"Fevraldan hesabımda əsassız olaraq bloklanan 9000+ manat pulumu ATB geri qaytarmır..." "DİA-AZ" bildirir ki, bu sözlər Kamil Hüseynov adlı şəxsin müraciətində yer alıb.Narazı vətəndaş daha sonra başına gələnləri belə nəql edir: "Bank mənə yalnız 5 450 manatlıq bir əməliyyatın “şübhəli” hesab edildiyini bildirib. Əgər həqiqətən yalnız həmin məbləğ araşdırılırsa, qalan təxminən 4 000 manat vəsait niyə 7 aydır qanunsuz şəkildə blokda saxlanılır? Bu suala heç kim cavab vermir.
Mənə bir dəfə bildirildi ki, kartdan imtina ərizəsi yazım və qalan vəsaiti götürüm. Daha sonra isə bu da həyata keçirilmədi və yenidən “araşdırma gedir” deyildi. Filiala yaxınlaşdıqda qərarın məhkəmə tərəfindən verildiyi deyilsə də, məhkəmə qərarı mənə təqdim olunmur. Mərkəzi bank və Pashapay (m10) razılıq verilməsə deyirlər sənin pulun qaytarılmayacaq. Mənə deyilir ki Pashapaya müraciət et, çünki pul sənə m10 hesabından gəlib, buna görə də get onlardan icazə razılıq al. Bu nə gülünc vəziyyətdir ki bank özünü salır? Niyə öz müştərisinə kömək etmir? Niyə illərlə yaratdığı güvəni sarsıldır? Mən daha banklara necə güvənib hesabda pul saxlayım? Mənim kimi də digərləri! Niyə gedən araşdırmaya, “istintaqa” görə məni heç bir hüquq-mühafizə orqanı çağırmayıb bloklanma ilə bağlı?.."
