İCRA BAŞÇISI VƏ OĞLU NƏDƏN HƏDƏFƏ ALINDI
Son günlər bəzi KİV-lərdə Müdayis Verdiyev və onun oğlu Anar Verdiyev tərəfindən müxtəlif səpgili ittihamlar səsləndirilirdi ki, əslində bunların da heç bir əsası yox imiş. Bunu müəyyən etmək üçün hansısa fövqəlgücə malik olmağa da ehtiyac yoxdur. Ən azından ortada olan çılpaq reallıq Verdiyevlərin ittihamlarının hansı dərəcədə həqiqətdən uzaq olduğunu sübutladı. Əslində bütün bunlar öz şəxsı mənafeyi ilə bərabar, Goranboyda bu gün həyata keçirilən quruculuq işlərinə kölgə salmaq məqsədi daşıyırdı.Yaxşı deyirlər, iş görənin düşməni qeybətdir. Və elə bu səbəbdən də, biz də ortadakı dedı-qoduların çürüklüyünə bir daha əmin olmaq üçün Goranboya üz tutduq. Beləliklə də, Müqayis Verdiyevin iç üzü ortaya çıxdı. Aydın oldu ki, bu qədər mətbuatda bəhtanları atmağin bircə səbəbi varki, o da ortalığı qatıb öz əməllərinin üstünü ört basdır etmək. Fəhlələrin pulunu mənimsəmək, şər-bəhtan atmaqla öz şəxsı mənafeyi üçün bəzi insanlardan pul tələb edib küllü miqdarda olan borclarını ödəmək.
Bir qədər də rayon barədə: Respublikamızın əksər ünvanları kimi, Goranboy rayonu da son dövrlər oz simasını tamamilə dəyişmiş, tikinti, abadlıq, quruculuq işlərinin həcmi genişəndirilmişdir. Goranboy şəhərinə hər dörd istiqamətdən giriş qapiları qoyulmuş, divarlar ağlay daşı ilə üzlənmiş, Möhtərəm Prezidentimizin tapşırığına əsasən Gəranboy şəhərinin işməli su təchizatı və kanalizasiya sistemi yenidən qurulmuş, küçələrin asfalt örtüyü yenilənmiş, şəhər başdan-başa işıqlandırılmışdır. Ancaq son bir ildə rayonda Şəhər Avtovağzalı, rayon Qaz İstismar İdarəsi, Su Kanal İdarəsinin tikintisi başa çatmış, Heydər Əliyev Mərkəzinin, Paylayıcı Elektrik Şəbəkəsinin, Böyük Vətən və Qarabağ müharibəsində həlak olanların xatirəsinə ucaldılmış Xatirə Kompleksinin, Müasir bazarın, yeni Çörək zavodunun, N.Gəncəvi adına parkın ikinci hissəsinin, Əlill və şəhid ailələri üçün 6 mərtəbəli binanın tikintisi davam etdirilir. Təbii ki, bütün bu işlər yerli əhalinin məmnuniyyəti ilə qarşılanır. Buna da goranboyluları danışdırarkən əmin olduq.
Araşdırmamız nəticəsində müəyyən olundu ki, KİV-lərdə rayonla bağlı M.Verdiyevin bütün uydurmaları yalan və böhtandır. Həqiqət isə belədir: Azərbaycan Respublikasının Prezidenti cənab İlham Əliyevin rayonda aparılan tikinti-quruculuq və abadlıq işlərinin daha da genişləndirilməsi məqsədilə 24 yanvar 2012-ci il tarixli Sərəncamı ilə 2.0 milyon manat vəsait ayrılmışdır. İşlərin görülməsi üçün keçirilən tenderdə “Fəqan-Xidmət” MMC qalib gəlmiş, müvafiq qaydada işlərin yerinə yetirilməsinə başlanmış, görülən işlərin müqabilində vaxtı-vaxtında vəsait ödənilmişdir. Lakin nədənsə rayonda abadlıq işləri görən digər 4 briqadaların əmək haqqları ödənildiyi halda, Müqayis Verdiyev işçilərə çatası təxminən 24 min manat əmək haqqını ödəməmişdir. Ona görə də, əmək haqqı ilə İcra Hakimiyyətinə müraciət edən işçilərə izah olunmuşdur ki, gördükləri işlərin dəyəri “Fəqan-Xidmət” MMC tərəfindən tam həcmdə M.Verdiyevə ödənilmişdir, əmək haqqı tələbi ilə ona müraciət etsinlər. Lakin M.Verdiyev işçilərə çatası 24 min manat əmək haqqını ödəməkdən imtina etdiyinə görə fəhlələrin izahatları əsasında Rayon Prokurorluğu tərəfindən M.Verdiyevə qarşı cinayət işi başlanmışdır.
