MOLLA REJİMİ SÜBUT ETMƏK İSTƏYİR Kİ, AZƏRBAYCANLA İRAN DOSTDUR (?!)
DİA.AZ: - Son günlər fars-molla rejimi yenidən Azərbaycan əleyhinə təbliğatını gücləndirib. Elə bunun nətcisədiri ki, hətta mətbu müstəvidə nümayiş olunan dözümsüzlük iki ölkə arasındakı açıq siyasi münasibətlərə də birbaşa təsirini göstərməkdədir. DİA.AZ bildirir ki, əslində İrandakı fars-molla rejimini yeganə çökdürəcək qüvvənin və ideyanın məhz Azərbaycan türklərinə bağlı BÜTÖV AZƏRBAYCAN amalının olduğunu yaxşı dərk etdiyindən bəlkə də ABŞ-dan gələn iqtisadi-siyasi təzyiqlərdən daha çox qeyd olunan istiqamətdə müşahidə olunan hərəkətlənmələrə xüsusi həssaslıq nümayiş etdirir.
Fars-molla rejimi bunun nəticəsidir ki, əlindəki mətbu güclə davamlı olaraq kampaniya aparmağında və İranın guya ki Azərbaycana yeganə dost ölkə olduğunu isbatlamağındadır. Təbii ki, bu yöndə xüsusi canfəşanlıq nümayiş etdirən В«AranNewsВ» portalında yer alan digər yazılra kimi aşağıda təqdim etdiyimiz bu materialın da reallığa heç bir aidiyyatı yoxdur. Ən azından o səbəb görə ki, həm Azərbaycanın Güneyində və həm də Quzeyində İranın dövlətimizə və millətimizə hansı səviyyədə düşmən münasibət bəslədiyini hər kəs yaxşı bilir. Hər kəs onu da yaxşı bilir ki, sözdə özünü “İslam Respublikası” adlandıran fars-molla rejimi düşmən Ermənistana minlərlə şiə Azərbaycan türkünü vəhşiliklə qətlə yetirməsinə dəstək verən əsas ölkələrdən biri, bəlkə də birincisidir. Odur ki, bu kimi nağıllarla artıq uşaqları belə yola vermək mümkün deyil. Fars mətbuatında yer alan həmin materialı təqdim edirik:
В«Azərbaycan Respublikasının hakimiyyətində təsir yarada bilən bəzi dairələr son illərdə öz qonşularına qarşı münaqişə siyasəti seçiblər. Azərbaycan hakimiyyətindən olan bu qanad ölkənin milli maraqlarını nəzərə almadan və məhz öz şəxsi mənafelərini təmin etmək üçün erməni və sionist lobbilərindən böyük məbləğdə rüşvət alaraq öz qonşuları ilə münaqişə, sionist rejimlə isə münasibətlərin genişləndirilməsi siyasəti aparırlar.
Bakı ilə qonşuları arasında hakim olan münasibətlərə azacıq diqqət etməklə aydın olur ki, hökumət daxilindəki bəzi qüvvələr ölkənin qonşuları ilə münaqişə siyasəti aparır, qərb və erməni lobbilərindən bac almaqla sionistləri seçirlər və bu siyasəti izləməklə özlərini geosiyasi təcridə salıblar.
Cənub
Azərbaycan Respublikası cənudan İran İslam Respublikası ilə qonşudur. İki ölkə xalqlarının dini, mədəni və ictimai ortaqlıqlarına baxmayaraq bu ölkə hakimiyyətinin apardığı siyasətə diqqət etməklə, iki ölkə arasında elə də möhkəm siyasi, iqtisadi, ictimai əlaqələr yoxdur. İran İslam Respublikası öz yaxşı qonşuluq siyasətini dəfələrlə bu ölkə xalqına müxtəlif yollarla sübut etmişdir. Lakin, Azərbaycan hakimiyyəti xalqın neft və digər milli sərvətlərini qarət etmək üçün uzunmüddətli məqsədləri qarşısında həmişə İranı mane hesab etmiş və daim öz ölkəsi xalqının İran xalqı ilə əlaqələrini kəsməyə çalışır. Bu əsasla öz son hərəkətində hər iki ölkə vətəndaşlarının sadələşdirilmiş qaydada sərhədi keçmələri haqqında Memorandumu ləğv etdi.
Sionist lobbisi həmişə İslamın genişlənməsindən vəhşətlənir, həmişə Azərbaycan Respublikasını müsəlman və şiə ölkəsi olan İrandan uzaq saxlamağa çalışır. Çünki bilir ki, İslam əsasları bu ölkədə həyata keçsə, bu xalqın milli sərvətlərini qarət edənlərin əli kəsiləcəkdir
Qərb
Bu ölkə qərbdən Ermənistanla həmsərhəddir və onunla münaqişə və qarşıdurma vəziyyətindədir. Ölkənin ən çox təhdidi də qərb tərəfdəndir. Əlbəttə, hakimiyyətin erməni lobbiləri ilə həmişə pərdəarxası əlaqələri olmuşdur. Bu da Qarabağ münaqişəsinin sülh yolu ilə həll olunmasına mane olmuşdur. İran, həmişə Azərbaycan Respublikasının ərazi bütövlüyünü dəstəkləmiş və Ali Məqamlı Rəhbər də bu barədə buyurmuşdur: "Qarabağ, İslam torpağıdır".
Şərq
Azərbaycan şərqdən Mazandaran dənizinə çıxır. Dənizin hələ hüquqi statusunun müəyyən olunmaması, sahilyanı ölkələrin ortaq nəzərlərinin, həmçinin, geniş əlaqələrinin olmaması, Azərbaycanı bir növ təcrid və ayrılığa vadar edib.
Şimal
Ölkə, şimalda iki ölkə: Rusiya və Gürcüstanla həmsərhəddir. Rusiya ilə elə də yaxşı münasibətləri yoxdur və bu münasibətlərdə eniş-yoxuşlar vardır. Azərbaycan ölkəsi iddia edir ki, Rusiya etnik tayfaları təhrik etməklə bu ölkənin şimalını ondan ayırmağa çalışır.
Gürcüstanla da münasibətlərdə indiyə kimi eniş-yoxuşlar yaranmasa da Gürcüstanın Abxaziya kimi qərb bölgələrinin müstəqillik tələblərinə diqqət etməklə Azərbaycanın bu ölkə ilə münasibətlərini dərinləşdirmək şansı yoxdur.
İslam dünyası
Azərbaycan Respublikasının əhalisinin 95 faizini müsəlmanlar təşkil edir. Lakin, bir tərəfdən bəzi hərəkat və dairələrin ölkə hakimiyyətinə təzyiqləri ilə dövlət müsəlmanlara öz dini mərasimlərini icra etməyə icazə verməməsi, qızların hicabına qadağa qoyan qanunlar qəbul etməsi və s. digər bir tərəfdən də dünya müsəlmanlarının ortaq düşməni olan sionist rejimi ilə əlaqələrini genişləndirməsi bu ölkənin İslam ölkələri arasından təcrid olmasına gətirib çıxarıbВ».
