ƏLİ BAYRAMOV NECƏ OLDU Kİ, “PÖHRƏLƏNDİ”?
DİA.AZ: - Kəndə təsərrüfatı sistemində yeni nazir Heydər Əsədovun ciddi problemlərlə üzləşməsi haqda informasiyalar yayılıb. Bu haqda DİA.AZ-a ilginc məlumatlar daxil olub. Bilgili qaynaqlardan verilən məlumatlara görə, KTN-də köhnə nazir İsmət Abbasovun əsas dayaqlarından biri kimi tanınan və adı bir sıra maliyyə maxinasiyalarında hallanıdırılan “Aqrolizinq” ASC-nin rəhbəri Əli Bayramov yeni nazir Heydər Əsədova ciddi problemlər yarada bilər.
Qeyd edək ki, bu gün В«AqrolizinqВ» ASC-nin əhatəli struktur bölmələri şəbəkəsi mövcuddur. Cəmiyyətin tabeliyində Bakı mərkəzi təchizat bazası, Gəncə, Şirvan, Ucar rayonlararası təchizat bazaları, Sabirabad, Şəki, Şəmkir regional logistik bazaları və Xaçmaz rayonlararası təchizat və logistik bazası fəaliyyət göstərir. 55 rayonda təsərrüfat hesablı Aqroservis filialları və onların 100-dən çox mexanikləşdirilmiş dəstələri vardır. Lakin cəmiyyətin rayon filiallarının fəaliyyəti də yerli sahibkarlar tərəfindən qeyri-qənaətbəxş kimi qiymətləndirilir.
Redaksiyamıza daxil olan məlumatlarda bildirilir ki, filial rəhbərləri texnikanın fermerlərə lizinqə verilməsi və ya lizinq yolu ilə satılması işində süni əngəllər yaradaraq vəziyyətdən şəxsi maraqlarının təminatı məqsədilə yararlanırlar. Mənbələr xəbər verir ki, rayonlarda lizinq yolu ilə texnika alan fermerlər texnikanın qiymətləndirilmiş məbləğlərindən əlavə rüşvət vermək məcburiyyətində qalırlar. Fermerlərin dediyinə görə, В«AqrolizinqВ» ASC-nin rayonlardakı filiallarında istənilən kənd təsərrüfatı texnikasını tapmaq mümkün deyil: В«Əgər fermer taxıl səpən istəyirsə, bəhanə gətirirlər ki, Şəkidə taxıl səpən olmadığından fermer cəmiyyətin Ucar regionlararası təchizat bazasına getməlidir.
Müəyyən vəsait xərcləyib Şəkidən Ucara gedən fermer orada çoxsaylı problemlərlə üzləşir. Əgər taxıl səpənin qiyməti 6 min manatdırsa, fermer bu texnikanı lizinq yolu ilə almaq üçün sənədləşdirmə işlərinə ən azı 1000 manat pul xərcləyir. Texnikanı anbardan çıxarmağa əlavə 100 manat, qaldırıcı kran vasitəsilə maşına yükləmək üçün 50 manat, maşınla texnikanı gətirmək üçün məsafədən asılı olaraq müəyyən məblərdə pul çıxır. Beləcə, bir texnikang lizinq yolu almaq üçün ilkin mərhələdə fermer 1500 manata qədər rüşvət verməlidirВ».
Maraqlıdır, görəsən uşaqdan-böyüyə hər bir vətəndaşa məlum olan bu prosedurlardan Əli Bayramovun xəbərdar olub-olmadığı barədə suala ASC sədri özü necə cavab verərdi? Əgər xəbərdardırsa, nəyə görə bütün bunların qarşısı alınmır? Yox, əgər xəbərdar deyilsə, o zaman hansı əsaslarla hazırda tutduğu kürsüdə əyləşib?В«AqrolizinqВ» ASC-nin filiallarında mütəmadi yer alan korrupsiya halları barədə məlumatlar ölkə mətbuatında kifayət qədər işıqlandırılan mövzudur.
Məsələn, hələ 2008-2009-cu illər üzrə qurumun Qusar və Ağcabədi rayonlarının filiallarında 123 min manat dövlət vəsaitinn mənimsənildiyimüəyyən edilmişdi. Nəicədə Qusar rayon filialının o vaxtkı müdiri buna görə doqquz il azadlıqdan məhrum edilmiş, Ağcabədi rayon filialının müdiri isə mənimsədiyi pulu dövlətə qaytardığından ona şərti cəza verilmişdi. Həmçinin В«AqrolizinqВ»in Bərdə filialının rəhbəri də bir müddət əvvəl 7 il azadlıqdan məhrum edilmişdi. Buna səbəb isə həmin filialda nə az, nə çox, düz 160 min manat dövlət vəsaitinin mənimsənilməsinin aşkara çıxması olumuşdu. Sual oluna bilər, bəs bütün bu filial rəhbərliyinə verilən cəzalardan ASC-nin bilavasitə rəhbərliyi nəyə görə hər dəfə yan keçə bilir? Axı mənimsənilən milyonların böyük bir hissəsinin məhz Əli Bayramovun şəxsi büdcəsinə axdığına dair heç kəsdə şübhə yoxdur. Ən azından В«AqrolizinqВ» rəhbərinin Bakının В«VorovskiВ» kimi tanınan qəsəbəsində 3 milyonluq mülkü, Novxanıdakı dəbdəbəli imarəti, Bilgəhdə dəniz sahilində yerləşən villası, ailə üzvlərinin xidmətində olan üç ədəd bahalı, son model В«LexusВ» markalı avtomobilləri bu rüşvət axınının varlığı barədə bar-bar bağırırlar!
