Əmək və Əhalinin Sosial Müdafiəsi Nazirliyinin (ƏƏSMN) Bərdə rayon Əhalinin Sosial Müdafiəsi Mərkəzində (ƏSMM) özbaşınalıq halları, vətəndaşlara qarşı olunan haqsızlıqlar səngimək bilmir. Gundelik-baku.com xatırladır ki, bir müddət əvvəl Bərdə rayonu Mustafaağalı kəndində yaşayan şəhid anası Muradova Əsli Həmid qızı üzləşdiyi problemlə bağlı Azərbaycan Respublikasının prezidenti İlham Əliyevə müraciət ünvanlamış, mərkəzin direktoru Raquf Məmtiyevin qanuna sığmayan əməllərindən şikayətini dilə gətirmişdi: В«Mən həyat yoldaşımı erkən itirmişəm və öz halal zəhmətimlə 9 uşaq böyütmüşəm. Lakin həyatda heç nə məni övladımı itirməyim və uğrunda şəhid olduğu vətənində məmurların ona qarşı heç bir qanuna, etikaya sığmayan hərəkətləri qədər yaralamayıb. Bu münasibət məni həyatımdan belə küsdürüb. Amma qərara gəlmişəm ki, son nəfəsimə qədər şəhid balamın haqqını yeyənlərə qarşı mübarizə aparım. 1995-ci ilin 27 dekabrında oğlum Mübariz Muradovun əsgərlikdən cənazəsini üstümə gətirdilər. Hərbi hissənin zabit heyəti, rayon icra hakimiyyətinin səlahiyyətli nümayəndələri, “oğlunuz şəhiddir”, deyə mənə təskinlik verdilər. O, günlərdə tək təsəllim oğlumun məhz şəhidlik zirvəsinə yüksəlməsi idi. Hərbi hissənin verdiyi arayışda da oğlumun Azərbaycanın ərazi bütövlüyü uğrunda həlak olduğu göstərilmişdi. Amma Bərdə rayon ƏSMM mənim yaramın üstünə duz tökdü, balamın şəhid adını şübhə altına aldı. Əlbəttə nə şəhid adı, nə hansısa fəxri ad, nə milli qəhrəman statusu, nə də hər hansı imtiyaz, vəsait mənim balamı geri gətirmək qüdrətində deyil. Əgər verə bilirlərsə, balamı geri versinlər. Çünki məndən ötrü dünyada balamdan qiymətli heç nə yoxdur. Əgər balamı geri verə bilmirlərsə, heç olmasa onun ruhunu incitməsinlər, onun anasının, doğmalarının heysiyyatı ilə oynamasınlar. Oğlum Murovdağda ön mövqedə xidmətə cəlb olunub. Ölümündən sonra da hərbi hissənin komandiri şəraiti, vəziyyəti əks etdirən arayış verib. Ölümün səbəbi barədə çox aydın şəkildə yazılıbki, Azərbaycanın ərazi bütövlüyü uğrunda Murovdağ bölgəsində xidməti borcunu yerinə yetirərkən həlak olub. 2007-ci ilin yanvarından dekabrına qədər hər ay 100 manat olmaqla prezident təqaüdü almışam. 2008–ci ildən isə Dövlət Sosial Təminat Xidmətinin Bərdə rayon Əhalinin Sosial Müdafiəsi Mərkəzindən mənə bu vəsaitin dayandırıldığı bildirilib. Prezident təqaüdünün verilməsi üçün Hərbi Komissarlıqdan şəhid statusu barədə arayış tələb ediblər.Hərbi Komissarlığa müraciət etsəmdə, Komissarlıq Hərbi hissənin arayışında “ölümün səbəbi barədə aydın yazılmadığını”bəhanə gətirərəkoğlumun şəhid olmasını təsdiq edən arayışı verməkdən imtina edib. Hərbi Komissarlıq oğluma şəhid statusunun verilməsi üçün bizə məhkəməyə müraciət etməyi məsləhət görübВ». Şəhid anası bildirir ki, 2015-ci ilin iyun ayında Bərdə rayon ƏSMM-də mənim adımdan 2008-ci ildən üzü bəri bütün təqaüdlər alınıb. Şəhid anasına dayandırılan vəsaitin kim tərəfindən alındığını aydınlaşdırmaq məqsədilə Bərdə rayon ƏSMM-in direktoru Raquf Məmtiyevə ərizə ilə müraciət olunub. Bu əsasla Bərdə RPŞ-nin müstəntiqi A.Mehdiyevin apardığı təhqiqat işi, cinayət əməli kimi qiymətləndirməyərək rədd edilib. Əldə etdiyimiz məlumatlara görə, Raquf Məmtiyevə Bərdə rayon icra başçısı Vidadi İsayevə arxalanaraq rəhbərlik etdiyi mərkəzi uçuruma sürükləyir: В«Hazırda Bərdə rayonunda 2159 nəfər vətəndaş ünvanlı sosial yardım alır. Hər il Əmək və Əhalinin Sosial Müdafiəsi Nazirliyi rayonda sosial yardım alanların siyahısını azaldır. Bunun səbəbi isə bir çox vətəndaşlara qanunsuz olaraq yardımın verilməsidir. Raquf Məmtiyev artıq bir ildən çoxdur ki, Bərdə rayon Əhalinin Sosial Müdafiəsi Mərkəzinə rəhbərlik edir. Bu müddətdə Bərdə ƏSMM-də bir neçə dəfə qanusuzluq aşkarlansa da, sonda bu məsələlər hansısa gücün və maliyyənin hesabına ört basdır edilib. Raquf Məmtiyev bundan əvvəl mərkəzdə adi işçi, sonra Bərdə və Ağdaş DSMF şöbələrinin müdiri işləyib. Hər iki rayonda işlədiyi DSMF müdiri vəzifəsində isə Raquf Məmtiyevin çoxsaylı qanunsuzluqları və korrupsiya əməllərinin olduğu deyilir. Ancaq buna baxmayaraq Raquf Məmtiyev yenə də öz vəzifələrini və korrupsiya ampulasını sürdürməkdə davam edir. Dövlət Sosial Təminat Xidmətinin rəhbərliyində direktorun havadarlarının olduğu idda edilir. Hətta bir aydan bir mərkəz direktorunun bu "himayədara" böyük bazarlıq göndərdiyi və tez-tez Bakı şəhərinə yanına getdiyi deyilir. Bərdə ƏSMM-də ünvanlı sosial yardım almaq əsl problemə çevrilib. Vətəndaşlar yardım ala bilmək üçün mütləq direktorla birbaşa В«əlaqəВ» yaratmalı, onunla В«hal-əhvalВ» tutmalıdır. Əks təqdirdə, onların sənədinə baxılmır və aylarla süründürməçiliyə məruz qalırlarВ». Başqa bir məlumatda isə bildirilir ki, Raquf Məmtiyevin ƏSMM-də törətdiyi özbaşınalıqlardan Dövlət Sosial Təminat Xidmətinin rəisi Çingiz Əliyevin xəbəri olsa da, onunla bağlı heç bir tədbir görmək istəmir. Maraqlıdır, görəsən niyə? Onu da qeyd edək ki, Bərdə ƏSMM-də hökm sürən neqativ hallarla bağlı redaksiyamıza gələn şikayət məktublarının ardı-arası kəsilmək bilmir. Növbəti yazımızda məhz həmin şikayətlərdən birini diqqətinizə çatdıracağıq. Qarşı tərəfin də cavab haqqını tanıyırıq.
