"4-5 min manata məhsul satan ‘adam’ 10 qəpik davası güdməməlidir..."

Əmlak eksperti Ramil Osmanlı “Kontakt Home” mağazalar şəbəkəsinin müştəri xidməti ilə bağlı narazılığını ictimailəşdirib.

Tribuna.az xəbər verir ki, Ramil Osmanlı sosial şəbəkədə etdiyi paylaşımda mağazadan 4-5 min manatlıq məhsul alan müştəridən 10 qəpik üçün tələb irəli sürülməsini tənqid edib.

“”Kontakt Home”, adamlara imkan verin düz-əməlli sevinsinlər. 4-5 min manata məhsul satan ‘adam’ 10 qəpik davası güdməməlidir. Müştəriyə hörmət etmirsiniz, adınıza (brendinizə-brend demək olarsa) da etmirsiz bildik, heç olmasa müştəri xidmətində oturan əməkdaşlarınıza hörmət edin”, – deyə ekspert bildirib.

Osmanlı qeyd edib ki, söhbət supermarketdə şəkər tozu, təndir çörəyi və ya konfet satışından getmir və belə məbləğlərdə alış-veriş edən müştəri ilə 10 qəpiyə görə qarşıdurma yaranmasını düzgün hesab etmir.

“Əməkdaşınızı niyə 10 qəpiyə görə müştəri ilə üzbəüz qoyursunuz?” – deyə o sual edib.