Beyləqan rayonunda qeydiyyatdan keçirilmiş ''Rusif'' kəndli fermer təsərrüfatının direktoru Fəzail Kərimovun, həmin təsərrüfatın mühasibi Kamalə Muradovanın və onların Cəfər, Qədir adlı tanışlarının, həmçinin iflasa uğramış ''Birlikbank'' ASC-i idarə heyətinin sədri Səriyyə Səmədova, bankın digər vəzifəli şəxsləri və rəhbər işçilərinin mütəşəkkil sürətdə aldatmaları, həmi şəxslərin törətdikləri korrupsiya, cinayət xarakterli qanunsuz əməlləri nəticəsində yaşayış evləri əlindən çıxmaq üzrə olan bir qrup şəxs Arqument.az -a müraciət edib.
Şikayətçilərdən biri başına gətiriln oyunu belə izah edir:
"11.09.2007- ci il tarixli ''məxaric xəzinə orderi'nə əsasən mən ''Rusif'' KFT-dan 11960 ABŞ dolları məbləğində borc pulu almaq haqqında sənədə imza atdım.
''Rusif'' KFT-nin möhürü və bu təsərrüfatın rəhbəri işçilərinin imzaları ilə təsdiq edilmiş 12.09.2007-ci il tarixli ''məxaric xəzinə orderi '' tərtib etməklə və həmin mühasibat sənədinə imza etdirməklə, Cəfər ilə həmən təsərrüfatın mühasibi vəzifəsində işləyən Muradova Kamalə Behbud qızı, həmçinin bu adamların tanışları Qədir pulları bizə təqdim ediblər.
Pulun məbləği qeyd etdiyim kimi ''məxaric xəzinə orderi'' ində 11960 ABŞ dolları olsa da, mənə faktiki verilən məbləğ 10000 ABŞ dolları olub. Bu vəsaiti mən tanışım Kəmalə İsmayılovaya vermişəm və bank ödənişlərini özü ödəyib. 11960 dolları pulu mənə verməklə, bu borcun həmin təsərrüfata hər ayın 12 -də 108 dolları qaytarmağa söz verdik. 12 oktyabr 2007-ci il tarixdən başlayaraq 2 il müddətində hər ayın 12-də onlara Kəmalə və Cəfərin vasitəsi ilə 180 dolları qaytarılıb.
Bundan əlavə olaraq 700 dollar pul Qədirə verilib. Lakin müqavilə üzrə öhdəliklər yerinə yetirilməyib və banka olan kredit borcumun qaytarılması təmin edilməyib. Borc verən ''Birlikbank'' ASC və Sahibkarlığa Kömək Milli Fondu kredit müddətində vəsaiti geri tələb etməyib. Burdan məqsədləri açıq-aydın məlum olur. Evimizin sənədini geri tələb etdikdə məlum olub ki, bizim onlara verdiyimiz pulları etimadımızdan sui-istifadə edərək mənimsəyib və öz şəxsi pulları kimi xərcləyiblər.
Sonradan aşkar olunub ki, ’'Birlikbank'' ASC-i ilə ''Rusif'' KFT arasında 03.09.2007-ci il tarixində 60 ay müddətində 0174 saylı kredit müqaviləsi bağlanıb. Həmın kredit müqaviləsinə əsasən ət və süd məhsullarının istehsalının artırılması məqsədilə AR SKMF-nın vəsaiti hesabına "Rusif'' KFT -yə illik 7% dərəcəsi ilə 150000 manat məbləğində kredit verilib. Kredit müqaviləsindən irəli gələn öhdəliyin icrasının təmin edilməsi üçün bizə məxsus yaşayış evindən əlavə həm də bizim tanışlarımız olan Cəfərova Rəna Kamil qızına məxsus Bakı Şəhəri, Abşeron rayonu, Mazasır qəsəbəsi, A. Ələsgər küçəsi ünvanda yerləşən mənzil və Həmidov Aslan Rəsul oğluna məxsus Bakı şəhəri Sabunçu rayonu, Zabrat qəsəbəsi, X. Vəliyev küç. ev-22 a ünvanında yerləşən yaşayış evi də bir-birimizdən xəbərsiz olaraq ''Birlikbank''da girov qoyulub.