Bu barəsində başlanan ilk cinayət işi deyil, silsilə cinayətlərin davamıdır. Birinci dəfə M.Verdiyev 26 noyabr 1998-ci ildə Azərbaycan Recpublikası Prokurorluğu tərəfindən mənimsəmə və israf etmə maddəsi ilə 4 il müddətinə; İkinci dəfə M.Verdiyev 23 may 2002-ci ildə Ağır Cinayətlərə dair Məhkəmənin həkmü ilə dələduzluq maddəsi üzrə 8 il azadliqdan məhrum etmə cəzasına məhkum edilib. M.Verdiyev bu cinayətlərlə kifayətlənməyib. O, bir neçə nəfəri aldadaraq pulunu mənimsəyib. Belə ki, Ağakişiyev Vüsal Zakir oğlundan qaytarmaq adı ilə 210 min manat alıb. Lakin borcu ödəmədiyi üçün Ağakişiyev məhkəməyə müraciət edib. Goranboy Rayon Məhkəməsi 21 noyabr 2011-ci ildə bu işə baxıb və iddianı təmin edib.
Bundan başqa Müqayis Verdiyev Əliyev Tahir Yunis oğlundan da 100 min dollar borc pul alıb və yenə də qaytarmayıb. Tahir Əliyev məhkəməyə müraciət edib və 12 oktyabr 2012-ci ildə Goranboy Rayon Məhkəməsində işə baxılaraq iddia təmin edilib.
Bunlar barəsində bildiyimiz məlumatların bir qismini təşkil edir.
Göründüyü kimi Müqayis Verdiyev həmişə qanunazidd əməllərin sahibi olub. Odur ki, su çanağı suda suda sınar. Ən müxtəlif mətbu nəşrlərdə özünü sudan duru çıxarmağa çalışan Müqayis Verdiyev həqiqətdə budur”. Rayonda olduğumuz dövrdə İcra başçının oğlu Ramal Quliyevin Bakıda olması ilə əlaqədar, telefonla özü haqqında yazılanlara münasibət bildirməyini xahiş etdik. Səviyyəmi aşağı salıb M.Verdiyev barədə söz demərəm desədə, çox sağolsun zəngimizi cavabsız qoymayaraq , özü barəsində yazılanlara aydınlıq gətirdi: Bu qədər də şər-böhtan olmaz. Əgər atama görədirsə onun gördüyü işlər göz qabağındadır, bu barədə yazsınlar. O, son vaxtlar mətbuatda özü və icra başçısı olan atası Nizaməddin Quliyev barəsində yayılan xəbərlərə aydınlıq gətirərək bildirdi ki, nə mən, nə də atam heç bir qanunsuz addım atmamışıq. Heç atmariqda. Heç bir adam hamı üçün yaxşı ola bilməz. Hələ də o adam cinəyətkar deyilsə? O, bütün yazıları və deyilənləri şayiə, şər-böhtan adlandırdı. Heç kimin haqqını yeməmişəm, yemərəmdə. Mətbuatda yazdırır ki, guya başçının oğlu xaricdə xalq artistinə pullar xərcləyir, nə bilim Kapital Bankda yeyintisi var, Tenderi udan “Fəqan xidmət” MMC ona məxsusdur. Mən xahiş edirəm hamsıının deyil,bu yazılanlardan ancaq birini təsdiq edən sənədi mətbuata təqdim etsin, mən mətbuatda ondan üzr istəyəcəm. Yaxşı təqdim edə bilmirsə, ağlına gələn böhtanı atmaqdansa qəfəsdən çıxmağın yollarını düşünsün. Mən həqiqətən də 2010-2012-ci illərdə Kapital Bank Mingəçevir şəhər filialına rəhbərlik etmişəm və 2012-ci ilin iyul ayında başqa rəhbər vəzifəyə keçməyim ilə əlaqədar öz ərizəmə əsasən