Martın 9-da İctimai Palatanın sessiyası başlayıb. Bu barədə musavat.com-a "Yeni Müsavat"ın reportyoru Etibar Seyidağa məlumat verib.
Reportyorumuzun verdiyi məlumata görə, sessiyaya İctimai Palatanın Koordinasiya Şurasının üzvü Köçəri Nağıbəyli sədrlik edir.
Xəbərə görə, sessiyada qələbəlik müşahidə olunur.
Gündəliyə dönəm sədrinin məlumatı, İctimai-siyasi vəziyyət və İctimai Palatanıın vəzifələri, cari məsələlər daxil edilib. Gündəlik səsə qoyularaq qəbul edildi.
Köçəri Nağıbəyli dönəm sədri olduğu bir ay müddətində görülən işlərlə bağlı hesabat verdi.
İctimai-siyasi vəziyyət və İctimai Palatanın vəzifıləri ilə bağlı Müsavat başqanı İsa Qəmbər çıxış etdi.
İsa Qəmbər çıxışına qadınları 8 mart bayramı münasibətilə təbriklə başladı. Sonra Müsavat başqanı dedi ki, Əliyev hakimiyyəti aqoniya mərhələsinə daxil olub və repressiyaları gücləndirmək də bu hakimiyyətin gücsüzlüyündən irəli gəlir: “Hakimiyyıt bu il gedəcəyini aydın şəkildıə bilir. Real müxalifət qüvvələrinin cəmiyyətlə bütünləşməsi məsələnin həlli deməkjdir. Hakimiyyət bunu bilir. Ona görə də bunun qarşısını almaq üçün bütün vasitələrə əl atırlar. Tofiq Yaqublunun və İlqar Məmmədovun həbsi də bununla bağlı idi. Son dövrlər isə cəmiyyti narahat edən orduda ölüm halları məısələsinə etirazların başlanmasından da hakimiyyət narahatlıq keçirir. Ona görə də gəncləri həbs etməyə başlayıblar. Bu hakimiyyətin iki məqsədindən xəbıər verir. Birinci məqsəd cəmiyyəti qorxutmaq, ikinci məqsəd Nida kimi gınclər təşkilatını zəiflətməkdir. Ancaq əminik ki, hakimiyyət mıəqsədinə nail olmayacaq. Martın 10-da əsgər ölümlərinə etiraz mitinqində İctimai Palatanın üzvləri əminəm ki, iştirak edəcəklər”.
İsa Qəmbər Demokratiyaya Dəstək Fondunun yaranmasından da danışdı. Həbs olunub cərimələnən gənclərə və Medya TV-dəki “Azərbaycan saatı verilişinə maddi dəstəyin vacibliyini vurğuladı.
İP katibi Gülağa Aslanlı Demokratiyaya Dəstək Fondunun apardığı kampaniyanın həm də Müsavatda keçirildiyindən danışdı.
İP Koordinasiya Şurasının üzvü Vidadi Mirkamal seçki qərargahının yaradılmasının vacibliyindən bəhs etdi, dairələrdə və seçki mıəntəqələrində müşahidəçilərin müəyyənləşdirilməsinin vaxtının çatdığını söylədi. Sonra o, xalqla əlaqənin zəifliyini bildirdi və İP-I bu məsəlı ilə bağlı tənqid etdi.
KŞ üzvü İbrahim İbrahimli bildirdi ki, Azərbayandakı kimi siyasi sistemlərdə hadisələri proqnozlaşdırmaq çətindir. Ancaq Azərbaycan xalqı artıq oyandığı üçün dəyişikliklərin baş verəcəyi dəqiqdir.
