Yasamalda başçı 3 ildir BİR GİLEYİ QULAQARDINA VURUR
Bu gün, 12:23
Yasamal rayon İcra Hakimiyyəti səkinin zəbt edilməsi ilə bağlı üç ildir edilən şikayətə baxmır.
Tribuna.az xəbər verir ki, bu barədə jurnalist Fimar Asimqızı sosial şəbəkə hesabında paylaşım edib.
O bildirib ki, üç ildir Yasamal rayon İcra Hakimiyyətinə səkiyə düzülən meyvə-tərəvəzin yığışdırılması ilə bağlı davamlı müraciətlər etsə də, indiyədək heç bir tədbir görülməyib.
Jurnalist paylaşımında məsələ ilə bağlı narazılığını belə ifadə edib:
“Deməli, üç ildir şikayət edirəm, Yasamal rayon İcra Hakimiyyəti bu meyvə-tərəvəzi piyada yolunun üstündən – səkidən yığışdırıb 5 metr arxaya çəkdirmir. Nə bahalı sövdələşməymiş, qardaş?”.
Məsələ ilə bağlı Yasamal rayon İcra Hakimiyyəti ilə əlaqə saxlamağa çalışsaq da, cəhdlərimiz nəticəsiz qalıb.
Geri qayıt