KTN ŞEFİNİN BAŞ ÜZƏRİNDƏ QARA BULUDLAR
DİA.AZ: - Keçən həftə, məlum olduğu kimi, Azərbaycanın Kənd Təsərrüfatı Nazirliyində kənd təsərrüfatı naziri İsmət Abasovun rəhbərliyi ilə kənd təsərrüfatı məhsullarının istehsalçısı olan hüquqi və fiziki şəxslərə hər hektar əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına 40 manat yardım verilməsi, habelə “Aqrolizinq” ASC və digər hüquqi və fiziki şəxslər tərəfindən istehsalçılara satılan mineral gübrələrin dəyərinin orta hesabla 50%-nin dövlət tərəfindən ödənilməsinin təmin edilməsi üzrə Respublika Komissiyasının növbəti iclası keçirildi. Bildirək ki, bu toplantının keçirilmə nədəni rəsmi şəkildə göstəriləndən tamam fərqli idi ki, bunu İsmət Abbasovun yanına çağrılan heyətin tərkibindən də görmək mümkün idi.
Nazirlikdən verilən rəsmi xəbərdə deyilirdi ki, komissiya 6 satıcı təşkilat, o cümlədən, “Aqrolizinq” ASC, “Aqrokimya” MMC, “Mikro Az Feed” MMC, "Aqrolayn Qrup" MMC, "Sərxan 2" MMC və “Aqro Kompleks Qəbələ” MMC üzrə Azərbaycan Respublikası Nazirlər Kabinetinin 15 fevral 2007-ci il tarixli qərarı ilə təsdiq olunmuş В«AqrolizinqВ» ASC və digər hüquqi və fiziki şəxslər tərəfindən kənd təsərrüfatı məhsullarının istehsalçılarına mineral gübrələrin güzəştlə satılması QaydalarıВ»nın 1.2, 2.3 və 2.8 maddələrinə və В«Azərbaycan Respublikası Nazirlər Kabinetinin bəzi qərarlarına əlavələr və dəyişikliklər edilməsi barədəВ» Nazirlər Kabinetinin 13 iyun 2008-ci il tarixli 135 nömrəli qərarının 2.1, 2.3 və 5-ci maddələrinə uyğun olaraq 8263 nəfər istehsalçıya 73429,51 hektara görə 50 faiz güzəştlə satılmış 14708,79 ton mineral gübrə üçün 3 mln. 343 min manat dövlət büdcəsi vəsaitinin onların hesabına ödənilməsi məqsədilə müvafiq sənədlər Maliyyə Nazirliyinə təqdim edilib.
Xatırladaq ki, toplantı keçirilən gün portalımız tərəfindən İsmət Abbasovun "Aqrolizinq" xətti ilə milyonlarla manat dövlət vəsaitini mənimsəməsi haqda məlumatlar yayıldı. Və elə bu səbəbdən də İsmət Abbasovun toplantısının təsadüfi şəkildə ortaya çıxmadığı məlum olur. Gələn məlumatlardan da belə bir təəssürat yaranmaqdadır. DİA.AZ-ın əldə etdiyi informasiyalarda deyilir ki, KTN şefindən bu barədə artıq soruşulub və o da öz növbəsində toplantı çağıraraq müvafiq sənədləri Maliyyə Nazirliyinə təqdim edib.
Xatırladaq ki, "2009-2013-cü illərdə regionların sosial-iqtisadi inkişafının sürətləndirilməsinə dair Dövlət Proqramı"nın 4-cü ilinin yekunlarına dair müşavirədə prezident İlham Əliyev xaricdən Azərbaycana gətirilən texnikaların yüksək qiymətə alındığını, bu sahədə şəffaflığa nail olunmadığını söyləmişdi.
"Bəzi hallarda xaricdən lazım olan avadanlıqlar və digər vasitələr yüksək qiymətlə gətirilir. Bu sahədə biz tam şəffaflığı təmin etməliyik", -deyən ölkə rəhbəri bu nöqsanların tezliklə aradan qaldırılması barədə aidiyyəti qurumlara tapşırıq vermişdi. Lakin dövlət başçısının bu dediklərinə əhəmiyyət verməyib özləri üçün sərvət toplayan məmurlar Azərbaycanda kifayyət qədərdir. Belə məmurlardan biri kənd təsərrüfatı naziri İsmət Abbasovun "sağ" əli kimi tanınan, "Aqrolizinq" ASC-nin İdarə Heyətinin sədr müavini Elçin Mirzəyevlə bağlı yaydığımız məlumatlarda bildirilirdi ki, son illər ərzində "Aqrolizinq" ASC-də Elçin Mirzəyev misli-bərabəri olmayan korrupsiya əməliyyatlarına imza atıb. Bu barədə mənbənin redaksiyamıza dediklərindən belə aydın olur ki, Elçin Mirzəyev tək kənd təsərrüfatı məhsullarının istehsalçılarına əkin sahəsinin becərilməsində istifadə edilən yanacaq və mator yağlarından il ərzində dövlətin bu sahəyə ayırdığı milyonlarla vəsaitləri mənimsəyir.
Yada salaq ki, kənd təsərrüfatı məhsullarının istehsalı üçün sərf olunan yanacaq və motor yağlarının dəyərinin orta hesabla 50 faizi dövlət tərəfindən ödənilirməsinin təmin edilməsi üçün dövlət büdcəsindən ayrılması nəzərdə tutulmuş vəsait hesabına istehsalçılara hər hektar əkin sahəsinin və çoxillik əkmələrin becərilməsinə görə (istehsal etdiyi məhsulun növündən asılı olmayaraq) 40 manat məbləğində yardım verilməsi müəyyən edilir. Lakin Elçin Mirzəyevin həmin yardımları su içmək kimi mənimsəyir. Şişirdilmiş rəqəmlər hesabına aparılan hesabatlarda "Aqrolizinq" ASC-nin sədr müavini vəsaitin verilməsi qaydaları və şətlərinə əl gəzdirir. Proses təxminən belə baş verir. İstehsalçıların siyahısını tərtibi zamanı analoqu olmayan rəqəmlər göstərilir. Bundan sonra istehsalçıların becərdikləri hər hektar əkin sahəsinə və çoxillik əkmələrə görə dövlət büdcəsindən ayrılan pullar mənimsənilir. Ümumiyyətlə isə dövlət büdcəsindən hər il kənd təsərrüfatı məhsullarının istehsalı üçün sərf olunan yanacaq və motor yağlarının ödənilməsinin təmin edilməsi üçün 80 milyon manat pul ayrılır. Amma həmin milyonlar təyinatı üzrə xərclənmir.
DİA.AZ bildirir ki, məhz bu faktların ictimailəşməsi İsmət Abbasovu təcili toplantı çağırmağa vadar edib. Redaksiyamıza daxil olan son məlumatlardan isə aydın olur ki, artıq İsmət Abbasov Elçin Mirzəyevlə yollarını ayırmaq qərarına gəlib. Bu barədə ilginc faktları yaxın vaxtlarda diqqətinizə təqdim edəcəyik. Bizi izləyin. Qarşı tərəfi də dinləməyə hazırıq...
