Təhsil Nazirliyində kadr və struktur islahatlarının nəticəsində ötən ildən təhsil sahəsinə gələn gənc kadrların bəzilərinin sonrakı aqibəti nədənsə müəmmalı qalıb. Mikayıl Cabbarovun təyinatından az sonra nazirliyin informasiya şöbəsinə müdir vəzifəsinə gətirdiyi Elnur Əliyevin timsalında bunu deməyə əsas var. Həm Bakıda, həm də xaricdə hüquqşünas ixtisası üzrə təhsil almış E.Əliyevin gənc kadr kimi yüksək vəzifəyə irəli çəkilməsinin, təbii ki, nazirliyin fəaliyyətində müsbət dəyişikliklər yaradacığına ümidlər olmamış deyildi. Uzun müddət təhsil sistemində oturuşmuş kadrların sürətlə əvəzlənməsi M.Cabbarovun nazir kimi fəaliyyətə başladığı ilk dövrlərdə dəyişikliyə inam da yaratmışdı. Hər kəs gözləyirdi ki, 90-cı illərdən qalmış və artıq yaşlanmış bəzi məmurların daha gənc, enerjili mütəxəssislərlə əvəzlənməsi səmərəsini verəcək. Lakin ötən müddət ərzində bu gözləntilərin özünü doğrultmaması təəssüf hissi doğurur.
Bundan əlavə, yeni kadrların da bir yerdən digərinə tez-tez transferi bəzi müəmmalı suallara yol açır. Keçən dərs ilinin başlanması ərəfəsində nazirin əmri ilə Elnur Əliyev Bakı şəhəri üzrə Təhsil İdarəsi müdirinin birinci müavini vəzifəsinə təyin olunmuşdu. Keçmiş müdir Nailə Rzaquliyevanın tutduğu vəzifədən azad olunmasından sonra idarənin müdiri vəzifəsi birinci müavin E.Əliyevə həvalə olundu. Mətbuatda təhsil sisteminə В«İçərişəhərВ»dən gəldiyinə dair məlumatlar yayılan E.Əliyevin bir illik fəaliyyəti dövründə Bakı təhsilində nə kimi uğurlu islahatları həyata keçirdiyi, hansı müsbət dəyişikliklərə imza atdığını deyə bilmərik. Ən azı ona görə ki, bu barədə nə rəsmi xəbərlərdə, nə də məktəb həyatının reallığında əsaslı bir yeniliyə rast gəlməmişik. Əksinə, ötən dövrdə E.Əliyevin haqqında daha çox nazirin yaxın adamı, hətta, bəzi məlumatlarda xalası oğlu kimi təqdim edilən biri kimi təhsilin bir sıra sahələrini В«özəl olaraq kurasiya edənВ» məmur imici formalaşıb. Biz onun barəsində mətbuatda yayılmış В«qara qutuВ» oxşatmasının səbəblərini, xaricdə təhsilə göndərilənlərin seçilməsi proseduru və ya xaricdə verilmiş diplomların tanınmasında söz sahibi olmasına dair məlumatların özəlliyinə də varmırıq.
Görünən odur ki, В«uğurlu kadr islahatıВ» kimi təqdim olunan Elnur Əliyevin təyinatının hansı səmərə verdiyini söyləməkdə çətinliklər var…
Daha maraqlısı isə odur ki, E.Əliyevin Bakı şəhəri üzrə Təhsil İdarəsinə rəhbər vəzifəyə gətirilməsi nə qədər təm-təraqlı təqdim edilmişdisə, onun həmin vəzifədən getməsinə dair rəsmi məlumat verilmədi. Ümumiyyətlə, N.Rzaquliyevadan sonra idarəyə müdir təyin olunmayıb. Hazırda idarənin rəsmi internet səhifəsində də müdir bölməsi boşdur. Müavinlər bölümündə isə yalnız 3 müavinin adı göstərilir ki, E.Əliyev isə onların sırasında yoxdur.
