FARS-MOLLA REJİMİ ÇÖKÜŞ ƏRƏFƏSİNDƏ QABIQ DƏYİŞMƏK İSTƏYİR?
DİA.AZ: - İran Azərbaycana, həmçinin Cənubi Qafqaza yönəlik siyasətini dəyişmək niyyətinə düşüb. Hər halda, bu realda belə olmasa da, artıq fars-molla rejiminə aid mətbu orqanlarda Tehranın Azərbaycana yeni prizmadan yanaşacağını anons edən mövqelər yer almaqdadır.
İnandırıcı olmayanı odur ki, Şimali Azərbaycan dövlətinin varlığını hər zaman özünə qarşı təhlükə kimi qəbul edən və bu səbəbdən В«islamВ» ölkəsi adlandırılmasına baxmayaraq minlərlə şiə Azərbaycan türkünü qanına qəltan edib, onlarla məscidi yandıran, müsəlman Qarabağ torpaqlarını işğal edib, onu murdarlamaqda davam edən düşmən Ermənistana qucaq açan İrandakı molla hakimiyyəti hansısa formada, günlərin birində ənənəvi idbar siyasətini bir kənara açıb sözün əsl mənasında Azərbaycana səmimi münasibət sərgiləsin.
Yəni bunlar inandırıcı olmadığından ayrı-ayrı mola məmurların açıqladığı mövqelərin rəsmi Tehranın yürütdüyü siyasətə hansısa formada təsir edəcəyini gözləmək yersizdir. Sadəcə olaraq bir maraqlı məqam var ki, o da İranın Azərbaycan dövlətinə qarşı aqressiyasının sözdə də olsa, aradan qalxmasıdır. Dünənə qədər В«Avroviziya-2012В» və digər bu kimi olayları bəhanə edib, hətta Azərbaycan dövlətinin rəhbərlərini ən biabırçı ifadələrlə təhqir etmələrindən qalmayan fars-molla rejimi indi Heydər Əliyevin yolundan, İlham Əliyevin həmin yola sədaqətindən və həmçinin absurd İran-Azərbaycan qardaşlığından bəhs edirlər.
Nə dəyişib? Əslində heç nə. Sadəcə olaraq, günü gündən çəmbəri daralan İran rejimi yaxşı bilir ki, artıq ömrü sonna yetmək üzərədir. Və bu şəraitdə hiyləgər farslara Azərbaycan kimi düşmən heç lazım deyil. DİA.AZ olaraq İran mətbuatında yer almış bir məlumatı diqqətinizə çatdırırıq ki, fars-molla rejiminin hansı dərəcədə hiyləgər gedişlərdə bulunmasından xəbərdar olasınız:
В«İran və Avrasiya Araşdırmalar Mərkəzinin sədri və İran Parlamentinin Milli Təhlükəsizlik və Xarici Siyasət Komissiyasının üzvü Mehdi Sənayi İran-Azərbaycan münasibətlərindən danışaraq deyib: “İran-Azərbaycan münasibətləini müxtəlif səviyyələrdə – həm büynəlxalq, həm də ikitərəfli – araşdırmaq mümkündür. Amma iki ölkə arasındakı əlaqələri də müxtəlif yönümlərdən müzakirə etmək və araşdırmaq mümkündür. İranın xarici siyasətində öndə duran bir neçə mövzu varsa, onlardan biri də Azərbaycan Respublikasıdır. Çünki Azərbaycan, İranın xarici siyasətində münasib yer tutmaq üçün lazım olan faktorlara malikdir. Bu ölkə İranın qonuşusu sayılır və İranla eyni tarixi, mədəni, dini ortaqlıqları vardır. Bu ölkə İrandan sonra ən çox şiəni özündə toplamış bir ölkədir və bu da iki ölkəni müxtəlif şəkillərdə bir-birinə bağlayır. Digər bir tərəfdən isə bu ölkə Qafqaz regionunda yerləşir bu da təkcə İran yox, bütün regional və dünya qüdrətləri üçün əhəmiyyət daşıyır. İran və Azərbaycan arasında tranzit, ticari və iqtisadi mübadilələr üçün şərait vardır. Buna görə də Azərbaycan İran İslam Respublikasının xarici siyasətində xüsusi yer tutur”.