işdən azad edilmişəm. Dəqiqləşdirmək istəyirlərsə sorğu göndərsinlar Kapital Banka ASC-yə ki, mən, yeyintiyə, nöqsanıma görə işdən azad edilmişəm yoxsa, başqa vəzifəyə keçməyimlə əlaqədar öz ərizəmə əsasən? M.Verdiyevin bütün söylədikləri yalandır. Mən, hal-hazırdada Bakı şəhərində, bank sektorunda mühüm bir vəzifədə çalışıram. Yeyintiyə yol vermiş bir adam isə bu vəzifəni daşıya bilməz. Mənim nə şirkətim var, nə də qanunsuz əməllərim. Mənim Mingəçevirdə işləməyim o demək deyil ki, Mingəçevirdəki təşkilatlar mənə məxsusdur. Bunun necə insan olduğunu tanıyanlar bilsədə, tanımayanlar bilsinlərki o, necə insandır? Bu uydurmalar İB-nın 1-ci müavini Baxış Abdullayev barəsindədə yazdırmışdı və müavin məndən fərqli olaraq məhkəməyə müraciət edərək, mətbuatda yazılan böhtanları məhkəməyə təqdim etmiş və oğul-ata barəsində cinayət işi açılmışdır. İndi də mətbuata car çəkirlərki, müavin ata-oğulu tutdurmaq istəyir. Əgər yazdırdıqlarınız doğrudursa nədən çəkinirsiz? Buyur doğrulrğunu təsdiq et! Yalan ayaq tutar yeriməz.
Araşdırmamızın sonunda “Kapital bank”-ın Mingəçevir filalı ilə əlaqə saxlayan əməkdaşlarımıza, filialdan belə cavab veriblər: “ Ramal Quliyevin, Mingəçevir şəhərindən getməsi, onun başqa işlə təmin olunması ilə əlaqədardır”. Sonra “Fəqan-Xidmət” MMC ilə və xidmət edən 11 saylı Vergilər İdarəsi ilə əlaqə saxlanıldı, oradan da Ramal Quliyevlə heç bir əlaqənin olmadığı vurğulandı. Şirkətdən və “Kapital bank”-dan verilən cavablar müsahibimizin verdiyi cavablarla üst-üstə düşdü. Beləliklə apardığımız araşdırmalar, İcra Başçısı və oğlu haqqında Müqayis Verdiyevin yaydırdığı məlumatları alt –üst etdi və M.Verdiyevin iç üzünü ortaya çıxartdı.
Təbii ki, bu faktları səbəbsiz olaraq diqqətinizə çatdırmadıq. Yuxarıda da bu məqama diqqət ayırmışdıq. Söhbət Müqayis Verdiyevin ictimaiyyəti çaşdırmağa yönələn fəaliyyətindən gedir. Və ən acınacaqlı olanı da budur ki, bəzi KİV-lər hələ də bu kimi böhtan dolu yazıları yaymaqla özləri də bilmədən Verdiyevlərin kampaniyasında bir alətə çevrilirlər. Burada mətbuatı qınamırıq. Sadəcə olaraq, bu yazını yazmaqla, bu araşdırmanı aparmaqla baş verənlərə aydınlıq gətirmək istəyirik.
Ola bilsin ki, ertəsi gün Verdiyevlərin nümayəndələrindən biri yenə də mətbuata çıxacaq və yenə də ittihamlar səsləndirəcək. Amma bu ittihamların əsasının olmadığı barədə yuxarıdakı faktlar yetərli qənaət formalaşdırır. Tək qalanı mətbuatın bu istiqamətdə haqlı mövqe tutmasıdır. Yəni KİV-lər kiminsə nələrisə iddia etməsini mediatik maraqlar fonundan daha çox, haqq-ədalət tərəzisindən qiymətləndirməlidir. Bizcə, əsl mətbuat da elə budur… \ savash.org \
