Seçki günü yaxınlaşdıqca ölkədə siyasi atmosfera tündləşir, siyasətin tempraturu isə hər gün daha da yüksəlir. Bir müddət əvvəl vaxtilə Prezident Administrasiyasının (PA) Işlər Idarəsinin müdiri işləmiş Akif Muradverdiyevin, keçmiş nazir Nicat Quliyevin həbsi, iki gün əvvəl isə В«Bizim YolВ» qəzetinin əməkdaşı, В«moderator.azВ» saytının rəhbəri Pərviz Həşimlinin həbsi beyinlərdə bir çox suallar doğurur. 2005-ci ildə parlament seçkiləri öncəsi hökümət üzvlərinin gurultulu həbsindən 8 il sonra, 2013-cü il prezident seçkiləri öncəsində bu tip həbslərin keçirilməsi hakimiyyət daxilində hansısa prosseslərin getməsindən xəbər verir. Son olaraq jurnalist Pərviz Həşimlinin həbs olunması və onun adının bir çox hökümət üzvləri ilə birlikdə hallanması hökümət daxilində yeni həbslərin keçirilməsi ehtimalını gücləndirir.
Bu barədə AZƏRİNFO.ORG-a daxil olan məlumatda bildirilir ki, artıq hökümət daxilində bir çoxları qara siyahıya alınıblar və onların taleyinin necə olacağı hələ ki, bəlli deyil. Məlumata əsasən yaxın günlərdə hakimiyyətin tanınmış bir neçə üzvünün gurultulu həbsi istisna olunmur. Həbs olunacaq sabiqlərin içərisində daha çox keçmiş maliyyə naziri Fikrət Yusifovun və В«AzərkimyaВ» Dövlət Şirkətinin keçmiş prezidenti Fikrət Sadıqovun adı hallanmaqla yanaşı, hazırda hakimiyyətdə müəyyən nüfuz sahibləri olan ölkəmizi Serbiya, Bosniya-Herseqovina və Çernoqoriyada təmsil edən sabiq Baş Prokuror Eldar Həsənovun və onun Azərbaycandakı əsas təmsilçisi, millət vəkili Fərhad Qəribovun adı hallanır.
Məlumatlı mənbənin AZƏRİNFO.ORG-a bildirdiyinə görə Eldar Həsənova qarşı artıq uzun müddətdir ki, kompromat məlumatlar toplanıb. Sabiq baş prokurorun rəqibləri son bir ildə səfirin Azərbaycanda siyasi təxribat planlarını reallaşdırdığını sübut etməyə cəhd edirlər. Reallaşdırılan həbslərində məhz bu məqsədə xidmət etdiyi qeyd olunur. Qeyd edək ki, bir müddət əvvəl tanınmış jurnalist Eynulla Fətullayev öz saytında Eldar Həsənovu dövlət çevrilişində ittham etmişdi və qarşılığında Eldar Həsənov qəzəbli bir şəkildə jurnalisi müəyyən deskrutiv qüvvələrə çalışmaqda ittiham etmişdi.
Mənbəninin bildirdiyinə əsasən Eldar Həsənovu sıradan çıxarmaq istəyən hakimiyyət qruplaşmaları bütün diqqətlərini qüdrətli səfirin ölkədəki əsas köməkçisi millət vəkili Fərhad Qəribovun üzərinə cəmləşdiriblər. Çünki Fərhad Qəribov Eldar Həsənovun ölkədəki və ölkədən kənar biznesini idarə edən şəxs olduğu kimi, həmçinin bütün siyasi planlarını reallaşdıran şəxsdir. Bildirilir ki, artıq Kürdəmirdən millət vəkili seçilən Fərhad Qəribovun Kürdəmirdəki və Bakıdakı biznesi nəzarətə götürülür. Kürdəmirin icra başçısı İrşad Əliyev Fərhad Qəribovun bu rayondakı 1000 hektardan artıq torpaq sahəsini əlindən alır. Həmin torpaq sahəsi Dövlət Fonduna aiddir və millət vəkili həmin ərazilərdə bitkiçilik və hevandarlıq təsərrüfatları yaradıb. Hazırda isə millət vəkilinin icarə müqavilələrinin ləğv olunma prossesinin başlandığı qeyd olunur.
Məlumata əsasən Eldar Həsənov və Fərhad Qəribov bir neçə ay əvvəl Rüstəm İbrahimbəyovun kölgə kabinetini yaratmaqda ittiham olunurlar. Həmin siyahını saytımıza təqdim edə biləcəyini bildirən mənbə qeyd edir ki, hazırlanan siyahıda müxalifət nümayəndələri ilə yanaşı hazırda hakimiyyətdə olan, həmçinin bir çox sabiqlərin adı var. Mənbə həmin siyahının dərc olunmasını siyasi zəlzələ kimi xarakterizə edir və bildirir ki, bütün bu siyahını hazırlayan, bunun üçün danışıqlar aparan şəxsin isə məhz Fərhad Qəribovdur. Qeyd olunur ki Fərhad Qəribov 2003-cü ildə də Eldar Həsənovun tapşırığı ilə məmurlarla müxalifətin bazarlığını özünə məxsus olan “Büllur” restoranında həyata keçirirmiş. Xüsusi cihazlarla dinlənilmənin qarşısının alındığı həmin görüşlərdə post-Əliyev dönəminin kölgə kabineti formalaşdırılırdı və bu görüşlərdə müxalifətin ünlü simaları iştirak edirdi.
