RAFİQ TAĞI İŞİNDƏ FARS-MOLLA REJİMİNİN ƏLİ
DİA.AZ: - Keçən həftənin cümə günü naməlum şəxslər tərəfindən bıçaqlanan yazıçı Rafiq Tağının vəziyyəti stabil-ağırdır. Bu barədə Klinik Tibbi Mərkəzin reanimasiya şöbəsində müalicə alan yazıçının həkimi Rauf Mirzəyev açıqlamasında bildirib.
“Şöbəyə qəbul edilərkən xəstənin vəziyyəti çox ağır idi. Onun döş qəfəsində çoxsaylı kəsilmiş-deşilmiş yaralar var idi. Xoşbəxtlikdən ürəyin özü zədələnməmişdi, dalağı zədələnmişdi. Kürək sümüyü və bir neçə qabırğası sınıb. Şöbəyə daxil olan kimi dərhal əməliyyata hazırlandı və əməliyyat olundu. Əməliyyat çox ağır keçdi, əməliyyat 6 saat çəkib”.
Yazıçının həyatı üçün təhlükə sovuşsa da, xəstənin vəziyyəti ağırdır. O bir müddət müalicə almalıdır.
Məlumat üçün bildirək ki, tanınmış yazıçı Rafiq Tağı axşam saatlarında bıçaqlanıb. Hadisə Nəsimi rayonu ərazisində avtobus dayanacağının yaxınlığında baş verib. R.Tağı evə gedərkən naməlum şəxsin hücumlarına məruz qalıb. Ailə üzvlərinin verdiyi məlumata görə, yazıçı kürək, qarın, ürək və boyun nahiyələrindən 6 bıçaq zərbəsi alıb. Qan itirə-itirə yaxınlıqda yerləşən mənzilinə gəlib və bundan sonra Təcili Tibbi yardım Stansiyasına məlumat verilib. Yazıçı 1 saylı Mərkəzi Kliniki Xəstəxananın reanimasiya şöbəsində əməliyyat olunur.
Yazıçı çox qan itirdiyindən ailə üzvləri ona qan veriblər. Həkimlərin ilkin məlumatına görə, bıçaq zərbələri daxili orqanları zədələməyib. Hadisə ilə bağlı polis məlumatlandırılıb.
Bildirək ki, ixtisasca həkim olan Rafiq Tağı Azərbaycanda tanınmış yazıçılardandadır. Onun publisistik yazıları dəfələrlə cəmiyətdə ciddi polemikalara səbəb olub. 2007-ci ildə isə işlədiyi "Sənət" qəzetində çap etdirdiyi "Avropa və biz" məqaləsinə görə həbs edilib. Dindarlar onun bu məqalədə Məhəmməd peyğəmbərin ünvanına xoşagəlməz ifadələr işlətməkdə, xristian dəyərlərini islamdan üstün tutmaqda ittiham edirdilər.Onu da xatırladaq ki, yazıya görə İranda ayətullah Fazil Lənkərani onun ölümünə fitva da vermişdi. Bu məqaləyə görə milli, irqi və dini düşmənçiliyi qızışdırmaq ittihamı ilə Rafiq Tağı 3 il, qəzetin redaktoru Samir Sədaqətoğlu isə 4 il müddətinə azadlıqdan məhrum edildmişdi. Onlar 8 aydan sonra əfv fərmanı ilə azadlığa çıxmışdılar.
Redaksiyamıza ötürülən qeyri-rəsmi məlumatlarda isə bildirilir ki, hüquq-mühafizə orqanları da Rafiq Tağıya qarşı törədilən cinayət işinin araşdırmalarında burada İranın əlinin olması faktını xüsusi olaraq araşdırırlar. Hətta Nardaran sakinlərindən bəzilərinin bu məsələyə görə dindirildiyi də bildirilir.
Bu barədə redaksiyamıza daxil olan son məlumatlardan isə aydın olur ki, əslində Rafiq Tağı ilə bağlı məsələ İranın Azərbaycandakı fəaliyyətinin miqyasını da ortaya qoyur. Bu barədə adının çəkilməməsi şərtilə danışan ekspertlərdən biri çox ilginc faktlara toxunub.
Ekspertin qənaətinə görə, nə zamandır fars-molla rejimi Azərbaycana əzələ nümayiş etdirir və müxtəlif təbliğat üsulları ilə həm ölkəmizə, həm xalqımıza və həm də prezident İlha Əliyevə qarşı bir şər-böhtan kampaniyası aparır. Hətta bu mətbu hücumların qarşılığı olaraq rəsmi Bakının səbirli mövqe nümayiş etdirməsi belə Tehrandakıların sakitləşməsinə nədən olmur. Artıq bu bir faktdır ki, İran dövləti adlanan mövcudiyyət bu gün Azərbaycan Respublikasını düşməni kimi görür və qəbul edir. Bütün istiqamətlərdə isə bu düşənçilik özünü biruzə verməkdədir.
Günbəgün bütün sferalarda Azərbaycanla münasibətlərini gərginləşdirən fars-molla rejimi buna paralel olaraq özlərinin dili ilə ifadə etsək, şiələrin çoxluq təşkil etdiyi Azərbaycanın 20 faizini zəbt etmiş və minlərlə günahsız insanını qətlə yetirmiş ermənilərlə daha sıx təmas qurmaqdadır. Artıq dünənə qədər Ermənistanın yeganə nəfəsliyi hesab olunan rəsmi Tehran bu gün Azərbaycana düşmən olan bu ölkənin bir nömrəli himayədarına da çevrilib.
Ekspertimizin qənaətinə görə, Bakı ilə günbəgün gərilən münasibətlərini əməli işdə də göstərmək fars-molla rejimi üçün hava və su kimi lazım idi: В«Odur ki, Rafiq Tağının məhz İranın hədəfinə çevrilməsini asanlıqla söyləmək olar. Onlar əslində Rafiq Tağını yox, Azərbaycanı, Azərbaycan prezidentini hədələmək istəyirlər. Ona görə də bu işdə rəsmi Bakı ustalıqla davranmalıdır və məsələnin tam mahiyyətini öyrənərək qərarlarını verməlidirВ».
Ekspertimiz Azərbaycanın hazırki şəraitdə İranla hansısa müstəvidə rəsmən kəllə-kəlləyə gəlməsinin də arzuolunan olmadığını bildirir: В«Təbii ki, İran az qala bütün dünyanın hədəfindədir və bundan rəsmi Tehran kifayət qədər aqressiv davranır. Ona görə də onlar Azərbaycanda bu kimi qətllərin sifarişini asanlıqla verə bilərlər. Çünki qərarları isti başla çıxarırlar, nəticələrini düşünmürlər. Belə bir aqressiya ilə yüklənmiş fars-molla rejiminin hədəfinə çevrilmək isə ölkəmiz üçün heç də yaxşı nəticələr verməyə bilərВ».
