Azərbaycan Respublikasının Prezidenti İlham Əliyev cənablarının 21 may 2020-ci il tarixdə imzaladığı Sərəncam əsasında, Elçin Adil oğlu Rzayev İmişli Rayon İcra Hakimiyyətinin başçısı təyin olunur. Qeyd edək ki, o, belə bir təyinatına qədər bir sıra dövlət vəzifələrində, o cümlədən Əmlak Məsələləri Dövlət Komitəsində dövlət müəssisələri və əmlakın idarə edilməsi şöbəsinin müdiri vəzifəsində də çalışır. Yəni onu qeyd etmək istəyirik ki, Elçin Rzayev icra başçısı vəzifəsinə təyin olunana qədər bir çox vəzifələri daşıdığından o, müəyyən idarəçilik təcrübəsinə malik olan şəxs olur. Bütün bunlara baxmayaraq ortaya belə bir sual çıxır ki, görəsən İmişli RİH-nin başçısı bu gün ölkə rəhbərinin etimadını doğruldurmu? Əsla yox! Çünki, ümumi müşahidələrimizdən, media üzərindən apardığımız bir çox araşdırmalardan, rayon ərazisində dolaşan söz-söhbətlərdən və s. bəlli olur ki, hal-hazırda bu şəxs sahib olduğu potensialını, yalnız və yalnız şəxsi məqsədlərinin həllinə yönəltməklə məşğul olur. Bir xatırlamanı yada salaq ki, Elçin Rzayev icra başçısı vəzifəsinə təyin olunarkən onu ölkə rəhbəri qəbul etdi və bu şəxsə lazımi tapşırıqlarını da verdi. Düzdür, təyinatının ilk aylarında ona qarşı hər kəsdə müəyyən qədər inam hissi formalaşmışdırsa, vaxt keçdikcə isə Elçin Rzayevin idarəçiliyi “çat verməyə” başladı. Bu da onu sübut edir ki, geniş ictimaiyyət qarşısında ölkə rəhbərinin Elçin Rzayevə verdiyi tapşırıqlar artıq öz əhəmiyyətini itirməkdədir. Çünki, bu şəxsdə sanki bir məsuliyyətsizlik, sadə sakinlərə qarşı “yuxarıdan aşağı” baxmaq yanaşması var. Bir həqiqəti də qeyd edək ki, İmişli RİH-nin başçısı ilk aylarda özünü ictimaiyyətə işgüzar vəzifə sahibi deyə təqdim etsə də, aylar keçdikcə bu şəxsin niyyəti tam əksəriyyətə bəlli oldu.
Adicə bir halın varlığına diqqət yetirək ki, İmişli RİH Aparatının sturuktur cədvəlində, İmişli rayРѕn İcra Hakimiyyətinin başçısı Rzayev Elçin Adil oğlu; RİH başçısının birinci müavini; Başçının müavini, SРѕsial-iqtisadi inkişafın təhlili və proqnozlaşdırılması şöbəsinin müdiri; Başçının müavini, İctimai-siyasi və humanitar məsələlər şöbəsinin müdiri sözlərindən başqa heç bir məlumat, hansısa telefon nömrəsi yoxdur. O halda sual oluna bilər ki, görəsən bu nə qapalılıqdır, bu necə idarəçilikdir? Çünki, bu cür idarəçiliyin mahiyyətini hələ də başa düşmək olmur?. Diqqət yetirək ki, Elçin Rzayev İmişli RİH-nin başçısı vəzifəsinin icraasına başladıqdan az sonra, doğma qardaşı Şamil Rzayevi özünə köməkçi, bacısı oğlu Hafizi isə sürücü vəzifəsinə təyin edir. Düzdür, bu gün köməkçi vəzifəsini Vəliyev Vüqar Telman oğlu adlı şəxs daşısa da, əldə etdiyimiz bəzi məlumatlara görə Şamil Rzayev, yenə də qeyri-qanuni şəkildə köməkçi vəzifəsini yerinə yetirməklə məşğul olur. Deməli, RİH-nin başçısı icra hakimiyyətini “ailə hakimiyyəti”nə çevirib. Dolaşan söz-söhbətlərə görə, Elçin Rzayevin qardaşı Şamil Rzayev, İmişlidə müstəsna səlahiyyətə malik olan “toxunulmaz şəxs” hesab olunur. Belə bir səbəbdən də o, yerli sakinlərə qan uddurur, hətta vəzifə səlahiyyətlərini aşmaqla minbir maxinasiyalarla da məşğul olur. Bu kimi səbəblər üzündəndir ki, yeni icra başçısı həbsdə olan icra başçısı Vilyam Hacıyevin dünyadan köçənlərinə rəhmət oxutdurur. Bütün bunların kökündə Elçin Rzayevin öz yaxınlarına, qohum-əqrəbalarına, bir sözlə ona bağlı olan hər kəsə daim “yaşıl işıq” yandırmasıdır.
