Prezident İlham Əliyev and içmə mərasimində bir daha bəyan etdi ki, korrupsiyaya qarşı mübarizə daha da sərtləşdiriləcək və korrupsiyanın kökü kəsiləcək. Həmçinin Nazirlər Kabinetinin formalaşması zamanı daha çox şikaytlərin daxil olduğu iki nazirliyin rəhbəri postundan uzaqlaşdırıldı. Amma ekspertlər hesab edir ki, kadr təyinatları bundan sonrada davam edəcək və oliqarxlaşan bir sıra məmurlarla vidalaşma olacaq.
Əli Həsənovun görünməyən biznesi
Bunu da qeyd edək ki, bu gün oliqarxlaşan məmurların əksəriyyəti 20 ildən çoxdur ki, ya nazir,ya da komitə sədri postunda çalışıblar. Bunlardan biri də Qaçqınların və Məcburi Köçkünlərin İşi üzrə Dövlət Komitəsinin (“Qaçqınkom”) sədri Əli Həsənovdur. Diqqəti uzun illər cəlb etməyən Əli Həsənov bu gün ölkədə ki, ən zəngin insanlardan biridir. “Unikal”ın apardığı araşdırmalara görə Əli Həsənovun bu gün biznesi uşaq bağçasından tutmuş tikinti sektoruna qədər, ticarət mərkəzlərindən tutmuş turizmə qədər, restoranlar şəbəkəsindən tutmuş, fermer təsərrüfatına qədər bütün sahələri əhatə edir. Öncələr Sumqayıt şəhərində daşınmaz əmlak, ticarət mərkəzlərinə sahiblənən Əli Həsənov yaxın qohumlarını bu şəhərdə müxtəlif vəzifələrə təyin etdirməklə demək olar ki, şəhərin mühüm hissəsinə sahiblənə bildi. Yeri gəlmişkən baş nazirin müavininin bu şəhərdə restoranları, uşaq baxçası və ticarət mərkəzləri də var. Amma gəlin tələsimədən ortada olan faktlara aydınlıq gətirək.
Əli Həsənovun
gəlir mənbələri
Sual oluna bilər ki, Əli Həsənov yüz milyonlarla manat dəyərində sərvəti necə əldə edib? Bu sualın cavabını isə gəlin qaçqın və məcburi köçkünlərə ayrılan vəsaitlərdə və bəzi qaranlıq nüanslarda axtaraq. Və sualı belə qoyaq,qaçqınlar adından milyonlarla manat dövlət büdcəsindən necə çıxarılır? Rəqəmlərə baxaq. Bu yaxınlarda Qaçqın və Məcburi Köçkünlərin İşi üzrə Dövlət Komitəsinin sədri Əli Həsənov bəyan etdi ki, Azərbaycanda 1 milyon yox, 1 milyon 200 min qaçqın və məcburi köçkün var və hər bir qaçqın və məcburi köçkünə 1300 dollar vəsait sərf olunub. Nəticədə il ərzində qaçqın və məcburi köçkünlərin xərcləri ötən il 300 milyon manata başa gəlib. Bu il isə 600 milyon sərf olunur. Son 20 ildə isə 5,4 milyard dollar xərclənib. Bəs reallıqda necə? Aparılan araşdırmalar sübut edir ki, yer üzünün elə bir konflikt nöqtəsi yoxdur ki, qaçqınlara il ərzində bu qədər vəsait xərclənsin. Belə hesab edək ki, neft ölkəsi olduğumuzdan biz çox xərcləmişik. Amma bu gün qaçqın və məcburi köçkünlərin durumuna baxsaq bu rəqəmin üçdə birinin qaçqına sərf olunduğunu görəcəyik. Bundan başqa Hesablama Palatası Qaçqın və Məcburi Köçkünlərin İşləri üzrə Dövlət Komitəsinin 2012-ci ildəki fəaliyyətini təftiş edərkən, bu istiqamətdə böyük mənimsəmə faktları aşkara çıxarıb. Belə ki, 2012-ci ilin hesabatına görə, QMKDK ötən il respublika üzrə 555 min 475 nəfər məcburi köçkün elektrik enerjisi, 352 min 625 nəfə köçkünü təbii qazla, 526 min 510 nəfəri su ilə təzhiz edib.Nəticədə aydın olub ki, 283,2 min manat büdcə “yeyintisi”, 267 min manat isə vergidən yayınma halı aşkarlanıb.Gördüyünüz kimi adi bir yoxlama nəticəsində aydın olur ki, 500 min manatdan çox pul bir əməliyyatla silinərək aradan çıxarılıb. Bununla yanaşı ekspertlər hesab edir ki, reallıqda hər bir qaçqın üçün il ərzində ən çox halda 500 dollar sərf oluna bilər. Belə olan halda məlum olur ki, 300 milyon manatdan çox vəsait yoxa çıxır.
