“Mənim qız övladım yoxdur. Telekanallara reytinq lazım idi deyə bu mövzunu ortaya atdılar. Yalandan söz-söhbət yaydılar ki, mən Moskvada evlənmişəm, qızım dünyaya gəlib və indi o İsveçrədə yaşayır. Bu mövzunu şişirtdilər. Bütün bunları televiziya vasitəsilə edirdilər. Təsəvvür edirsiz?! Baxıb deyirdim ki, bunlar necə adamdırlar?! Hətta məni yolda da saxlayıb sual verirdilər ki, niyə övladınızı öz yanınıza gətirmirsiniz? Niyə ona baxmırsız? Gördüm ki, bunları başa sala bilmirəm. Mən də başladım yalandan olmayan qızım haqda danışmağa. Bundan sonra qınaqlar bir-birinin ardınca gəlməyə davam etdi”.
Bunu Moderator.az-a açıqlamasında Xalq artisti Cavan Zeynallı deyib.
O daha sonra əlavə edib:
“Qızım olsaydı gətirərdim yanıma da. Niyə tək qalırdım ki? Mən Moskvada 5 il işləmişəm. “Pekin” adlı restoranda oxuyurdum, yaxşı da qonorar verirdilər. Guya Moskvada evlənib, arvadı orada qoyub Bakıya qaçmışam. Efirdə nə gəldi danışırdılar. İndi sakitlikdir də. Bir dəfə də canlı efirdə dedim ki, “ala, bəsdirin də, bu gic-gici söhbətləri nə vaxta qədər edəcəksiniz?” Heç onlara təsir etmir. Öz bildiklərini danışırlar”.
