Şəkidə idarə rəisinin özbaşınalığı o həddə çatıb ki,Seçki komissiyasının üzvü olan YAP-çı xanımı şərləyərək işdən çıxarıb.
Redaksiyamızı məlumatlandıran mənbənin iddiasına görə,”daydayı”sı Elxan Usubov bu “igid” oğlana o qədər rahat hərəkət imkanı verib ki,adi bir cuppulu”JEK” müdiri Prezident haqqında ironiyalı fikirlər səsləndirməkdən belə çəkinmir…Əcaba,Şəki Şəhər Mənzil İstismar Sahəsinin rəisi Sədi Əhməd oğlu Balənmədov bu cəsarəti,bu gücü kimlərdən alır??? Yoxsa,yerli məhkəmələrə təsir göstərən,Ali məhkəmənin qərarlarını az qala heçə sayan bu adamlar dövlətə,prezidentin islahatlarına qarşı əzələ nümayiş etdirirlər??? Bəlkə də…
Kanal32.az xəbər verir ki,saytımıza məktub göndərən 1993-cü ildən YAP Şəki şəhər təşkilatının ilk üzvlərindən biri olan,uzun illərdir seçki komssiyasında çalışan,Şəki Şəhər Mənzil İstismar Sahəsinin sabiq əməkdaşı Qarayeva Təranə Allahyar qızı üzləşdiyi məmur özbaşınalığından,təhqir edilməsindən və məhkəmə haqsızlığına məruz qalmasından şikayətçi olduğunu bildirib.
Xüsusən,idarə rəisi Sədi Əhməd oğlu Balənmədovun qanunsuz əməllərindən,rəhbərlik etdiyi idarədə “Burada mənəm,Bağdadda Kor xəlifə” prinsipi ilə işləməsindən, icra başçısı Elxan Usubovdan başqa heç kimi “tanımamasından”, məşhur “kart əməliyyatları”ndan və ölkə başçısı haqqında səsləndirdiyi qeyri-etik ifadələrdən…
Haqsızlığa məruz qaldığını deyən Təranə Qarayevanın sözlərinə indiyə kimi üzləşdiyi qanunsuzlqular və özbaşınalıqlarla bağlı bütün müvafiq dövlət qurumlarının rəhbərlərinə, o cümlədən ölkə başçısı cənab İlham Əliyevə dəfələrə məktub ünavanlayıb. Amma,heç bir nəticəsi olmayıb.Əvəzində Şəki Şəhər İcra Hakimiyyətinin müxtəlif şöbələri həm birbaşa,həm də dolayısı ilə Sədi Balənmədovu müdafiə edən “cavablar” veriblər.
Əmək hüquqlarının kobud şəkildə pozulduğunu deyənTəranə Qarayeva bildirir ki,1990-cı ildən Mənzil İstismar Sahəsində kadrlar üzrə müfəttiş işləyib.Lakin Sədi Balənmədov mənimlə açıq intirqa apararaq,məzuniyyətə olduğum halda məni 17.09.2018-ci ildə işdən azad edib.Səbəb kimi isə guya mən rəisdən xəbərsiz Şəki şəhər sakini Abdurəhmanov Bəxtiyar Əhməd-Muxtar oğlunun xasiyyətnaməsinə möhür vurmuşam.O zaman mən sual edirəm:Sahə rəisinin möhürü uşaq oyuncağıdır ki,hər yetənin əlində gəzsin? Axı möhür müvafiq qaydada başqa şəxsə verilərsə,bu xüsusi qaydada əmrləşdirlir və aktla həmin şəxsə təqdim olunur. Əgər Sədi Balənmədov həqiqətən də bir rəhbər kimi dövlətin möhürünün qoruya bilmirsə, niyə o vəzifədə çalışır?
Bütün bunlar onu göstərir ki,MİS-in rəisi Sədi Balənmədov Təranə Qarayeva sözün əsl mənasında “torpa tikib”.
Şikayətçi onu da qeyd edir ki,o hüquqlarının bərpa olunması üçün müvafiq qaydada məhkəməyə müraciət edib.Ancaq birinci və ikinci intansiya məhkəmələri MİS rəisinin vəkili qismində çıxış ediblər.Və iddiaçı Təranə Qarayevanın haqqını tanımayıblar. Bu “qələbə”sini şadyanalıqala qeyd edən Sədi Balənmədov bildirib ki, icra başçısı Elxan Usubovun allah canını sağ eləsin.Arxamada durub və məhkəmələrə necə lazımdır tapşırıq verib.Sən mənə onsuz da heç nə edə bilməzsən. Hələ bu azmış kimi özünü icra başçısı Elxan Usubovdan sonra Şəkinin “sözükeçən oğlanı” hesab edən MİS-in rəisi Sədi Balənmədov ölkə başçısına hörmətsizlik edərək, ironiyayalı şəkildə deyib:“Get, sevimli prezidentin sənə iş versin”.
Ancaq iddiaçı Təranə Qarayevanın şikayəti əsasında Ali məhkəmənin Mülki Kollegiyası 04.09.2019-cu il tarixli qərarı ilə Şəki Apellasiya Məhkəməsinin qətnaməsini ləğv edib.
Yuxarıda sadalanan hallar sahə rəisi Sədi Balənmədovun “fəaliyyəti”nin az bir hissəsidir.YAP Şəki şəhər təşkilatının ilk üzvlərindən olan şikayətçi Təranə Qarayeva Sədi bəyi müdafiə edən bəzi qurumlara bir neçə sual ünvanlayıb:
-Şəki Şəhər Mənzil İstismar Sahəsinin inzibati binasının iş otaqlarına, o cümlədən qadınlar oturan otaqlara niyə müşahidə kameraları quraşdırılıb???
-İdarə rəisi Sədi Balənmədov tabeliyində çalışan işçiləri “Hamınızın telefonlarınızı izlətdirirəm.Kimlərlə danışdığınızı üzə çıxaracam” kimi ifadələrlə niyə təhdid edir???
-İdarə rəisinə bu hüququ kim verib və o bu cəsarəti kimdən alıb???
Şikayətçi Təranə Qarayeva onu da bildirib ki,ölkə başçısının çağırışından ruhlanaraq 01 iyun 2020-ci il tarixdə Prezident Adminstrasiyasına telefonla zəng edib və son iki ildə başına açılan oyunlar barədə onları məlumatlandırıb.Prezidentin köməkçiləri tərəfindən qəbul edilməsi üçün müraciət edib.
Hazırda araşdırma aparıldığından daha ətraflı növbəti yazıda…Biz izləyin…Şəkidə baş verən inanılmaz məmur özbaşınalıqlarını,törədilən qanunsuz əməlləri müvafiq dövlət orqanlarına, Baş prokurorluğa və DTX-ya təqdim edəcəyik…
Redaksiya olaraq yazıda adı keçən şəxslərin mövqeyini dərc etməyə hazırıq.
