Naxçıvan Muxtar Rerspublikasında səhiyyə sahəsində ciddi problemlər var. Son illər əhalinin keyfiyyətli səhiyyə xidməti ilə təmin olunması istiqamətində demək olar ki, heç bir iş görülməyib. Sağlamlığını bərpa etmək üçün paytaxt Bakıya və Türkiyənin müxtəlif şəhərlərinə üz tutan muxtar respublika sakinlərinin sayı xeyli artıb. Səhiyyə müəssislərində keyfiyyətli tibbi xidmətin olmadğını bildirən naxçıvanlılar bu sahədə rüşvətxorluq hallarının xeyli artdığını iddia edirlər. Naxçıvanın səhiyyə naziri Samiq Sadıxovun və Tibb Müəssisələrinin İdarəetmə Birliyinin (TMİB) icraçı direktoru Vüsal Məmmədovun səhiyyə sahəsini bərbad vəziyyətə saldıqları ilə bağlı sosial şəbəkələrdə ciddi müzakirələr aparılır.
Leyla Əlizadə adlı sosial şəbəkə istifadəçisi yazır: “Sağlamlıq kağzının (Sağlamlıq haqqında arayışdan söhbət gedir – red) qiymətini 34 manat ediblər. Bunların evləri yıxılsın”.
Digər sosial şəbəkə istifadəçisi Sevilay təcili tibbi yardımdan şikayətçidir: “Xəstəni gecə yarısı təcili yardımla xəstəxanaya apardıq. Təcili yardım maşınının “Qazel”dən heç bir fərqi yox idi. Kaş məhəllədən bir “Qazel” çağırıb xəstənin aparardıq”.
Zülfüqar İbrahimov səhiyyədə bütün xidmətlərin pullu olduğunu iddia edir. Bildirir ki, 57-nin bazarı ( Naxçıvan şəhərinin 57-ci məhəlləsindəki bazar nəzərdə tutulur – red) Naxçıvan səhiyyəsindəki qiymətlərdən daha ucuzdur.
Daha bir sosial şəbəkə istifadəçisi yazır: “Naxçıvanda əməliyyat olunmuşam. Həkim dedi ki, ev şəraitində müalicəni davam etdirəcəksən. Təcili yardıma deyirik ki, xəstəni evə aparmaq üçün xərək lazımdır. Deyirlər ki, 20 manat ödəniş etməlisiniz”.
“Tuman satan hara, səhiyyə hara”. Açığı bu fikri yazan sosial şəbəkə istifadəçisinin kimi nəzərdə tutduğu bizə də aydın deyil.
Naxçıvanlılar iddia edir ki, icbari tibbi sığıarta ilə müalicə ləğv edilib. İndi bütün analizlər pullu olub.
Uğur Həsənli adlı sosial şəbəki istifadəçisi isə Naxçıvan səhiyyəsini ticarət mərkəzi ilə müqayisə edib.
Naxçıvan səhiyyəsindən narazılığnı ironik şəkildə bildirən sosial şəbəkə istifadəçiləri də var: “Naxçıvan səhiyyəsi əla vəziyyətdədir”. Çünki daha heç nə qalmayıb. Sağ olsun Samiqi, ( Səhiyyə naziri Samiq Sadıxov nəzərdə tutulur - red) birdəfəlik sildi hər şeyi”.
Göründüyü kimi, Naxçıvan səhiyyəsindən narazılıq pik həddə çatıb. Belə şərhlər minlərlədir. Səhiyyə naziri və TMİB rəhbərliyi öz işlərinin öhdəsindən gələ bilmirlər. Hesablama Palatasının apardığı yoxlamalar səhiyyə sahəsində bir sıra qanunsuzluqların olduğunu üzə çıxarıb. Muxtar respublikanın tibb müəssisələrində aparılan yoxlamalar zamanı aşkarlanan qanunsuzluqlarla bağlı hazırda hüquq-mühafizə orqanlarında araşdırma aparılır.
