"Müraciətindən iki ay keçməsinə baxmayaraq..."

Şabran rayonunun Ağalıq kənd sakini Ülviyyə Cəfərova şikayətçidir. "DİA-AZ"ın məlumatına görə, o, özünün etiraz dolu müraciətində deyir ki, aztəminatlı ailə olduğu üçün sosial yardım almaq məqsədi ilə Əhalinin Əmək və Sosial Müdafiə Nazirliyinə müraciət edib.

Vətəndaşın sözlərinə görə, müraciətindən iki ay keçməsinə baxmayaraq ona heç bir məlumat verilməyib.

Vətəndaş müraciətində vurğulayır ki, dövlət tərəfindən 600 manat yardımın ayrılması nəzərdə tutulduğu halda qeyri-qanunu olaraq məsul şəxslər həmin vəsaitin yarı hissəsini mənimsəyir.

Şikayətçi KİV vasitəsi ilə aidiyyatı dövlət qurumlarına müraciət edərək bu məsələnin araşdırılaraq hüquqi qiymət verilməsini xahiş edir.