AXCP sədrinin müavini Nurəddin Məmmədli çıxışında dedi ki, beynəlxalq güclər xalqın iradəsi olmadan bir rejimi başqsı ilə dəyişməz: “Əvvəllər lobbiçilk edən güclərin son vaxtlar bu rejimə qarşı çevrilməsi cəmiyyətin aktivləşməsindəndir. Ancaq Azərbaycanda repressiyaların son vaxtlar güclənməsinin səbəblərindən biri AŞPA-da Ştrasserin məruzəsinin qəbul edilməməsidir. Biz AŞPA-ya sərt müraciət, məktub göndərmıəliyik. Morninqstarın son müsahibəsindəki fikirlər də reallqdan uzaqdır. O, ABŞ-ın siyasətini malalamaqdan ibarətdir. Hələ də İlham Əliyevin islhatalar aparacağına ümidlər edilməsi, İlham Əliyevin üçüncü dəfə prezident seçkilərində iştirakına Morninqstarın münasibəti heç cür başa düşülən deyil. Odur ki, Azərbaycanda hər şey, dəyişiklik Azərbaycan cəmiyyəıtininin üzərinə düşür. Biz hər şeyi özümüz etməliyik. Vaxt isə gedir. Birləşmək zərurəti daha da artıb. İnsanlar bizdən bunu tələb edir. Cəmiyyətə yeni stimul lazımdır. Biri müxalifətin birliyi, ikincisi beynəlxalq birliyin ortaya həqiqi demokratik mövqe ortaya qoyması ola bilər”.
Müsavat Məclisinin üzvü Valeh Hümbətoğlu İctimai Palatada islahatların keçirilmısi, İctimai Palatanın Məclisinin yaradılmasının vacibliyini bildirdi. Sonra o, regionlarda əhalinin aktivləşməsindən danışdı. İctimai Palatanın seçkilərə hazırlaşması və yerlərdə seçki saxtakarlıqlarının qarşısının alınması mexanizmlıərinin müəyyənləşməsi üçün təkliflər verdi.
Müsavat Məclisinin üzvü Rafiq bəy İsmayıl çıxışında dedi ki, bu cür rejimlərin getməsi şübhəsizdir: "Rejim dəyişəcək. Sadəcə bunun daha da tezlıəşməsi üçün demokratik qüvvələrin bölgələr səfərləri və fəallaşması lazımdır".
AXCP funksioneri Mirfeyzulla Seyidov İctimai Palatanın bir qərarın və bir liderin ətrafında birləşməsinin uğur formulu olduğunu dedi, vahid namizədin müəyyənləşdirilməsinin zəruriliyini bəyan etdi.
AXCP sədrinin müavini Fuad Qəhrəmanlı bildirdi ki, hakimiyyət situasiyanı həmişəki kimi nəzarətdə saxlamağa çalışır. Eyni zamanda bu siyasət xalqın hakimiyyətdən narazılığını daha da dərinləşdirir: “Hakimiyyət öz siyasəti ilə öz qəbrini qazır. Müxalifət düşərgəsi ilə bağlı yaranan problem odur ki, mövcud konfiqurasiya ilə bundan artlığını edib, cəmiyyəti istədiyimiz səviyyəyə aparmaq mümkün deyil. Bizim məsələlərə yanaşmamızda korrektələr olunmasına ejtiyac var. Daha geniş formada birlik yaradılmalıdır. Seçki qapını kəsib, biz hələ seçkiyə gedək-getməyək məsələsini müzakirə edirik. Bu müzakirələrin nə mənası var? Bu gün bizim qarşımızda duran məsələ situsiyanı dəyişməkdir. Geniş formatda birliyə nail olmadan nə boykotun, nə də seçkidə iştirakın mənası olmayacaq. Biz vahid namizəd və komanda məsələsini həll etməmişik. Lider təəssübkeşliyi artıq öz əhəmiyyətini itirir. Rejim dəyişikliyinə nail ola bilməyəcəyiksə, bizim İsa bəy və ya Əli bəy sevgimizin nə mənası var?! Bizim üçün ikinci ən vacib məsələ “Azərbaycan saatı” verilişinin yaşamasına nail olmaqdır”.