Tender tələs
Amma Dövlət büdcəsindən vəsait tək bu şəkildə yox olmur. Daha maraqlısı həyata keçirilən tenderlərdir ki, burda da tikinti ilə bağlı tenderlər diqqəti daha çox cəlb edir. “Unikal”ın apardığı araşdırmalar göstərir ki, komitənin tikinti ilə bağlı həyata keçirtdiyi tenderlər cəmiyyətdən gizli şəkildə həyata keçirilir və tenderlərin qalibi ya Əli Həsənovun qohumları olur, ya da ona yaxın şirkətlər. Buda bildirilir ki, istənilən tenderin qalibi olan şəxs qeyri-rəsmi şəkildə alacağı pulun 20 faizini geri qaytarır. Bu isə il ərzində bir neçə milyon manat deməkdir.Amma məsələ bununla da bitmir.
Tikilən evlər qaçqınlara necə verilir
“Unikal”ın araşdırmalarına görə əsasən bölgələrdə tikilən mənzillər qaçqınlara heç də havayı, dövlət hesabına verilmir. Belə ki, bir otaqlı evlər üçün tələb olunan rüşvət 3000 manat, otaqların sayı artarsa və ya sahəsi geniş olarsa, bu rəqəm 10 min manata qədər yüksəlir.Və bu elə şəkildə həyata keçirilir ki, kimsənin bunu sübut etməsi mümkünsüzdür. Bunu da qeyd edək ki,
Bütün bu əməliyyatlar Əli Həsənov, doğma qardaşı və Zəngilan Rayon İcra Hakimiyyətinin Başçısı Ramiz Həsənov ,və sədrin yaxın qohumları, “Qaçqınkom”un departament rəhbəri Elman İsmayılovun rəhbərliyi ilə həyata keçirilir.Aparılan araşdırma zamanı aydın olub ki, qaçqınlarla bir başa təması adətən Ramiz Həsənov həyata keçirir və demək olar ki, bu sahədən gələn pullar onun vasitəsi ilə bir mərkəzdə toplanır. Özünün də qaçqın rayonunda icra başçısı olması işlərini asanlaşdırır.
Fermer biznesinin
şaxələri
Əldə etdiyimiz digər məlumata görə Əli Həsənovun dəyər verdiyi biznes sahələrindən biri də fermer təsərrüfatı sahəsidir. Bu gün Əli Həsənov və Elman İsmayılov ikisinin dəyəri milyonlarla ölçülən fermer təsərrüfatlarının yaradılması prosesinə start verdiyini bildirilir. Mənbənin sözlərinə görə, Bakı kəndlərində yaradılan fermer təsərrüfatları öz böyüklüyü və çoxçeşidliyi ilə diqqət çəkir.Bildirilir ki, hər iki dövlət yetkilisi fermer təsərrüfatlarının inkişafı üçün daha çox sovet dönəmindən qalan təsərrüfat obyektləri və torpaqlardan istifadə edir: “Son vaxtlar Bakıətrafı ərazilərdə sovet dönəminə məxsus ferma və torpaqların E.İsmayılov tərəfindən ələ keçirilməsi və tamamilə sökülməsi prosesi müşahidə edilməkdədir. Sovet dövrünə məxsus tövlələri sökən, ərazini qalınlığı yarım metrə çatan hündür beton hasarlarla əhatələyən “Qaçqınkom” yetkilisi keçmiş ferma torpaqlarında müasir tövlələr inşa etdirməkdədir. Artıq tikintisi aparılan bu tövlələrin inşasının yaxın bir neçə ayda başa çatdırılması nəzərdə tutulub. Nazirlik yetkililərinə məxsus məlum fermalardan biri Novxanı kəndinin girəcəyində, yolun sol tərəfində yerləşir ki, burada hər gün onlarla ağır texnikanın işlədiyi müşahidə edilməkdədir. Kənd sakinlərinin sözlərinə görə, tikiləcək fermalarda iribuynuzlu mal-qara ilə yanaşı, müxtəlif quş növləri də yetişdiriləcək.
