“Qarabağ probleminin həlli yolları barəsində çıxışlar etdiyim təqdirdə, vaxtımı daha çox bu məsələlərə sərf etdiyim halda Arif Hacılının qardaşı Mustafa Hacıbəyli məni tənqid edir. Özü də görün hansı dəyərlərə əsaslanaraq öz tənqidi fikirlərini irəli sürüb. Desə ki, Rövşən Qəmbərin çıxışı Azərbaycana ziyandır, Qarabağa zərərlidir söhbətə qoşularam. Lakin o demək istəyir ki, “Müsavat”a ziyandır. Ay qardaş, “Müsavat”da mən sadəcə söz azadlığını istəyirəm”.
Bu fikri Hafta.az-a açıqlamasında Dünya Azərbaycanlıları Məclisinin sədri, keçmiş “Müsavat” başqanı İsa Qəmbərin qardaşı Rövşən Qəmbər deyib. O bildirib ki, Müsavat Partiyasında həqiqi qurultayın keçirilməsini tələb edir:
“Əgər Arif Hacılı və yoldaşları təkid edirlərsə ki, çox yaxşı qurultay keçirilib, bunu isbat etsinlər. Nümayənrələr ik-üç il ərzində təyin edilibsə, 600 nəfərdən isə 450 nəfəri qurultaya gəlibsə, bunu çox da güclü qurultay saymaq olmaz. Çünki müzakirəyə imkan yoxdur. Məhəmməd Əmin Rəsulzadənin qurultaylarına baxsınlar ki, Rusiyada müsəlmanların qurultayın keçirəndə o necə gün ərzində toplantı təşkil etdi? Bizdə 5-6 saat müzakirələr olduğu halda, Məhəmməd Əmin Rəsulzadə zamanında bu 5-6 gün olub. Qurultay elə olar. Bu baxımdan deyirəm ki, söhbət Müsavat Partiyasından deyil, Arif Hacılı və onun qardaşlarının aktiv olduğu hazırkı partiyadan gedir. Hansı ki, onlar Rəsulzadə yolunu davam etmirlər”.
R.Qəmbər bildirib ki, daha da kəskin olmaq istəmir:
“Nə zaman fikir bildirsəm, söyləyirlər ki, Rövşən Qəmbər xəyanət etdi. Tutarlı səbəb də tapa bilmədikləri üçün, söyləyirlər ki, İsa bəyə xəyanət edirəm. İsa bəylə qardaşıqsa, ata malın bölürüksə onda ola bilər ki, hansısa müqaviləni pozmuşam. Azərbaycanı, haqq-ədaləti sevən adamam. Ədalətli insanların hamısın qardaş sayıram. Mustafa Hacıbəyli də haqqın tərəfində olarsa onu da qardaş hesab edərəm. Əgər yalnız dostlatına xidmət edirsənsə bu qardaşlı, müsavatçılıq, azərbaycanlılıq sayılmaz. İsa Qəmbər də mənim bioloji qardaşımdır. Onlar Hikmət Hacızadə haqqında da fikirlər söyləyirlər. Hikmət bəy özləri onların cavabını verib. Mən isə demək istəyirəm ki, əgər 1990-cı ildə Füzuli rayonunda parlamentə 75 faiz səs çoxluğu ilə millət vəkili seçilmişəmsə, bunu təşəbbüskarı Hikmət bəy olub. O zaman Ayaz Mütəllimov bildirmişdi ki, İsa Qəmbərin qardaşı deputat seçilməməlidir. Buna görə də mənə verilən səs 25 faizə endirildi. Bunun da səbəbi mənim Qarabağ problemindən, haqq-ədalətdən danışmağım idi. Dostlar bilirlər ki, ölkə başçımız İlham Əliyevin siyasətini dəstəkləyirəm. Düşüblər üstümə ki, nə üçün belə edirsən. Çünki İlham Əliyev Dağlıq Qarabağ probleminin həlli istiqamətində maraqlı fikirlər söyləyir və bu istiqamətdə çox çalışır. Azərbaycanda bu istiqamətdə onun kimi siyasət aparacaq ikinci bir şəxs yoxdur”.
R.Qəmbər Müsavat funksionerlərinin Qubad İbadoğluna münasibətinə də toxunub:
“Qubad bəyin üstünə nə qədər hücum edəcəksiniz? Divan, Məclis kimi qeyri-legitim orqanlar yaratmısınız. 8 saatlıq qurultayda legitim orqanlar yarana bilməzdi. Artıq mən də növbəti qurultayı tələb edirəm. Bəsdir. Müsavat Partiyasında Gənclər Təşkilatının rəhbərliyi seçildiyi zaman ikinci dəfə təşkilat səsləri saymalı oldu. Eyni zamanda sədri olduğum Dünya Azərbaycanlıları Məclisi yarandığı zaman da bu belə oldu. Çünki fərqli münasibətlər var idi. Hökumətlə çox dalaşmaq istəmirəm. 20 ildən çox müxalifətçilik etdik. Artıq fikir müxalifətçiyili etmək istəyirəm, üsyan yox. Həbsxanada olmaq, yaxud da İsa bəyin qardaşı olmaq mənə heç bir yeni hüquq qazandırmır ki, ölkəmizin problemlərini həll edim. Ölkənin problemin konstruktiv müxalifət olmaqla həll etmək olar. Məsələn, keçmiş Təhsil Naziri Firudin Cəlilov Türkiyədə müalicə olunduğu zaman İsa bəy kömək etdi, yoxsa Arif Hacılı? Hökumət etdi bunu. Vətəndaşım İsa Qəmbər dediyi kimi əgər hər hansı bir məsələdə uğur əldə etmək istəyiriksə, bir-birimizdə qusur axtarmayaq. Eləcə də ölkə başçımızda qüsur axtarmayın. İndi durub bir qardaşın müdafiə edən, məni öz qardaşımı müdafiə etməməkdə günahlandırır. Ay Arif Hacılı, dostlarına bildir ki, mən Qarabağı, Azərbaycanı müdafiə edərəm. Bir qrup dostlarımın mənafeyini yox. Yetər, sənin qardaşın özün ən ağıllı şəxs sayır. Azərbaycanda olsam televiziyalara müraciət edib deyərəm ki, icazə verin Arif Hacılı Qardaşları ilə birlikdə debata çıxsın. Mən də vətəndaşlarımla birlikdə qarşı tərəfdə olum. Xalqımıza sübut edək ki, Azərbaycana xidmət etmək nədir. Arif bəy, qardaşına söylə ki, özünü yığışdırsın. Aprel ayında Bakıya gəlib iri bir hərəkat yaradacağam. Ana Torpaq partiyasını da Müsavat Partiyasından ayıracağam. Orada bizə qiymət verə bilmədilər. İsa Qəmbər hökuməti tənqid etməkdənsə, Dağlıq Qarabağ probleminin həlli istiqamətində də bir iş görsün".