Müsavat Məclisinin üzvü Fəzli Mehdiyev Koordinasiya Şurasına suallar ünvanladı: “Mən bilmək istəyirəm ki, Korrdinasiya Şurasında hansı məsələ ilə bağlı fakir ayrılığı var? İctimai Palatanın iki aydır fəaliyyət proqramı əbul edilməyib. Biz rayonlara hansı proqramı göndərməliyik, onu bilmirik. Biz ona görə birləşə bilmirik ki, güclənməmişik, burada gəlib sessiyada iştirak edirik, çıxıb gedib heç bir görmürük. Bunun da günahı Koordinasiya Şurasındadır. Böyük birlikdən danışırıqsa, nəyə görə İctimai Palatada olmayan qüvvələr gəlib burada iştirak etmir? Məgər onlar elçi gözləyirlər? Bəlkə elə onlardır elə korportiv maraqları güdənlər?”
Müsavat Gənclər Təşkilatının sədri Tural Abbaslı Ümid Partiyasının MSK-dakı nümayəndısi Akif bəyin son beş ildə keçirilən bütün seçkilərdə saxta protokollara qol çəkdiyini, 2 aprel mitinqindən iki gün sonra AMİP-in İP-i tərk etdiyini, Sərdar Cəlaloğlunun İlham Əliyevi yox, müxalifəti hədəf seçdiyini bildirdi. Sonra sual etdi ki, siz bunlarla birləşmək istəyirsiniz?! Birləşək ki, sabah yenə bizi satsınlar, yenə bizi dar ayaqda qoyub aradan çıxsınlar?! Belə qüvvələrlə birliklə özümüzü niyə aldadaq?! Müxalifətin hakimiyyətə gəlməmək səbəbi İsa Qəmbərlə Əli Kərimlinin İqballa, Sərdarla, AMİP-lə birləşməməsidir?! Xeyr. Azərbaycanda ən yaxşı və real birlik Müsavatla AXCP arasında birlik ola bilər. Azərbaycanda real müxalifətin birlik kimi problemi yoxdur”.
Çingiz Alı İP-i ümumxalq mitinqinə başlamamaqda ittiham etdi.
ACP-dən olan İP üzvləri də passivlikdən şikayətləndilər və birlik çağırışı etdilər.
Sonda AXCP sədri Əli Kərimli çıxış etdi. O bildirdi ki, ölkədə bu gün nə baş verirsə, həm də İctimai Palatanın, demokratik qüvvələrin fəaliyyəti nəticəsində baş verir: “Artıq rayonlarda icra başçıları əhalinin ayağına gəlirlər. Xalq istənilən problemini ayağa qalxıb deməyə başlayıb. Bu, yeni bir pozitiv tendensiyadır. Hakimiyyət başını itirib. Əsgər ölümlərinə ciddi yanaşmalıyıq. Dinc dövrdə görün nə qədər əsgər ölüb və ya öldürülüb. Gəlin özmüzü ölən və ya öldürülən əsgərlərin valideynlırinin yerində təsəvvür edək. Hakimiyyət əsgər ölümlərinə biganəlik göstərir. İlham Əliyev körpü açılışına, keçid açılışına vaxt aylırır, gedir. Amma ali baş komandanı olduğu orduda sürətlə artan əsgər ölümləri ilə bağlı bir toplantı keçirmir. Əksinə, əsgər ölümlərinə etiraz edən gənclərə qarşı repressiya başladırlar. İctimai Palata repressiyaya məruz qalan o gənclərə dəstəyini ifadə edir. Biz bütün mənalarda dəstəkləyəcəyik. Martın 10-da gənclərin aksiyasında İctimai Palata üzvləri də iştirak edəcək”.
Əli Kərimli hakimiyyətin odla oynadığını bəyan etdi: “Gənclərin evindən guya "Molotov" partalaycıları tapdıqlarını bəyan etdilər. Bu hakimiyyət prosesləri zor müstəvisinə çəkir. Ancaq günün birində bu çanaq öz başlarında çatlaya bilər. Bunu bilsinlər”.
Əli Kərimli birbaşa seçkilərlə bağlı kütlıvi aksiyalara başlamaq məsələsinin gündəmdə olduğunu bildirdi və İP üzlərinə “aksiyalara hazırlaşın” çağırışı etdi.
Sonda İctimai Palatanın sessiyası ölkədə aparılan son repressiyalara, cərimələrə, xüsusilə “Nida” Gənclər Təşkilatının üzvlərinin həbsinə etiraz bəyanatı qəbul etdi.
