“Azəriqaz” İstehsalat Birliyi vətəndaşı məhkəməyə verib.

Yurd.Media-nın əldə etdiyi məlumata görə, Səbail Rayon Məhkəməsinə müraciət edən “Azəriqaz”ın iddia ərizəsinə görə, abonent ilə 2018-ci ildə imzalanmış həmin müqavilə əsasında İstehsalat Birliyinin Bakı Regional Qaz İstismar İdarəsi tərəfindən abonent kodu verilib, fərdi yaşayış evini təbii qazla təchiz edən qaz xəttinin üzərində isə qaz sayğacı quraşdırılıb.

Lakin abonent istehlak etdiyi təbii qazın dəyərini dəfələrlə xəbərdarlıq edilməsinə baxmayaraq ödəməyib. Bildirilib ki, cavabdehin ödənilməmiş 2026-cı ilin sentyabr ayınadək 2761 manat sərfiyyat və 9 manat sabit tarif üzrə borcu qalıb.

Belə ki, ötən aya qədər abonent 2985 manat dəyərində təbii qazdan istifadə edib və cəmi 224 manat məbləğində ödəniş edib.

“Azəriqaz” İstehsalat Birliyinə olan debitor borc üzrə 2761 manatın, sabit tarif üzrə 9 manatın və 48 manat ödənilmiş dövlət rüsumu əvəzinin, ümumilikdə 2818 manat pulun cavabdehdən məcburi qaydada tutulması istənilib.

Məhkəmə iddia tələbini təmin edib.