NƏTİCƏDƏ POLİS İBRAHİMOV RAMİNİ TUTMAĞA MƏCBUR QALIB
DİA.AZ: - “Hüquq müdafiəçisi Taleh Xasməmmədova Əliyev Loğman tərəfindən təqdim olunan sənədlərə əsasən Ucar rayon polis şöbəsinin baş müstəntiqi Nazim Əhmədovun apardığı istintaq bir daha sübut edir ki, polislər narkotiklə bağlı işlərdə də, cinayətkar qruplarla əlbir olmaqdan məmnundurlar”. Bu sözlər “Dünya” İnformasiya agentliyi redaksiyasına (diaaz.space) Ucar rayonundakı “Kurtlar Vadisi” adlı mafiya ilə bağlı danışan mənbəyə aiddir.
Daha sonra mənbə bildirir: “Əlbir dedikdə yalnız bu hadisə deyil, bir çox qurama cinayətlərdə onların bir arada olmaqların sübut edən faktlar da var ki, yaxın vaxtda şahidi olacaqsınız.
Ağdam rayonundan qaçqın olmaqla hazırda Sabirabad rayonunda məskunlaşmış Səmədov Naqil Ələmşah oğlu polis və Adilin iyrənc tələsindən canını zorla qurtarıb.
Belə ki, cinayət işinin istintaqı zamanı İbrahimov Ramin Qiyas oğlu ifadəsində törətdiyi cinayətlə bağlı qeyd etmişdir ki, Göyçay rayon sakini Adil Mahmudovu tanıyır, onun vəkil kimi məhkəmələrdə iştirak etməsini biıldiyinə görə qohumu Aybəniz adlı şəxsin aliment məsələsini həll etmək üçün lazımi məbləğdə pulla razılaşaraq iş birliyinə getmişdir. Bu iş uzun müddət uzandığı səbəbindən onların arasındakı münasibət də davam etmişdir. Daha doğrusu Adil bu işi görəcəyi müqabilində Raminə bir plan barəsində də təlimat verərək bildirmişdir ki, Ucar rayon sakini Naqil adlı şəxsin oğlunun hərbidə (həbs olunmuş) işi var, o, Naqilin oğlunun işini qurtarmaq üçün Naqili aldadıb ondan 2650 manat pul almış torbadakı nəşəni Naqilə verdikdən sonra o, Naqili tutdurub izi itirəcək adil onu inandırmışdır ki, burada onluq iş yoxdur, o torbanı Naqilə verəndə onun yanına gələcək.
Adil müəllim Naqilə gizli nömrə ilə zəng edərək özünü Emin müəllim (MTN əməkdaşı) kimi təqdim etmiş və onu Ucar avtovağzalında gözlədiyini bildirmişdir. Ramin də zəng edərək özünü Emin müəllimin sürücüsü kimi təqdim etməklə Naqili avtovağzalda gözlədiyini qeyd etmişdir. Təxminən 5 dəqiqə keçmiş Naqil Raminə yaxınlaşmış və özünü təqdim etmişdir. Ramin Naqilə bildirmişdir ki, Emin müəllim yoldadır , gəlir. O “Ucar” yeməkxanasına gələcək. O Naqillə taksiyə əyləşib “Ucar” yeməkxanasının yanına gəlmişdir. Onlar yeməkxananın qarşısında olanda Adil ona zəng edib bildirib ki, Naqili otaqlardan birinə dəvət etsin. Ramin Naqili çay içmək üçün otağa dəvət etsə də, Naqil çay içmək istəmədiyini bildirmişdir. Belə olduqda onlar hər ikisi yol kənarında dayanmaqla guya Emin müəllimi gözləməyə başlmışlar. Bir qədər dayandıqdan sonra Adil müəllimin tapşırdığı kimi əlindəki qırmızı rəngli narkotik olan selofan torbanı Naqilə uzadıb bildirmişdir ki, bu torbanı saxlasın. O ayaqyoluna gedib gəlir. Naqil ona demişdir ki, onu tanımır torbanın içərisində də, nə olduğunu bilmir. Ona görə də torbanı saxlaya bilməz həmin vaxt Adil Raminə zəng edib bildirmişdir ki, indi gəlib adamları Naqili aparacaq bu vaxt onların yanında qara rəngli QAZ 31 markalı avtomobil saxlamış və içərisindən 4 nəfər düşüb vəsiqələri onlara təqdim edib. Polis əməkdaşları ilə polis şöbəsinə gəlmişlər və həmin vaxt baxış keçirilərək 3 kibrit qutusunda 15 qram narkotik vasitə olan marixuana aşkar edilmişdir.
