Masallı rayonu əhalisinə görə Azərbaycanın ən sıx rayonlarından olduğu kimi, Qızılağac kəndidə Masallı rayonunda kəndlər arasında bir çox xüsusiyyətlərinə və ən əsas əhali sayının çoxluğuna görə daima diqqətdə olub, bu gündə belədir.
JAM.AZ xəbər verir ki, bu kənddə 2002-ci ildə bir başa İcra Hakimiyyəti tərəfindən nifaq toxumu səpilib. O vaxtdan bu günədək icra başçıları bir neçə dəfə dəyişilsə də, bu vəziyyət yenilərə sərf etdiyi üçün o vaxtkı “şeytanın quyruğu” bu gün də kənddən çıxmır. Kənddə mini “İqtidar” və mini “müxalifət” sistemi qurulub. Zaman-zaman bir tərəf “iqtidar”, digər tərəf isə “müxalifət” olur. Daha doğrusu, kim çox “hörmət” etməyi bacarırsa, hakimiyyəti o ələ alır. Və ya “iqtidardakı” komanda bezib və müflis olursa, o tərəf “müxalifətə” keçib, zamanı və güclənməsini gözləyir. Köhnə “müxalifət” isə “iqtidar”a çevrilib zamanı çatanadək müflisləşib yerini dəyişir.
Düzdür, arada bu komandadan digərinə “transfer”lər də olur. Kənddəki hakimiyyət həmin “transferin” kapitanlığı altında öz iqtidarını sürür, sadə camaatda eynilə futbol maçında olduğu kimi, tamaşaçı rolunda “top” kimdədirsə, onu tərəfə baxır. Beləliklə, Qızılağac üçün həyat beləcə davam edir…
JAM.AZ-a verilən məlumata görə, indi kənddə bu “müxalifət-iqtidar” oyununun əsas siması Şamil Məmmədovdur. Bu şəxs kənddəki hakimiyyətə bir neçə dönəm “müxalifət” olan Zakir Abuşovun komandası ilə, “xeyriyyəçilik” pərdəsi altında 2009-cu il Bələdiyyə seçkilərində oyuna qatılıb. İnsafla desək, həmin vaxt kənddə yaxşı hörməti olan Ş.Məmmədov seçkiləri müvəffəqiyyətlə başa vurdu. Ancaq hakimiyyətin “özünə məxsus seçki texnalogiyası” onu “ofsaytda” qoyaraq, yekunda seçkini uduzmağa vadar etdi.
Bunu özünə sindirə bilməyən Məmmədov 2010-cu ildə kənd icra nümayyəndəsi Tahir Abdullayevi şantaj və qaydalara zidd, özünə yaxın kanallarla vəzifəsindən uzaqlaşdırıb, ozu “kənd icra nümayyəndəsi” postunu tutmağı bacardı. O gündən Qızılağac kəndində “hərbi xunta” rejimi başladı…
Ş.Məmmədov özü ilə bərabər kəndə bir neçə yeni “əndirəbadi” qanunlar da gətirməyə başladı. O, bu qanunları polis vasitəsilə həyata keçirməyə cəhd etsə də, işlədiyi dövürdə bu qanunlara camaat etiraz edir və yavaş-yavaş həmin “qanunlar” öz əhəmiyyətini itirməyə başlayırdı.
İcra nümayəndəsi işlədiyi dövrdə etmədiyi qanunsuzluq, camaata etmədiyi pislik qalmadı. Elə ünvanlı sosial yardım maxinasiyasında 2013-2014-cü illər ərzində 187ünvanlı sosial yardım alan vətəndaşların 119-nu saxta arayışlarla təmin edərək, həmin vətəndaşların xəbəri olmadan dövlətdən yüksək məbləğdə pul ayrılmasına rəvac verdi. Bu 119 vətandaşın içində Ş.Məmmədov əsasən kənddə yaşamayıb, qeydiyyatda olan insanlar, maddi yardıma ehtiyyacı olmayanlar, hətta xaricdə yaşayanlar da azlıq təşkil eləmirdi. Təxmini hesablamaya görə Ş.Məmmədov 1 il ərzində belə maxinasiya ilə dövlətə 500.000 manatadək zərər vurub.
Maraqlı odur ki, kənd sakinləri dəfələrlə Prezidentə və başqa aidiyyərli orqanlara şikayətlər ünvanlasalar da, indiyədək heç bir vətəndaşa şikayətilə bağlı cavab gəlməyib. Səbəb isə bütün şikayətlərin İcra Hakimiyyəti tərəfindən “həll edilməsi”dir.
JAM.AZ-ın araşdırmalarına görə, bu maxinasiyada ən maraqlı məqam 15 avqust 2012-ci ildə faciəvi surətdə vəfat etmiş Ağabalayev Hüseyn Mərdan oğluna ailəsinin belə xəbəri olmadan Ş.Məmmədovun 18 avqust 2013-cü ildə saxta arayış verməsidir.
Bu hadisədən bir neçə müddət sonra xəbər tutan vəfat etmiş şəxs Hüseyn Ağabalayevin ehtiyac girdabında boğulan ailəsi, qardaşı Ağabalayev Əli Mərdan oğlu, yoldaşı Ağabalayeva Elnarə Ələmqulu qızı 10 iyun 2014-cü ildə Masallı Rayon Polis Şöbəsinə şikayət edirlər. İşlə əlaqədar cinayət işi açılıb, hal-hazırda iş Masallı RPŞ-nin İstintaq Bölməsinin müstəntiqi Nizami Caniyevin icraatındadır.
Məlumatlara görə, Ş.Məmmədov İcra Nümayyəndəsi vəzifəsindən istefa verərək, komandasının müəyyənləşdirməklə bələdiyyə seçkilərinə namizədliyini irəli sürüb. Məqsəd Bələdiyyə sədri postunu ələ keçirməkdir. Amma ortada qaranlıq məqamlar da var. Məsələn, Ş.Məmmədov hal-hazırda dövlətin Qızılağac kəndində olan 1 nömrəli adamı idisə, nədən Bələdiyyə sədri olmaq istəsin? Və ya onun haqqında cinyaət işi olduğu halda 71 saylı Masallı kənd DSK-sı namizədliyini necə qeydə alıb? Altı aydır barəsində cinayət işi açılan Ş.Məmmədovun cinayətini kimlər və niyə ört-bastır edir? Hər halda bu suallara aydınlıq gətiriləcək.
