Bir neçə gün əvvəl məlum oldu ki, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi artıq 1-ci kateqoriya dövlət orqanı statusuna malik olacaq. Xatırladaq ki, bu, Prezident İlham Əliyevin təsdiqlədiyi “Dövlət qulluğu haqqında” qanuna edilən dəyişiklikdə əksini tapıb.

Qanuna görə, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi artıq 1-ci kateqoriya dövlət orqanı statusuna malik olacaq. Qanuna əsasən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi və onun müavinləri vəzifələri inzibati vəzifələr təsnifatından çıxarılıb, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsinin köməkçisi vəzifəsi isə üçüncü təsnifat vəzifələr siyahısına daxil edilib.

"DİA-AZ" bildirir ki, buradan Naxçıvanda əsas səlahiyyətli şəxsin Prezidentin xüsusi nümayəndəsinin olduğu aydın olur. Amma bu hadisə Naxçıvanda birmənalı qarşılanmır. Yəni Muxtar Respublikada birinci şəxsin hansı vəzifə daşıyıcısının önəm daşımadığı deyilir. Bu barədə bizə yazan Naxçıvan sakinləri bildirir:

"Başda duran şəxsin Ali Məclisin sədri, baş nazir və yaxud da Prezidentin nümayəndəsi olması heç bir önəm daşımır. Vasif Talıbovdan sonra aydınlığa çıxacağını gözləyən MR sakinləri artıq ümiddən düşüblər. Kim olursa-olsun vətəndaşların güzəranında müsbət dəyişiklik olmayacaq. Fuad Nəcəfli 3 il ərzində Vasif Talıbovun ölənlərinə rəhmət oxutdurdu. İndi də Ceyhun cəlilov Fuad Nəcəflinin ölənlərinə rəhmət oxutdurur.

Yaxşı olardı ki, Naxçıvanda bir günün imində bütün kadrları dəyişərdilər. Başda təbii ki, Ceyhun Cəlilov olmaq şərtilə. Bu adam əvvəlki vəzifələrində hansı müsbət addımı ilə yadda qaldı ki, indi belə bir etimada layiq görüldü.

Bütün vəzifələrə öz qohumlarını, dostlarını, yaxınlarını təyin etdirir. Hətta onun özündən də betər bir köməkçisi var. Sədrəddin adında... sanki SƏDRİ-ƏZƏMDİR... O qədər harınlayıb ki... 

Sədrəddinin Əmək və Əhalinin Sosial Müdafiəsi Nazirliyi sisteminə yerləşdirdiyi qohum-əqrabasına, xala nəvələrinə nə deyəsən? Kostyum daşıyan Sədrəddinin arvadı Aygül Həsənova necə olur ki, Nehrəm 2 nömrəli məktəbdə riyaziyyat müəllimi işləyə-işləyə həm də Naxçıvan Uşaq Bərpa Mərkəzinin direktorudur? İxtisasımı uyğundur - yox, savadımı çatır - yox, bəs səbəb nədir? Səbəb odur ki, Ceyhun Cəlilov öz arvadını Nazirliyə şöbə müdiri qoyanda, köməkçisi Sədrəddin də həmin nazirlikdə bir mərkəz direktoru vəzifəsin zəbt etməli idi. 

Naxçıvanda durum belədir. Ona görə də, birinci şəxsin vəzifəsinin adı yox, kimliyi daha önəmlidir..."