Girov qoyduqlarına görə də Cəfərova Rəna Kamil qızına 11.09.2007-ci il tarixli ''məxaric xəzinə orderi’ nə əsasən 14500 manat (əslində 12000), Həmidov Aslan Rəsul oğluna isə 12.09.2007-ci il tarixli ''məxaric xəzinə orderinə'' əsasən 12200 ABŞ dolları (əslində 10000), bundanda 2000 manat Kəmalə Muradova götürüb. Yerdə qalan vəsait isə yuxarıda adları çəkilən şəxslər arasında bölüşdürülüb.
Müqavilə bağlanarkən ''Birlikbank'' ilə ''Rusif'' KFT birlikdə düşünülmüş şəkildə bizi aldadıblar. Baş mühasib Kəmalə Muradova, təsərrüfat direktoru Fəzail Kərimov, onların tanışları Cəfər və Qədir adlı şəxlər, eləcədə ''Birlikbank''ın sabiq idarə heyyətinin sədri Səmədova Səriyyə və digər vəzifəli şəxlər qeyri-qanunu yollarla dövlətə, eləcə də bankda girov qoyulmuş yuxarıda göstərdiyim 3 evin mülkiyyətçilərinə külli miqdarda maddi, mənəvi ziyan vurmaqla pul qazanmaq məqsədi güdülüb. Onlar dövlətin kəndli fermer təsərrüfatlarının inkişafı təyinatı ilə ayırdığı 150000 manat pul vəsaitini güzəştli kredit adı ilə alıb öz təyinatı üzrə səfr etmək əvəzinə israf edərək mənimsəyiblər.
Əvvala, qeyd etməl istərdim ki, məhkəmə araşdırma apararkən və qətnamə qəbul edərkən tətqiq olunmuş sübutlara düzgün hüququ qiymət verməyib və iş üçün əhəmiyyətli olan bütün faktiki halları araşdırmayıb.
Bundan başqa, məhkəmə cavabdehin məhkəmə prosesi zamanı iş üçün mühüm əhəmiyyəti olan bəzi izahatlarınada əhəmiyyət verməyib və bununla da əsassız qətnamə qəbul edib. ’'Rusif'' KFT -nın rəhbərliyi kredit götürərkən cavabdehləri aldadıb. 05.10.2015-ci il tarixdən Nərmanov rayonu İcra Şöbəsinin в„– 17/ 69-73-10 saylı, 16.09.2015-ci il tarixli sifarişi məktubuna əsasən əmlakın satılması üçün açıq hərac çıxarılması Bakı şəhəri Nərmanov rayonu, A.Nemətulla küçəsi ev - 49 B. mən-7 əmlakın ilkin satış qiyməti 85000 manat qiymətləndirilmiş hərracın vaxtı 11.11.2015-ci il tarixə təyin edilib. Beləliklə də məhkəmə iş üçün vacib əhəmiyyətli faktlara əhəmiyyət vermədən tamamilə əhəmiyyətsiz və ədalətsiz qərar görə biz vətəndaşlar əziyyət çəkirik.
Odur ki, yuxarıda yazılanları nəzərə alaraq ailəmizdə azyaşlı uşaqların olmasına görə və Azərbaycan Respublikasının Mülki Prossesual Məcəlləsinin 417.1.3 və 418 maddələrinə əsasən pul vəsaitinin toplanılıb borcların ödənilməsinə görə hərracın vaxtını uzadılması və yuxarıda adları sadalanan şəxslərin tutulub cinayət məsuliyyətinə cəlb edilməsini istəyirik".
Yazıdakı iddialarla bağlı adıçəkilən şəxslərin də mövqeyini dərc etməyə hazırıq.