Parlamentin Milli Təhlükəsizlik və Xarici Siyasət Komissiyasının üzvü sözünün davamında artırıb: “Bəzi sərhəd və gömrük məsələlərindən qaynaqlanan anlaşılmazlıq və Araz sahilində yerləşən iki ölkənin bir-birindən intizarları bəzən iki tərəf arasında ləfzi münaqişələrə səbəb olur. Digər tərəfdən isə bizim ölkəmizin azəri dili camaatının bu ölkə xalqı ilə atifi və mənəvi bağlılıqları vardır. Bu da iki ölkə arasında mədəni əlaqələrdə xüsusi həssaslıq yaradır. Belə ki, Azərbaycanda “Eurovision” müsabiqəsinin keçirilməsi, İranın daxilində bəzi dini dairələrin həssaslığını artırdı. Əlbəttə, gərək belə məsələlərə daha diqqətlə yanaşılmalıdır. Çünki iki ölkə bu həddə bir-birinə yaxındır.
ABŞ və İsrail, İran və Azərbayacan arasında anlaşılmazlıq üzündən irəli gələn nəzər ixtilaflarından sui-istifadə etməyə çalışır. Ona görə də Azərbaycanı İran əleyhinə təzyiqlərin bazasına çevirmək fikrinə düşmüşdür.Bu yanaşma ilə İran və Azərbaycanın münasibətlərini pozmaq üçün öz səy və planlarını icra etməyə səy göstərirlər. Münafiqlər qruplaşmasının üzvlərinin Azərbaycana köçürülməsi və bu ölkə ilə sionist rejim arasında hərbi əməkdaşlıq barədə yayılan xəbərlər İsrail və ABŞ-ın İran və Azərbaycan arasında gərginlik yaratmağa çalışmasına nümunədir”.
İran və Avrasiya Araşdırmalar Mərkəzinin sədri daha sonra deyib: “Qısa bir müddət ərzində İran və İraq arasındakı iqtisadi mübadilənin həcmi 6 milyard dolları ötmüşdür. Halbuki, İran və Azərbaycan arasındakı bu rəqəm olduqca azdır. Azərbaycan, İranın Qafqaza və Qara dənizinə giriş yolu ola bilər.
Atılmalı olan ikinci addım budur ki, iki ölkə gərək öz münasibətlərində üçüncü amilin təsirini sıfıra endirmək üçün bir sistem yaratsınlar. Bu vəzifə bəlkə də ən çox Azərbaycanın öhdəsinə düşür. Əlbəttə, bu mərhum Heydər Əliyevin siyasətlərinin bir hissəsi idi. Hal-hazırda da İlham Əliyev həmin siyasəti izləyir ki, Tehran-Bakı münasibətləri digər ölkələrdən təsirlənmədən inkişaf etsin. Amma bu yönümdə Türkiyə və Rusiyanın təsirinin azalması ilə eyni zamanda bəzən regiondan xaric güclərin ABŞ, İsrail və NATO ölkələrinin təsiri müşahidə olunur. Gərək iki ölkə münasibətlərinin genişləndirilməsi üçün üçüncü amilin mənfi təsirinin qarşısı alınsın. Üçüncü addımı İran atmalı və bütün Qafqaz üçün yeni əməkdaşlıq planı hazırlasın. Bu plan Türkiyə və Rusiyanın da əməkdaşlığı ilə ola bilər. Gürcüstan müharibəsindən sonra təqdim edilən 3+3 planı həyata keçə bilmədi və cavabsız qaldı. Amma yeni yaranan şərait və dəyişikliklər Qafqazda Azərbaycan üçün də dəyərli yer nəzərdə tutan yeni əməkdaşlıq sisteminin yaradılmasını tələb edir”В».