Yenidən Eldar Həsənovun təlimatı ilə fəaliyyətə keçən Fərhad Qəribov bu dəfə də müxalifətlə hakimiyyətdəki adamları arasında koordinator rolunu oynayıb. Elə həbs olunan jurnalist Pərviz Həşimliyə müxtəlif məlumatları da onun vasitəsi ilə ötürüldüyü qeyd olnur. Həmçinin Fərhad Qəribovun müxalifətə pul ötürdüyü də bildirilir. Bütün bunlara görə isə hazırda millət vəkilinin həbsi üçün hazırlıq aparıldığı qeyd olunur.
Fərhad Qəribovun ərəblərlə ortaq olduğu bildirilir və müxtəlif zamanlarda deputat Dubayda terror təşkilatlarını maliyyələşdirməkdə ittiham olunan ərəb milyonerlərin çirkli pullarını yumaqda da ittiham olunub.
Kürdəmirli biznesmenin əslində Eldar Həsənovun biznesini idarə etdiyi bildirilir. Məlumatda həmçinin o da bildirilir ki, Fərhad Qəribov tək Azərbaycanda deyil, İstanbul və Dubayda Həsənovun biznesini idarə edir. 2005-ci ildə Eldar Həsənovla aralarında problem yaşasalar da, sonradan yenidən birlikdə hərəkət ediblər. Məlumatda o da qeyd olunur ki, Rusiyada müxalifətə yaxın biznesmenlərin əksəriyyəti Eldar Həsənovun çətiri altındadır. Moskva meri Lujkovun biznesini işlədən Mirəşrəf Fətiyev də bir müddət əvvələ qədər Eldar Həsənovun biznesini işlədib. Hazırda isə həmin biznesə müxtəlif adamlar, həmçinin Fərhad Qəribov nəzarət edir.
Fərhad Qəribovun bir oğlu millət vəkili Ərəstun Cavadovun sabiq kürəkənidir. Cəlal Əliyevin “kruq”unda olduğu üçün Ə.Cavadovla yaxınlıq quran Qəribov akademikin çöküşündən sonra o zaman Cəlal Əliyevin adamı kimi tanınan adamdan məsafəli davranmaq istəyib və buna görə də iki millət vəkili arasında düşmənçilik yaranıb.
F.Qəribov deputat olmadan öncə maliyyə qaynaqları qaranlıq olan “Azəri-Holdinq” maliyyə-sənaye qrupunun prezidenti olub.
Bir neçə il əvvəl bağlanan “Debütbank”da Fərhad Qəribovun olub. Müşahidə Şurasının sədri olan oğlu Rəşad Qəribovun adı müğənni Xumar Qədimovanın da adının hallandığı Ağır Cinayətlərə Dair İşlər üzrə Məhkəmədə dələduzluqda təqsirləndirilən Bakı sakini, iş adamı Emin Əmirovun cinayət işi üzrə məhkəmə prosesində hallanıb. Bankın 14 milyon manatını mənimsədiyi halda günahı E.Əmirovun üzərinə atırdı. E.Əmirov isə R.Qəribovun özünün bu pulları mənimsədiyini bildirirdi. O zaman R.Qəribov məhkəməyə polis yolu ilə məcburi şəkildə gətirilib.
Dövlət ittihamına görə, E.Əmirov Birləşmiş Ərəb Əmirliklərinin Dubay şəhərindən telefon gətirərək, burada satışı ilə məşğul olub. E.Əmirov Azərbaycanın Milli Məclisinin deputatı Fərhad Qəribovun oğlu, “Debüt” Bankın Müşahidə Şurasının sədri Rəşad Qəribov və iş adamı İlqar Məmmədovun etibarından sui-istifadə edərək, onların müştərək olaraq 14 milyon manat pul mənimsəyib.
Fərhad Qəribovun mobil telefon monopoliyasında da ciddi payı olduğu bildirilir və Emin Əmirovun məhkəmə işi buna misal kimi göstərilir.
“Debütbank”ın lisenziyasının ləğv olunmasında bankın yol verdiyi maxinasiyaların rolu böyük olub. Öncə Sumqayıt filialı qapadıldı, sonra əsas bank. Rəsmi məlumata görə, “Debütbank” minimum məcmu kapital tələbinə əməl etmədiyinə, bank qanunvericiliyinin tələblərini pozduğuna, o cümlədən idarəetməni və cari fəaliyyətini etibarlı və prudensial qaydada həyata keçirmədiyinə, habelə Mərkəzi Bankın ardıcıl və davamlı göstərişlərinə riayət etmədiyinə görə, bağlanıb.
Mənbə onu da bildirir ki, müxtəlif maliyyə maxinasiyalarında və siyasi avantüralarda həmçinin Eldar Həsənovun qardaşı Şahin Həsənovun da adı hallanır. Bu barədə isə daha ətraflı növbəti yazımızda…
Yazıda adı keçən şəxslərin mövqeyini dərc etməyə hazırıq…
P.S. Eldar Həsənov- Fərhad Qəribov biznes imperiyası ilə bağlı araşdırmalarımız davam edir.