Maraqlı məqam bundan ibarətdir ki, Ucar rayon polis şöbəsinin əməliyyat işləri üzrə rəis müavini Əhmədov Ilham Aydın oğlu ifadəsində göstərmişdi ki, “27 mart 2011-ci il tarixdə əvvəldən müxbir kimi tanıdığı Göyçay şəhər sakini Adil Mahmudov adlı şəxs onun mobil telefonuna zəng vuraraq bildirmişdir ki, “ O həmişə polisə kömək etmişdir. Onun narkotik vasitə qəbul edən və satan şəxslərə qarşı nifrəti vardır. Adil həmin vaxt bildirmişdir ki, belə şəxslərdən biri Sabirabad rayonunda yaşayan Naqil adlı şəxs onda olan məlumata görə Ucar və Göyçay rayonlarında narkotik vasitə olan marixuananın satışı ilə məşğul olur. Naqil 29 mart 2011-ci il tarixdə Ucar rayonu ərazisinə gəlib Ramin adlı şəxslə Ucar yeməkxanasında görüşəcək, həmin vaxt Naqilin üzərində narkotik vasitə marixuana olmalıdır”. O Adil Mahmudovun verdiyi məlumatı Ucar rayon polis şöbəsinin rəisi polis polkovniki Tahir Quliyevə məruzə etmişdir. Bundan sonra Naqil və Ramin adlı şəxsin üzərində narkotik vasitə olmasının müəyyən edilməsi üçün polis əməkdaşları Ucar rayon Qarabörk kəndi ərazisində yerləşən Ucar yeməkxanasının yaxınlığına göndərilmişdir. Naqil və Ramin adlı şəxslər Ucar rayon yeməkxanasının qarşısında müəyyən edilərək polis şöbəsinə gətirilmiş və hal şahidlərinin iştirakı ilə üzərlərinə baxış keçirilmişdir. Baxış zamanı Ibrahimov Ramin Qiyas oğlunun əlində olan selofan torbanın içərisindən 3 kibrit qutusunda qurudulmuş marixuana aşkar edilərək götürülmüşdür. Həmin vaxt Ibrahimov Ramin Qiyas oğlu bildirmişdir ki, həmin narkotik vasitə olan torbanı Göyçay şəhər sakini Mahmudov Adil ona Naqil adlı şəxsə çatdırılması üçün vermişdir. Həmin vaxt Adil adlı şəxs polis şöbəsinə dəvət edilmiş və Ramin adlı şəxsin izahatı ilə əlaqədar izahat verməsi üçün Ucar rayon polis şöbəsinin Narkomaniya və Narkomanlığa qarşı mübarizə qrupunun baş əməliyyat müvəkkili Vaqif Həşımova təqdim edilmişdir. Lakin həmin vaxt Adil Mahmudov izahat verməkdən yayınaraq Ucar rayon polis şöbəsini tərk edib getmişdir”
Təxminən 2 ay əvvəl Ibrahimov Ramin Qiyas oğlu AR CM-nin 234.1 maddəsi ilə təqsirli bilinərək Ucar rayon məhkəməsinin hökmü ilə 1(bir) il, 6(altı) ay müddətinə azadlıqdan məhrum edilib.
Sual etmək olar ki:
Baş müstəntiq narkotik vasitəni verəndən niyə izahat almayıb?
Naqil kimi şəxslər halal pulunu geri almaq üçün niyə həbs təhlükəsi ilə üzləşməlidir?
Baş müstəntiqin apardığı istintaqda neçə nəfər təqsirli şəxs var?
İlham Əhmədova gələn telefon zəngində nakotik alverçisi kim idi?
Belə ki, İlham Əhmədova zəng edən şəxsin kim olduğunu onun özündən soruşsanız, o bu barədə daha geniş danışa bilər. Ibrahimov Ramin “oyunu” digər qurama cinayətlər qarşısında toya-bayrama getməlidir. Özbaşınalıq baş alan Ucar rayonunda narkotiklə şərlənərək həbsə atılan və ya pulu alınaraq sərbəst buraxılan o qədər işlər var ki...!”