Elçin Rzayevin “qaranlıq əməlləri” heç də bunlarla yekunlaşmır. Məsələn, icra başçısı bir müddət bundan əvvəl Azərbaycan Respublikası CM-nin 178.2.2-ci maddəsi ilə ittiham olunmuş, hal-hazırda ayağında “bilərzik” (elektron nəzarət vasitəsi) gəzdirdiyi bildirilən Səmədov Sahib Mehralı oğlunu, İmişli Kommunal Məssisələr Birliyinə rəhbər təyin edir. Bu cür təyinat, sanki İmişli sakinlərini şoka deyil, birbaşa “şökə salıb”. Buna da əsas səbəb, Elçin Rzayevin verdiyi anormal qərarların varlığıdır. Deməli, RİH-nin başçısını Sahib Səmədovla birləşdirən müəyyən tellər var ki, rayon rəhbərliyi dələduzluq maddəsi ilə cinayət əməli törətmiş şəxsi belə bir strateji vəzifəyə təyin edir. Yəqin ki, belə bir təyinatın verilməsində müəyyən məbləğdə rüşvət amili də başlıca rol oynayıb. Çünki, müəyyən çevrələrdə belə bir söz-söhbətlər də dolaşır ki, Elçin Rzayevin ruhu, başlıca amalı rüşvət faktoru üzərində yoğrulub. Ona görə də o, lazımi məbləğdə qazanc əldə etmək üçün hər cür qərarını verir. Bundan əlavə, RİH-nin başçısı vaxtilə İmişli Rayon Məşğulluq Mərkəzində direktor vəzifəsində çalışmış və korrupsiya əməllərinə qol qoyduğuna görə barəsində cinayət işi açılmış Elxan Rüstəmlini isə, İmişli Şəhər İcra Nümayəndəsinin müavini vəzifəsinə təyin edir. Bütün bunlar çox maraqlı və hər kəs üçün düşündürücü təyinatlar olur ki, hal-hazırda Elçin Rzayevin belə bir addımları tam əksəriyyətdə müəyyən şübhələrin baş qaldırmasına səbəb olur. O halda sual oluna bilər ki, görəsən İmişli RİH-nin başçısı ayrı-ayrı motivlər üzrə cinayət əməlləri törətmiş şəxsləri mühüm vəzifələrə təyin etməkdə məqsədi nədir? Məgər o, bu rayonun ərazisində keçmiş həyatı təmiz olan, iş fəaliyyəti hər kəs tərəfindən qəbul olunan, savadlı, bacarıqlı kadr tapmadımı ki, müxtəlif motivlər üzrə cinayət əməlləri törətmiş şəxsləri mühüm vəzifələrə təyin edir? Deməli, RİH-nin başçısı özünə cinayət əməlləri törətmiş şəxslərdən ibarət komanda formalaşdırır və o, bu yolla rüşvətin, talançılığın tüğyan etməsinə lazımi şərait də yaradır. Axı, ölkə rəhbəri İlham Əliyev cənabları bu şəxsi ona görə icra başçısı vəzifəsinə təyin etdi ki, rayon ərazisində baş alıb gedən korrupsiya əməllərinin, hər cür əyintilərin və s. qarşısı alınsın. Bəs, bu gün İmişlidə nələr baş verir? Baş verənlər o olur ki, Elçin Rzayevin icra başçısı olduğu ilk aylardan İmişlinin ərazisində anarxiya, xaos, hər cür əyintilər əhatəli şəkildə şaxələnməkdədir. Rayon ərazisində mühüm vəzifələrə öz adamlarını yerləşdirən İcra Başçısı, hal-hazırda bu rayonda analoqu olmayan idarəçiliyini həyata keçirməklə məşğul olur. Bu cür idarəçiliyin arxasında yalnız və yalnız daha çox rüşvət əldə etmək, daha çox maddi maraqların təmin olunmasını həyata keçirmək durur. Belə bir səbəblər üzündəndir ki, İmişlidə sosial problemlər aşıb daşır, yerli sakinlərin kütləvi narazılığı “pik nöqtə”yə qalxır.
