Son günlər Cəlilabad Rayon Təhsil şöbəsi, konkret olaraq həmin təşkilatın rəhbəri Qərənfi xanım Əhmədova haqqında korrupsiya məlumatları aramsız olaraq saytlarda paylaşılır. Həmin məlumatlar cenub.az saytının e-mail poçtuna da göndərilir. Lakin peşəkar jurnalistikanın tələblərinə uyğun olaraq biz qarşı tərəfin də fikrini öyrənməyə cəhd etdik. Qərənfil müəllimin mobil telefonunun öyrənmək elə də asan olmadı. Çünki, həmin nömrəni bilənlərin çoxu “Qorxuruq, deyə bilmərik”-deyə, üzürxahlıq edirdilər. Nəhayət öyrəndik, sonu… 388 ilə bitən nömrəyə dəfələrlə zəng vursaq da, telefon çağırsa da, telefonu açan olmadı. Məcbur olub whatsapp nömrəsinə mesaj yazdıq ki, filan saytın sahibiyik, sizinlə bağlı filan məlumatlar var. Zəhmət olmasa, münasibətinizi bildirin. Mesaj oxunsa da, cavab olmadı. Belə düşünməyə məcbur olduq ki, yazılanlar düzdür ki, Qərənfil xanım təkzib etməyə söz tapmır. (Xatırladaq ki, Astara Təhsil şöbəsinin müdiri Rəşad müəllim də belə gizlənpaç oynamağı çox xoşlayır. Hələ ki, araşdırırıq.) Buna görə bizə ünvanlanmış yazıları sizə təqdim edirik. Qərənfil xanımın sözü olarasa, onun da cavab haqqını tanımağa hazırıq.
1-ci yazı. Cəlilabad Təhsil Şöbəsində “tas”lar
Cəlilabad rayon təhsil şöbəsində rüşvət mövsümü açıq elan olundu
Hər il olduğu kimi bu il də Cəlilabad RTŞ müdiri Qərənfil Əhmədova pul yığıma sezonunu açıq elan edib. Pandemiya ilə əlaqədar olaraq qiymətlərdə ciddi bir dəyişiklik yoxdur. Hər il olduğu kimi bu il də
sağlamlıq imkanları məhdud uşaqlara görə 200 azn,
məktəbəqədər hazırlıq qruplarının açılması üçün 200 azn,
birinci sinif şagirdlərinə dərs deyəcək müəllimlərin adının sistemə salınması üçün 200 azn ,
65 yaşdan yuxarı müəllimlərlə əmək müqaviləsi bağlamaq üçün 1500 azn ,
tarifikasiyanın təsdiqi üçün 100 azn,
başqa yerdən transfer etdikləri şagirdlərə görə isə 500-1500 azn arası pul tələb olunduğu bildirilib.
Ölücan texniki işçilərin pulu isə ayrıdır.
Cəlilabad Rayon Təhsil Şöbəsinin müdiri Qərənfil Əhmədova pulların yığımını əsasən inspektorlar vasitəsi ilə həyata keçirir.
Hər bir inspektor onun kurasiyasında olan məktəb direktoundan pulu alaraq Qərənfil Əhmədovaya verir. ƏMHM-nin pulu isə ayrıdır.
Sosial şəbəkələrdə açıq şəkildə pul yiğmaqla bağlı Qərənfil Əhmədovanın səs yazıları paylaşılsada indiyə qədər ona cinayət işinin açılmaması və ya işdən qovulmaması onu göstərir ki, onun Təhsil Nazirliyində himayəçiləri var. Həmin himayəçilər Qərənfil Əhmədova vasitəsilə yerlərdən izahat və pul göndərərək işi bağlayır. Yoxsa aşkar şəkildə iclasda sement pulunu, aylıq pulu gec gətirənləri təhqir edən Qərənfil Əhmədova niyəiş də saxlanılsın?
Dediyimiz kimi, Qərənfil Əhmədovanın korrupsiyasını Təhsil Nazirliyində müdafiə edənlər var . Biri Təhsil Nazirliyinin İRŞ nin müdiri Eşqi Bağırov, digəri isə Təhsil Nazirliyində zona üzrə kurator Əhliyyət Adıgözəlovdur.
Yeni təyin olunmuş Təhsil Naziri Emin Əmrullayev həqiqətən təhsildə yenilik etmək və bu korrupsiyanın qarşısını almaq istəyirsə bunları bilməlidir deyə düşünürük.