Tənəkdən gələn milyonlar
Qaçqınların və Məcburi Köçkünlərin İşi üzrə Dövlət Komitəsinin sədri Əli Həsənovun məşğul olduğu biznes sahələrini araşdırdıqca daha maraqlı məqamlarda ortaya çıxır. Hətta heç kəsin ağılına belə gəlməyəcək sahələrdən komitə sədrinin pul qazana bilməsi təccüb yaradır. Sən demə komitə sədri həm də dekorativ ağac biznesinidə manapoliyaya götürübmüş. Bu biznes sahəsi Ə.Həsənova yaxın şəxslərin tam nəzarəti altındadır. Onlar “Qaçqınkom” sədrinin patronajlığı altında çalışır və yaxşıca pul qazanırlar. Bakıda bəzək ağac və kollarının yetişdirilməsi ilə indiyə qədər üç iri şirkət məşğul idisə, indi artıq hər üç şirkət vahid mərkəzə tabedir, yəni bir vaxtlar ayrı-ayrı iş adamları tərəfindən yaradılan və inkişaf etdirilən bu firmaların üçünün də gerçək sahibi eyni adamdır.Şirkətlərin çiçəklənməsində Ə.Həsənovun Ekologiya və Təbii Sərvətlər Nazirliyi rəhbərliyi ilə sıcaq münasibətlərinin də rolu var: “Son vaxtlar bu nazirliyin xətti və təşəbbüsü ilə Bakıda və şəhərətrafı ərazilərdə yaşıllıq zolaqlarının salınması prosesi xeyli sürətlənib. Hər dəfə də on minlərlə ağac və kol bitkisi əkildiyi haqda rəsmi məlumatlar yayılır. Amma onların haradan gətirilib dövlətə satıldığı haqda bir kəlmə də izah verilmir. Heç o ağacların sonrakı aqibəti də bəlli olmur. Təkcə son bir ildə əkilən yüz minlərlə belə bitkinin taleyi ilə maraqlanmaq istəyənlər Bakı-Salyan yolu boyunca Şıxovda, Qobustanda, Ələtdə magistral yolların kənarlarına basdırılan ağacların quruyub kösövə dönmüş budaqlarına baxa bilərlər”.
Qaynağımız bu məqamda daha bir maraqlı detalı vurğuladı: “O ağaclara qulluq etmək üçün əsasən xüsusi adamlar ayrılır. Amma ağaclar baxımsızlıqdan quruyub gedir. Növbəti ildə onların yerinə yeni tinglər əkilir. Bu şübhəli təkrar əkinlərin Əli Həsənovun nəzarət etdiyi söylənilən biznesə nə dərəcədə aidiyyətinin olduğunu bilən isə yoxdur”.
Qeyd edək ki, belə ağac və kol tinglərinin birinin ən ucuzu 50 manatdır. Dövlət büdcəsinin belinə biri 70-80 manata minən yaşıl bərbəzək də var.
İlk tüstü çıxd
Bunu da qeyd edək ki, uzun illər bu komitədə nələrin baş verdiyini sadəcə olaraq müəyyənləşdirmək çox çətin idi. Çünki Əli Həsənov komitə sədri olmaqla yanaşı, qaçqınlar sahəsinə həm də nəzarət etməli olan baş nazirin müavinidir. Yəni Nazirlər Kabinetində Əli Həsənovun fəaliyyətini yoxlamaq üçün, elə Əli Həsənovun özü yoxlamaya başlamalıdır. Bu isə bir daha sübut edir ki, bir sıra biznes sahələrində monopoliya yaradan Əli Həsənov elə qaçqınlarla bağlı sahəni də tam olaraq monopoliyaya götürüb. Amma bu yaxınlarda baş verən olaylar maxenasiya kartlarını ortaya çıxartdı. Belə ki, bu ilin mayında “Qaçqınkom”un nəzdindəki Məcburi Köçkünlərin Sosial İnkişaf Fondunun direktoru vəzifəsində çalışan Ayaz Orucovla Əli Həsənov arasında münaqişə olub və Ə.Həsənov deputatı iclasdaca işdən azad edib. Səbəb A.Orucovun rəhbərlik etdiyi fond tərəfindən həyata keçirilən tikinti layihələrində ciddi korrupsiyaya yol verilməsi olsada bu gizlədilib. Əslində isə aydın olub ki, A.Orucov prezident İlham Əliyevin qəzəbinə gəlib. Belə ki, prezident ötən ilin sonlarında Müşfiqabad yaxınlığında qaçqınlar üçün tikilmiş yaşayış binalarının açılışında iştirak edən zaman tikintinin yarıtmaz aparıldığının şahidi