DİA.AZ: - Bakı şəhər, Nizami rayonu, Əlif Hacıyev küçəsi, ev 40, 2 saylı bina, mənzil 36-da yaşayan Alışov Azər Şəmil oğlu və həmin binanın 99 –cu mənzilində yaşayan Alışov Cəmil Şəmil oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Biz, Ağdam, Cəbrayıl və Zəngilan rayonlarından olan 9 məcburi köçkün ailəsi 1994-cü ildən Nizami rayonu, Əlif Hacıyev küçəsi, ev 21\23-də yerləşən yataqxana və onun balansında olan torpaq sahəsində yaşamışıq. Yaşadığımız bananın və torpağın yerində rəsmi dövlət orqanları rəhbərlərinin iştirakıilə “Rahatlığın Məkanı” MMC rəhbərləri arasında olan rəsmi razılaşmalara görə burada 4 ədəd 16 mərtəbəli binalar tiliklmişdir. Razılaşmaya əsasən MTK-nın əsil sahibi olan Akif Mustafayev bizi yaşadığımız mənzillərdən köçürmək üçün hər otağa görə pul kompensasiyası təklif etdi. Razılaşmayanlara isə tikdikləri binadan mənzillə təmin edəcəklərini söz verdilər. Bakı şəhər İcra Hakimiyyəti başçısının göstərişi olub ki, sakinlərlə razılaşdırılmalıdır ki, binanın inşasına start verilsin. Bu razılıq əsasında 7 ailəyə yaşadıqları otaqlara uyğun pul ödənildi. Mən və qardaşım Cəmil isə cəmi 3 otaqlı , yəni, 70 kv m. sahəsi olan mənzilin təhvil verilməsi müqabilində razılaşdığımıza görə “Rahatlığın Məkanı” MMC-nin direktoru Acalov İsmayıl Nəbi oğlu ilə mənim və qardaşım Cəmil Alışov arasında 05 nyabr 2016-cı il tarixli rəsmi MÜQAVİLƏLƏR bağlanmışdır. Müqaviləyə əsasən MMC Nizami rayonu, Ə.Hacıyev küçəsi 34 ünvanında tikilmiş 2 saylı yaşayış binasında 63 kv.m ümumi sahəsi olan , 6-cı mərtəbə, 36 saylı 2 otaqlı mənzili Azər Alışova, yenə həmin binada 13-cü mərtəbədə 99 saylı, 2 otaqlı mənzili Cəmil Alışova təhvil verdikləri mənzillərin əvəzi olaraq verilmişdir.
Biz qardaşlar bağladığımız müqavilənin bütün şərtlərinə əməl etməklə hazırda da bizə verilən mənzillərdə ailəmizlə birlikdə 3 ildir ki, yaşamağımızı davam etdiririk. Mənzilin kommunal təchizatını da biz öz hesabımza çəkib bir abonent kimi ödənişləri həyata keçiririk. Hazırda binanın digər sakinləri kimi biz qardaşlar da istəyirik ki, yaşadığımız mənzillərə mülkiyyət sənədi əldə edək. Lakin çox təəssüflər olsun ki, Dövlət Əmlak Komitəsinə mülkiyyət sənədi almaq üçün tələb olunan sənədi “Rahatlığın Məkanı” MMC rəhbərliyi qəsdən bizə təqdim etmək istəmir. Bəhanələrini də belə izah edirlər ki, “sizin indi yaşadığınız mənzillər şəxsi eviniz olsa da, evi bizə təhvil verib çıxmalısınız. Çünki dövlət sizə yeni yaşayış evləri verəcək.” MTK rəhbərliyinin bu yanaşmasını yanlış və əsassız hesab edirik. Bu fərziyyə açıq-aşkar bizim mülkiyyət hüququqmuzun pozulması deməkdir. Çünki, hazırda yaşadığımız mənzil bizə dövlət tərəfindən deyil, özəl MTK tərəfindən vaxtilə yaşadığımız mənzilin və torpağın bu MTK-ya təhvil verilməsi nəticəsində biz bu mənzilləri bağladığımız müqavilə əsasında almışıq və bu rəsmi sənəddə belə bir maddə və ya təklif öz əksini tapmamaışdır. Müqavilə şərtlərinə uyğun olaraq biz də digər azərbaycanlı sakinlər kimi bərabər hüquqa malikik və mülkiyyətimizdən istifadə edirik. Sonrakı süründürməçilklərdən sonra MTK-nın əsas rəhbərləri hesab edilən Akif Müstafayev sonda onu da bildirmişdir ki, onun da şərikləri varmış və həmin adamlar dövlət orqanlarında yüksək vəzifələrdə hazırda çalışan məmurlardır və onun arxasında dururlar. Onlar sizə mülkiyyətin əldə edilməsi üçün lazım olan sənədləri verməyə razılıq vermirlər. Yəni, nəticəyə gəlirik ki, “Rahatlığın Məkanı” MMC-nin yüksək dövlət məmurlarından ibarət rəhbərliyi müqavilə şərtlərini pozaraq bizə verdikləri mənzilləri qanunsuz olaraq əlimizdən alaraq satmaq istəyirlər.Deməli, bu zorakı yanaşmadan belə məntiqi nəticə də çıxır ki, bizdən fərqli olaraq mənzil əvəzinə vaxtilə pul kompensasiyası almış 7 ailəyə də köçürlümək üçün verdikləri pulları əllərindən zorakılıqla alacaqlar. Bu özbaşnalıqdır.
Xatırladaq ki, AR Nazirlər Kabinetinin 2016-cı il 25 fevral tarixli, 86 nömrəli Qərarının 1.3-cü madəsinin tələblərinə əsasən, “Tərəflər” arasında bağlanmış müqavilələrin şərtlərinə riayət olunması Nizami Rayon İcra Hakimiyyəti tərəfindən nəzarətə alınır.
Cənab Prezident İlham Əliyev! Biz qardaşlar ona görə şəxsən Sizə müraciət etmək zorunda qalır və çox xahiş edirik ki, “Rahatlığın Məkanı” MMC –nin (MTK-nın) dövlət məmurları olan rəhbərlərinin bizə qarşı planlaşdırdıqları qanunpozuntusunun, özbaşnalığın qarşısının alınmasına və hazırda yaşadığımız mənzillərə mülkiyyət sənədinin əldə edilməsi üçün köməklik edəsiniz".
İddia olunanlarla bağlı diaaz.space olaraq bütün maraqlı tərəflərin mövqelərini işıqlandırmağa hazırıq...
