“Hacı Mirzəlioğlu” Məhdud Məsuliyyətli Cəmiyyət (MMC) cərimə olunub.
Yurd.Media-nın əldə etdiyi məlumata görə, şirkət tərəfindən 14 min ABŞ dolları məbləğində vəsait bank vasitəsilə 2024-cü ildə avans olaraq ölkə xaricinə köçürülüb.
“Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları”nın 4.3.1.3-cü yarımbəndinin tələblərinə baxmayaraq, ödənişin aparıldığı gündən 2 il müddətində həmin vəsait hesabına alınan mallar ölkəyə idxal edilməyib və ya həmin məbləğdə valyuta vəsaiti geri qaytarılmayıb.
Nəsimi Rayon Məhkəməsinin qərarı ilə MMC barəsində inzibati xətanın bilavasitə obyekti olmuş məbləğin iyirmi faizi miqdarında, yəni 2800 ABŞ dolları cərimə edilib.
Bundan başqa, “Hacı Mirzəlioğlu” MMC-nin daha bir valyuta qaydalarının pozuntusuna görə cərimə olunması barədə qərar verilib.
MMC tərifindən 6 min ABŞ dolları məbləğində vəsaiti bank vasitəsi ilə 2024-cü ildə avans olaraq ölkə xaricinə köçürüb.
Lakin ödənişin aparıldığı gündən 2 il müddətində həmin məbləğdə vəsait hesabına alınan mallar ölkəyə idxal edilməyib və ya həmin məbləğdə valyuta vəsaiti geri qaytarılmayıb.
Nəsimi Rayon Məhkəməsinin qərarı ilə MMC barəsində inzibati xətanın bilavasitə obyekti olmuş məbləğin iyirmi faizi miqdarında, yəni 1200 ABŞ dolları cərimə edilib.
Qeyd edək ki, 2021-ci ildən fəaliyyət göstərən “Hacı Mirzəlioğlu” şirkətinin rəhbəri Cəfərov Elman Mirzəli oğludur.
