ABŞ Prezidenti Donald Tramp Müdafiə Nazirliyinin adını dəyişdirib Müharibə Nazirliyi qoyub.

Bəlkə də son 80 ildə ilk dəfə Pentaqonun adını mahiyyətinə uyğunlaşdırıb. Zira II Dünya savaşından sonra Pentaqon ancaq lokal və regional müharibələri ilə tanınıb.

Amma mister Tramp bu addımını çox da doğru olmayan arqumentlərlə açıqlayıb. Deyib ki, ABŞ I, II Dünya savaşlarında və ondan sonra baş vermiş bütün müharibələrdə qalib gəlib, ona görə də bu dövlətin müdafiə qüvvələrinin adı Müharibə Nazirliyi olmalıdır.

Məlumdur ki, həm I, həm də II Dünya müharibələrində ABŞ-ın döyüşlərin son anında savaşlara daxil olub. Bir növ leşyeyən kimi hazır ovun üzərinə qonub. Üstəlik, Soyuq savaşlarda da bütün savaşları qazanmayıb. Hələ də bitməmiş Koreya, Vyetnam, son zamanlarda girdiyi və sonra peşiman olub qaçdığı Əfqanıstan müharibələri ABŞ-ın alnına yazılmış qar ləkə kimi görünür.

Maraqlıdır ki, Tramp bu qərarı Çin lideri Si Cinpinqin Rusiya və Şimali Koreya diktatorlarını yanına alıb güc nümayişi etdikdən sonra verib. Görünən budur ki, adam öz hərbi gücünü nümayiş etdirmək üçün malik olduğu silahlı qüvvələrin heybətini artırmaq üçün bu addımı atıb. Necə ki, pişik itlə qarşılaşanda və qaçmağa yeri qalmayanda tüklərini qabardırdıb özünü aslan qırığı kimi göstərməyə çalışır.

Görünən budur ki, ağlıyox ABŞ liderlərinin dünyanın super gücünü “aslan qırığına” çevirməsi hərb tarixinin ən ilginc hekayəsi kimi dərslik kitablarına düşməsinə çox qalmayıb.