Bakı aeroportu 9 ayda 6 milyona yaxın sərnişinə xidmət göstərib

Bu ilin yanvar-sentyabr aylarında Heydər Əliyev Beynəlxalq Aeroportu 5,7 milyon sərnişinə xidmət göstərib.

"DİA-AZ" xəbər verir ki, bu barədə "Azərbaycan Hava Yolları" (AZAL) QSC-nin İdarə Heyətinin sədri Samir Rzayev məlumat verib.

Onun sözlərinə görə, Bakı 42 aviaşirkət vasitəsilə 77 istiqamətlə əlaqələnib.

AZAL-ın "Azəraeronaviqasiya" Hava Hərəkəti İdarəsi (AZANS) 282 mindən çox uçuşa xidmət göstərib, tranzit uçuşların sayı isə 15 % artıb.