olub. Dövlət başçısı cavabdeh məmurlardan hesabat tələb edib. Əli Həsənov isə tikintiyə baş nazir Artur Rəsizadəyə yaxın şəxs olan deputat Ayaz Orucovun məsuliyyət daşıdığını bildirib.Mənbə bildirir ki, prezident baş nazirə bununla bağlı ciddi iradını bildirib. Daha sonra Ayaz Orucovun tikdirdiyi digər yaşayış binalarında da oxşar vəziyyətin hökm sürdüyü, tikintidə və mənzillərin təmirində ucuz materiallardan istifadə olunduğu, smeta sənədlərində isə qiymətlərin şişirdildiyi məlum olub. ”Unikal”ın araşdırmasına görə əslində Ayaz Orucovla Əli Həsənov illər boyu tikinti biznesində şərikli işləyiblər və vəziyyət mürəkkəbləşəndə sadəcə olaraq deputatı qurban verib. Gəlin tikinti sektorundan milyonların qazanılmasını sübut edən məqamlara baxaq. Belə ki, məlum olub ki, Bakıda Heydər Əliyev prospektinə alternativ yeni yolun çəkilməsi layihəsi çərçivəsində sökülən tikililərin arasında deputatın da obyektləri var.Ayaz Orucovun metronun “Koroğlu” stansiyasının ətrafında yerləşən obyektdə “Hidromaşservis” şirkəti, “İndesit” soyuducularının distribütor mərkəzi və “Espanyol mebel” salonu var. Bundan başqa aydın olub ki, onun biznes şəbəkəsinə Beyləqan rayonunda və Bakı ətrafında çoxsaylı restoranlar, mağazalar, mebel sexləri və s. daxildir. İtaliya markası olan “İndesit” soyudcularının Azərbaycandakı distribütorluğunu da deputatın şirkəti həyata keçirir. Həmçinin onun biznesinə digər məişət avadanlıqlarının ixracı və satışı daxildir.İndi isə təsəvvür edin, adi bir mərkəz rəhəbərinin bu qədər sərvəti varsa,komitə sədrinin nələri ola bilər? Çox maraqlıdır ki, Əli Həsənov həm də qohumcanlığı ilə ad çıxarıb. Bildirilir ki, komitə sədrinin ən vacib işlərindən biri də budur ki, qohumlarını ən müxtəlif sahələrdə işlərə cəlb edir. Komitədə onlarla qohumu, qardaşı icra başçısı olan Əli Həsənov elə onların vasitəsi ilə də biznes şəbəkəsini inkişaf etdirir. Bu gün komitə sədrinin Rusiyada, Türkiyədə, Yunanıstanda və Şərqi Avropada milyonlarla manat dəyərində biznesinin olduğu bildirilir
Əli Həsənovun
siyasi gedişləri
Əli Həsənovun biznes şəbəkəsi ilə yanaşı siyasi gedişləri də hər zaman maraqla izlənilir. Belə ki, daima pusqu mövqeyində olan Əli Həsənov məqamı çatanda hucuma da keçə bilir. Bir müddət öncə Əli Həsənovun biznesi ilə bağlı mətbuata informasiya sızdı və aydın oldu ki, bu işdə onun rəqiblərinin əli var. Hətta buda söylənildi ki, Əli Həsənov bu əməllərinə görə postundan uzaqlaşdırılacaq. Amma nələr baş verdi? Əli Həsənov gözlənilmədən mətbuat konfransı keçirtdi və bəyan etdi ki, narkotiklə məşğul olan gənclərin bir hissəsi məmur balalarıdır. Əslində Əli Həsənov bununla rəqiblərinə xəbərdarlıq edirdi və bu baş tutdu. Qeyd edək ki, hazırda Əli Həsənov baş nazirlik postuna ən iddialı şəxs kimi tanınır. Hələ Nazirlər Kabineti formalaşmamışdan öncədə o baş nazirlik uğrunda savaşa başlamışdı və bütün gücünü səfərbər edərək rəqiblərinə ağır zərbə vurmuşdu. Amma istəyinə nail ola bilmədi. Ekspertlər hesab edir ki, onu baş nazirlik postundan ayıran tək səbəb adının korrupsiya hallarında hallanmasıdır. Belə ki, deputat Ayaz Orucov çıxılmaz duruma düşən zaman lazımi orqanlara Əli Həsənovla bağlı kompromatlar ötürüb. Bu isə Əli Həsənovun durumunu ağırlaşdırıb
“Unikal”ın Araşdırma Qrupu
