Əməkdar artist Elza Seyidcahan qalmaqallı açıqlamalar verib. Lent.az-ın canlı yayımında qonaq olan müğənni bir çox həmkarlarını tənqid edib:
“Mən ara mahnıları oxumuram. Aran musiqilərini oxuyanlar var. Bayağı ifaçı var ki, istedadını göstərə bilmir. Məsələn Xatun Əliyeva özü üçün repertuar yaradıb. Amma bünövrəsindən onun musiqi savadı olsaydı, daha yaxşı olardı. Ara müğənnilərin içində özünə görə çalışır. Xatun Musiqili Teatrda aktrisa kimi sənətkar olardı. Amma belə sıradan müğənnidir.
Şəbnəm Tovuzlu da eyni Xatun kimidir. Məsələn Aşıq Samirə uşaqlıqdan üzərində çalışır. İndi də onun bəhrəsini görür. Xatun və Şəbnəm onsuz da belə olmalı idilər. Çünki təməldə musiqi savadları yoxdur. Hərənin bir zövqü var. Amma sənət başqa şeydir. Şəbnəmin güclü dəmirli səsi var, amma uşaq vaxtdan muğam öyrənsəydi, daha yaxşı olardı. Düzdür, insanlar var ki, onu dinləyir, zövq alır. Onların ifasına peşəkar bəstəkar kimi yanaşıram. Sabah bir festivala qatılmaları üçün savad lazımdır. Onların mahnılarına qulaq assam, məhv olaram. Məni bir həftə otaqda saxlayın, onların musiqisini qoyun, məhv olaram. Mən və mənim qismimdə olan insanları öldürmək istəsəniz, onların mahnısını verin. Bizi öldürmək üçün zəhərə, narkotikə, minaya ehtiyac yoxdur. Biz onları dinləsək, ya dəli olarıq, ya intihar edərik. Klassik əsərləri dinləyəndə isə ac da, susuz da qalmaq olar".
Pərviz Bülbülə ilə Türkan Vəlizadənin bir mahnısını bəyənirəm. Onlar Musiqili Teatrda aktyorluğu olsunlar. Onlar orada çalışsalar, biləcəklər ki, müğənnidirlər, yoxsa yox. Bütün bu ifaçılar məndən dərs öyrənmək istəsələr, onlara dərs keçərəm. Amma bilirəm ki, istəməzlər”.
Qeyd edək ki, E.Seyidcahanın müsahibəsinin tam hissəsinə aşağıdakı videoda baxa bilərsiniz.