M.Cabbarovun В«yaxın adamıВ»nın qəfil gətirildiyi vəzifədən səssizcə uzaqlaşdırılması təbii ki, suallar yaradır. Nazirlikdən Bakı təhsilinə gətiriləndən sonra da В«eyni funksiyalarıВ» yerinə yetirən Elnur Əliyevin 200-dən çox orta məktəbin işinə rəhbərliyi nəyi dəyişdi? Yoxsa, bu transferlə Elnur Əliyev üzərinə düşən missiyanı 1 il ərzində tam yerinə yetirmiş sayılır? Bəs nəzərdə tutulan dəyişikliklər, В«perspektivli kadr islahatıВ» vədləri nə oldu? Ötən il ərzində barəsində yalnız tənqidi çıxışlar, müraciətlər, xəbərlər yayılan Elnur Əliyevin yenidən əvvəlki işinə qaytarılması nazir M.Cabbarovun növbəti В«kadr islahatıВ»dır, yoxsa bu В«səssiz transferinВ» özəl səbəbləri var?
Bu sualların ünvanlandığı Təhsil Nazirliyinin mətbuat xidmətinin rəhbəri Cəsarət Valehov Analitik.az-a bildirib ki, Bakı şəhəri üzrə Təhsil İdarəsində müdir müavini vəzifəsi Elnur Əliyevə həvalə edilmişdi. Hazırda isə E. Əliyev Təhsil Nazirliyində informasiya şöbəsinin müdiri vəzifəsində çalışır və fəaliyyətini davam etdirir.
Bu qədər… əlavə məlumat verilmir. Ancaq digər mənbələrdən daxil olan məlumatlarda məsələnin göründüyü qədər sadə olmadığı, E.Əliyevin gəliş-gedişinin təfərrüratları barədə kifayət qədər ilginc xəbərlər dolaşır. Əvvəlcə, dövriyyəyə E.Əliyevin, guya, təhsil sistemində oturuşmuş kadrlarla baş-başa gəlməsi səbəbindən nazirliyə geri aparılmasına dair məlumatlar buraxılıb. Guya, M.Cabbarov özünə yaxın adamını В«qoca qartallarınВ» əlindən alaraq, daha sakit – əvvəlki vəzifəsinə qaytarıb. Lakin, bununla yanaşı, В«qayıdışınВ» nazirin özünün də iradəsindən asılı olmadığına, özəl səbəblərinin mövcudluğuna dair məlumatlar daha ilgincdir. Səbəblərin, xüsusilə, E.Əliyevin özü ilə, şəxsi həyatı ilə bağlı olduğu, M.Cabbarovun isə başqa seçimi olmadığından təm-təraqlı təyinatını geri götürmək məcburiyyətində qaldığı bildirilir. Təhsil sisteminə kənardan gəlmiş E.Əliyevin bəzi В« qəribə özəllikləriВ» ilə də təhsil mühitinə uyğun olmadığına dair daha yuxarı (həm də vacib) orqanların məlumatlandırılması onun səssizcə В«geri çağırılmasınıВ» labüd edib.
Deyilənə görə, hazırda işlədiyi şöbə müdiri vəzifəsi də onun üçün son yüksək vəzifə ola bilər. Söhbət təkcə E.Əliyev barəsində 1 il ərzində mətbuatda yayılan oxşatmalardan, xaricdə təhsil və diplomların tanınması, təhsil işçilərinin narazılığına səbəb olan В«nəzarət mexanizmВ»lərindən getmir. Daha doğrusu, əslində bu məlumatlar səbəb deyil. Əsl səbəb kifayət qədər müəmmalı və inanılmaz məlumatlarla bağlıdır. Bunu fakt olaraq nazirin də bildiyi və yaxın adamının təyinatının uğursuzluğu ilə barışdığı söylənilir.
Hər halda Elnur Əliyevin Mikayıl Cabbarovun çox yaxın, həm də inanılmış adamı olmasını təkzib edən rəsmi və ya qeyri-rəsmi açıqlamalara rast gəlməmişik. Bu gün də şöbə müdirinin nazirə çox yaxın olduğu deyilir. Onların arasında münasibətlərin dəyişməsindən söhbət getmir. Ən azı bu baxımdan Təhsil Nazirliyinin В«E.Əliyev müəmmasıВ» elə müəmma olaraq da qalmaqdadır…Necə ki, nə Bakıda, nə də ümumi respublika üzrə təhsilin keyfiyyətində gözəçarpan dəyişiklik yoxdur…
