SDU-DA BAŞ VERƏN ÖZBAŞINALIQLAR KİMLƏRİ MİLYONÇU EDİB?
DİA.AZ: - Sumqayıt Dövlət Universitetindəki özbaşınalıqlarla bağlı redaksiyamıza yeni faktlar daxil olub. Belə ki, DİA.AZ-a ünvanlanan məktubda bu dəfə rektorun yox, SDU-nun dekanı Kamil Abdullayevin ilginc əməllərindən bəhs edilir.
Məlumatı ötürən qaynağın iddialarına görə, Kamil Abdullayev təkcə Azərbaycanda deyil, hətta Rusiyanın paytaxtında da özünün fırıldaqçı əməlləri ilə tanınır. Mənbəyə görə, hətta bu səbəbdən Kamil Abdullayev istintaq orqanlarının araşdırma hədəfinə də çevrilib: В«Təbii ki, burası Azərbaycandır və SDU-nun dekanı hər dəfəsində istintaqdan yaxa qurtarmağa müvəffəq olubВ».
Mənbəmiz bildirir ki, dələduzluğun daşını atdıqdh\an sonra SDU-ya dekan düzələn Kamil Abdullayev yeni mənsəbi hesabına külli miqdarda varidat əldə edib. Bu gün SDU-da oxuyan bütün tələbələr Kamil Abdullayevin hansı səviyyədə rüşvətə meyilli olmasını yaxşı bilir: В«Amma nədənsə müvafiq dövlət qurumları nə rektorla bağlı, nə də onun В«sevimli dekanıВ» ilə hansısa müvafiq addımı atmağa maraq göstərmirВ».
Bu gün tələbələrdən aldığı rüşvət hesabına özünə Yaşıldərə adlanan ərazidə supervilla ucaltdığı söylənilən Kamil Abdullayevin eyni zamanda xeyli sayda obyektlərinin də olduğu söylənilir.
Apardığımız araşdırmalar nəticəsində öyrənə bildik ki, bu gün SDU-da bütün münasibətlər yalnız rüşvət əsasında tənzimlənir və bu prinsipdən kənara çıxan hər kəs ciddi şəkildə cəzalandırılır. Bu barədə bir başqa qaynağın DİA.AZ-a söylədikləri: “Universitetdə 7 dekanlıq, 45 kafedra var. Rüşvətə görə 2 dekanlıq öndə gedir. Bunlar “Kimya-biologiya” fakültəsi və “İqtisadiyyatın idarə edilməsi” kafedralarıdır. İqtisadiyyat fakültəsində yaxşı ixtisaslar var ki, bunlara “Bank və maliyyə”, “Beynəlxalq iqtisadi münasibətlər”, “Gömrük işi”, “Menecment” və s. daxildir. Burada 5 kafedra var. Kafedra müdirlərindən heç kəsin dekan Kamil Abdullayevin bir sözünü iki eləməyə nə haqqı, nə də cürəti çatır. Kafedranı ata malı kimi K.Abdullayev idarə edir. Fakültədə oxuyanların çoxu Bakıdan gəlir. Onlar Sumqayıt usaqlarına nisbətən varlıdırlar. Dərsə arabir gələnlərə yazılan qayıbları rektorata bildirməmək üçun hər bir qayıba görə Kamil müəllim tələbələrdən azı 10 manat pul alır. Semestr ərzində dərsə gəlməyən tələbələr onlara qayıb yazılmadıqları üçün 400 manat verməlidirlər. Bütün bu pullar isə Kamil müəllimdə toplanır. Əgər qayıblar yazılıbsa, Kamil müəllim mətbəədə jurnalın vərəqlərini də dəyişdirə bilər”.
Tələbələrin bu barədə danışdıqlarından isə aydın olur ki, kurs işi üçün onlardan ən azı 50 manat istənilir: “Buraxılış işi isə bu fakültədə xüsusilə baha, yəni 1200 manatdır. Arxivdə yoxlama aparsalar, görərlər ki, burdakı buraxılış işlərinin biri bir qəpiyə dəyməz. Onların hamısının içi eynidir. Buraxılış işlərinin bəzi hallarda cildi və titul listi, bəzi hallarda ancaq titul listi dəyişdirilir. Buraxılış işlərinə yazılan rəylərə baxsanız, daha bir biabırçılıqla üzləşərsiniz. Cunki burda heç kəsi puldan başqa heç nə maraqlandırmır. Buraxılış işinin müdafiəsi yoxdur, kim nə yazıb ki, müdafiə də eləsin. Formal olaraq protokollar doldurulur, guya müdafiə etdilər. Yoxlayan yox, baxan yox”.
Daxil olan məlumatlarda qeyd edilir ki, Sumqayıt universitetinə il ərzində “Gömrük” fakultəsinə 15 nəfər qəbul olunubsa, 35-40 nəfər diplom alır: “Ələlxüsus da qiyabi şöbədə oxuyanların sayı daha çox olur. Bu, həm də qeyri-qanunu köçürmə yolu ilə, yaxud ikinci ixtisas alanların hesabına baş verir. Bir sözlə, hər şeydən pul yığılır. Sahibkar qismində isə Kamil müəllim çıxış edir. Lakin hamı iş yerini itirməmək üçün susur”.
SDU-nun bir qrup tələbəsi isə bunları söyləyib: “Fakültədə elmli, savadlı 2-3 nəfər müəllim var. Bakıda oturub professor adı var deyə universitetə gəlməyən, dərslərini laborantlar keçən müəllimlər mövcuddur. Kamil müəllim təzə qayda ilə iqtisadiyyat üzrə fəlsəfə doktorudur. Onunla kim bir qədər söhbət eləsə, onun hansı biliyə və hansı mədəniyyətə layiq olduğunu görər. Namizədlik dissertasiyasını özü yazmayan bu adam hazırda elmlər doktoru dissertasıyasının müdafiəsi ərəfəsindədir. Ona görə ki, pulu çoxdur. Bu fakültəni Kamil müəllim idarə edir. Nadir müəllimin qardaşı Rəşiddən başqa heç kəs ona qarışa bilməz. Arabir hansısa məclisdə yeyib içəndən sonra deyir ki, bizim, Nadir müəllimin dalında prezident durur. Məlumat üçün bildirək ki, Kamil müəllim dələduzluga görə mühakimə olunub və universitetdən iki dəfə çıxıb, daha sonra yenidən qayıdıb. Bir dəfə verdiyi pulu geri qaytarmaq ustundə tədris hissə şöbəsinin rəisi Sadiq Xəlilovla kabinetində dalaşıb və deyilənə görə, onu döyüb. Sumqayıtda iqtisadiyyat üzrə yeganə qadın mütəxəssis olan, bu fakültədə dekan işləyən Sevda Mikayılovanı biabırçılıqla işdən çıxartdılar”.
Bütün tərəfləri dinləməyə hazırıq…