Legioner şagirdlərdən gələn pullar və dividentlər
Cəlilabad RTŞ-nin ciddi araşdırmalara ehdiyacı var. Bu barədə dosye.org-ın elektron ünvanına daxil olan şikayət məktubunda qeyd edilib. Oxucularımızın xahişini nəzərə alıb şikayət məktubunu olduğu kimi ixtiyarınıza veririk:
“Artıq hər kəsə bəllidir ki, bir çox rayonlarda təhsil gəlir mənbəyi olduğu üçün təhsil yox dərəcəsindədil. Lakin eşidirik ki, hər il rayonlardan çox yuxarı balla şagirdlər qəbul olur. Sual oluna bilər ki, bəs onda bu şagirdlər kimlərdir ?
Həmin şagirdlərin bir qismi imkanlı şəxslərin övladlarıdır ki, valideynləri onları repititor yanına qoymaqla uğurlar əldə edirlər.
Digər qismi isə əsasən paytaxt məktəblərinin şagirdləridir ki, rahat şəkildə kursa və ya repititor yanına getsinlər deyə adlarını rayon və kənd məktəblərinə yazdırırlar. Ancaq elə başa düşməyin ki, həmin şagirdlərin adını təmənnasız olaraq məktəbə yazılır. Və düşünməyin ki, bunun qiyməti çox aşağıdır. Çünki, burada hər kəsin öz payı var. Başda RTŞ müdiri, İnspektor və məktəb direktoru. Qiymətlər buna görə də bahadır və 1000-1500 azn arası dəyişir.
Cəlilabad məktəblərində bu hal kütləvi hal alıb. Həmin məktəblərdən biri də Cəlilabad rayon Soyuqbulaq kənd tam orta məktəbidir. Rəsmi şəkildə məktəbdə guya 200 şagird təhsil alır, ancaq yoxlansa həmin şagirdlərin yarısının məktəbdə olmadığı aşkarlanacaq. Məktəbdə 100 şagird olsa böyük şeydir, hələ məktəb jurnalında adları olmayanları demirəm. Məktəbdə təhsil verən müəllimlərin sayı da rəsmi olaraq real olduğundan çox azdır. Bu korrupsiyanın arxasında duran qüvvə isə məktəbdə direktor vəzifəsini müvəqqəti icra edən Dünyamalıyev Balafər Meşəxan oğlundan tuttmuş Cəlilabad rayon təhsil şöbəsində inspektor vəzifəsində çalışan Ağaxan Ağayev və RTŞ müdiri Qərənfil Əhmədovaya kimi uzanır. İş bununla da bitmir Qərənfil Əhmədova isə bununla bağlı şikayətləri önləmək üçün Təhsil Nazirliyində DNŞ-nin əməkdaşları və zona üzrə kurator Əhliyyət Adığözəlova qədər hər kəsin payını verir. Bu işdə günahkar bəzi məqamlar var ki, onlarla bağlı gələcəkdə yazacıyıq.”
Cəlilabad rayon təhsilinin bərbad vəziyyətdə olması, RTŞ ni yalnız məktəblərdən gələn aylıq maraqlandırdığını, təhsilə nəzarət edilmədiyi haqqında dəfələrlə yazılsa da, aidiyyatı orqanlar işlərini izahat alaraq bitirirlər. Rayonların çoxunda olduğu kimi Cəlilabad təhsilndədə yüksək nəticənin çoxu repititor və Bakı şəhər məktəblərindən gətirdərək adlarını yazdırdıqları şagirdlərin hesabına əldə edirlər. Direktorların bir digər qazanc isə şagirdlərin attestata qiymətlərini yüksək yazaraq qazanmalarıdır. Hətta bəzən elə şagirdlər attestatlarında yüksək qiymət yazırlar ki, həmin şagiridin qəbul imtahanında topladığı bal şagirdin özü demişkən intihara sürükləyir. Belə saxta qiymətin yazıldığı məktəblərdən biri də Akademik Zərifə Əliyeva adına Cəlilabad rayon 7 nömrəli məktəbdir. Sözügedən məktəbin şagirdi öz sosial hesabında Attestatının şəklini paylaşaraq 7 ədəd 5 və 7 ədəd 4 aldığını yazır, sonra isə qəbul imtahanından topladığı balı göstərərək 32.5 bal topladığın yazır. //cenub.az//