Təsadüfi deyil ki, fevral ayının əvvəllərində keçirilmiş məlum müşavirədə ölkə prezidenti cənab İlham Əliyev kənd təsərrüfatının inkişaf etdirilməsi məsələsinə də xüsusi toxunaraq, fermerlərə qarşı yol verilən qanunazidd əməllərlə bağlı bəzi məmurlara olduqca kəskin xəbərdarlıqlar ünvanladı: “Yaxın aylarda subsidiyaların verilməsində birinci növbədə əldə edilmiş təcrübə bir daha təhlil edilsin, təkliflər verilsin, müsbət tərəfləri ilə yanaşı, nöqsanlar da aydınlaşdırılsın. Bu işlərdə mən xüsusilə fermerlərə müraciət edirəm, onlar öz təkliflərini versinlər Prezident Administrasiyasına, hökumətə, İqtisadi İnkişaf Nazirliyinə, Kənd Təsərrüfatı Nazirliyinə və yerli icra orqanlarına. Təklifləri versinlər ki, biz daha dəqiq bilək ki, onları narahat edən məsələlər nədir. Mən bilirəm ki, burada problemlər var, şəffaflıq lazımi səviyyədə təmin edilməyibdir. Bu nöqsanlar tezliklə aradan qaldırılmalıdır. Fermerə nə qədər çatmalıdır, o qədər də o, bunu almalıdır. Heç kim onun puluna gözünü dikməsin!” Amma göz dikənlər var...
Bu xüsusda kütləvi informasiya vasitələrində yayımlanan məlumatlarda da ciddi ittihamlar irəli sürülür: “ASC-nin rəhbəri Əli Bayramov yalnız əldə olunan gəlirlərlə maraqlanır. Onun üçün fermerin pulsuz və ya texnikasız qalması önəmli deyil. Həmçinin o, xaricdən bahalı inəklər almaqla fermerlərə yardımçı olmaq əvəzinə, özünün fermasını zənginləşdirməklə məşğuldur...”Bir müddət əvvəl isə araşdırmalar nəticəsində məlum olmuşdu ki, В«AqrolizinqВ» ASC 2012-ci ildə bir sıra tenderlər keçirib və bu əsasla 13 milyon manatdan artıq vəsait sərf olunub. Həmin pulların hara xərcləndiyi ilə bağlı məlumatlar isə daha böyük maraq doğurur. Rəsmi məlumatlarda vurğulanır ki, öətn il В«AqrolizinqВ» 5 ədəd kombaynın təmir olunması üçün 39 min 50 manat pul ayırıb. Bu işləri görmək üçün keçirilən tenderin qalibi isə “Servis-Reklam LTD" MMC olub.
Elə buradan aydın görünür ki, В«AqrolizinqВ» rəhbərliyi bir kombaynın təmiri üçün 8 min manata yaxın pul xərcləyib. Halbuki həmin pulla yerli bazardan işlənmiş kombayn belə almaq mümkündür. Aydın məsələdir ki, rəqəmlərin bu şəkildə şişirdilməsi məqsədli xarakter daşıyır. Son məqsədin isə məhz mənimsəmələrə şətaitin yaradılması da heç bir şübhə doğurmur.Bu kimi misalları çəkməklə mövzunu əlbəttə ki, hələ çox uzatmaq da olar. Lakin bu, problemin həlli baxımından çıxış yolu anlamına gəlmir. Çıxış yolu ilk növbədə В«AqrolizinqВ» ASC-nin fəaliyyətində və xüsusilə büdcə vəsaitlərinn xərclənməsi prosesində tam şəffaflığın təmin olunmasındadır. Bunun üçün isə ASC rəhbərliyinin qarşıya qoyulmuş vəzifələrin icrası baxımından bu posta uyğunluğu məsələsi müvafiq dövlət qurumları tərəfindən tam ciddiliyi ilə araşdırılmalıdır.
Təbii ki, son nəticədə bütün bu ittihamlar Heydər Əsədova da ünvanlana bilər. Çünki problem köhnə də olsa, tədbir görməməsi ilə yeni nazir həm də problemə sahiblənmiş olur. Yəni sabah bu ittihamlar Heydər Əsədovun ünvanına səslənəcək...
