurd.Media xəbər verir ki, bu barədə Kommersiya qurumlarının dövlət reyestrində bildirilir.

Məlumata görə, yeni kommersiya qurumu Dövlət Neft Şirkətinin (SOCAR) baş ofisinin yerləşdiyi Bakı şəhəri, Nərimanov rayonu, Heydər Əliyev prospekti, 121 ünvanında qeydiyyatdan keçib.

Onun nizamnamə kapitalı 12 000 manat, qanuni təmsilçisi isə Orxan Fərman oğlu Cəfərovdur. O, SOCAR-a məxsus “SOCAR Downstream Management” MMC-nin baş direktorunun layihələr üzrə müavini və layihə direktorudur.