Elçin Rzayevin yarıtmaz idarəçiliyinin mahiyyətindən, media üzərindən aparığımız müəyyən araşdırmalardan, redaksiyamıza çatdırılan bəzi məlumatlardan və s. bəlli olur ki, İmişli RİH-nin başçısı iş fəaliyyəti ləkəli olan şəxsləri daha çox önə çəkməklə məşğul olur. Məsələn, daxil olan məlumatların birində qeyd olunur ki, xeyli müddət bundan öncə rayonun Hacırüstəmli kənd sakinlərinin vaksinasiya olunmalarını həyata keçirmək üçün, rayondan bu kəndin tibb məntəqəsinə bir nəfər tibb bacısı göndərilir. Ötən ayların birində və iş saatlarından sonra Hacırüstəmli kənd icra nümayəndəliyində müavini vəzifəsini daşımış şəxslə tibb bacısı arasında “məxməri inqilab” baş verir. Elə ki, tibb məntəqəsindəki otaqda baş verən “məxməri inqilab”ın səs-sorağı bütövlükdə kəndə yayılır və sakinlərin tam əksəriyyəti yaşananlardan xəbərdar olurlar, o halda xanım tibb bacısı Hacırüstəmli kəndini birdəfəlik tərk edir və o, bir daha iş başına qayıtmır. Çox keçmir ki, yaşanan olayın varlığı səbəbindən kənd icra nümayəndəsi ilə müavin arasında əməlli-başlıca qarşıdurma yaranır. Hətta, vəziyyət o həddə qədər gəlib çatır ki, icra nümayəndəsi öz müavininə “Səhərdən işə gəlmə” də deyir. Əslində kənd icra nümayəndəsinin müavini olmuş şəxs, məhz daşıdığı vəzifəsinin məsuliyyətini dərk etməli və xalqımıza məxsus əxlaqi dəyərlərimizin qorunub saxlanmasına çalışmalı idi. Buna baxmayaraq o, bu cür iyrənc əməllərə qol qoyur. Diqqəti cəlb edən hal o olur ki, baş verən iyrənc əməllə bağlı İmişli RİH-nin başçısı Elçin Rzayev lazımınca məlumatlı olsa da, o, icra nümayəndəsinin sabiq müavini haqda heç bir tədbir görmür. Düzdür, həmin şəxs atdığı iyrənc addımına görə Hacırüstəmli kənd icra nümayəndəsinin müavini vəzifəsindən uzaqlaşdırılır, amma çox keçmir ki, RİH-nin başçısı həmin şəxsi digər kənd icra nümayəndəliyində daha məsul vəzifəyə təyin edir. Bütün bunlar da onu söyləməyə əsas verir ki, bugünkü rəhbərlik cinayət əməlləri törətmiş, iyrənc işlərə qol qoymuş şəxslərin müxtəlif vəzifələrə təyin olunmasında daha maraqlı görünür.
Bütün bunlardan əlavə, icra başçısı indiyə kimi abadlıq və quruculuq işləri adı altında dövlətdən ayrılan külli miqdarda vəsaitləri də mənimsəyib. Bu şəxsdən soruşmaq lazımdır ki, hansı səbəbdən rayondakı Şəhidlər Xiyabanı sahibkarlardan əldə olunan vəsaitlər hesabına qaydaya salınır? Bəs bu məqsədlər üçün ayrılan vəsaitlər hara “qeybə çəkilir?” Deməli, bütün bunlar onu göstərir ki, icra başçısı Elçin Rzayev möhtərəm Perzidentin etimadını heç də doğrultmur və bu cür addımlar adı çəkilən bu şəxsin niyyət və məqsədlərinin nələrdən ibarət olduğunu ortaya qoyur. Xeberfakt.az-a daxil olan bəzi məlumatlara görə, bu şəxs özünü orda-burda Prezidentin köməkçisiв€’Prezident Administrasiyasının Dövlət nəzarəti məsələləri şöbəsinin müdiri Kərəm Həsənovun yaxın qohumu olaraq təqdim edir və dövriyyəyə bu yöndə bəzi informasiyalar da buraxır. Bir sözlə, Elçin Rzayevin bugünkü idarəçiliyinin sıfıra bərabər olması hər kəsə bəlli olan həqiqətlərdir. Yazıda adı çəkilən hər kəsin mövqeyini dinləyə bilərik.
XEBERFAKT.AZ
P. S. Hörmətli oxucular! Çox yaxın günlərdə İmişli RİH-nin başçısı Elçin Rzayevin qol qoyduğu, hansı ki, hər kəsə şoka salacaq əməlləri haqda hər kəsi məlumatlandırmağa çalışacağıq. Odur ki, bizi izləməyi unutmayın.
