Bakı şəhəri, Nərimanov rayonu, Aşıq Molla Cümə küçəsi, 28 nömrəli binanın sakinləri В«Gold ResidenseВ» MMC-nin qanunsuz fəaliyyəti nəticəsində neçə müddətdir ki, mühasirədə qaldıqlarını bildirirlər. Sakinlər bu problemin həlli üçün Azərbaycan Respublikasının Baş nazirinə, Dövlət Şəhərsalma və Arxitektura Komitəsinin sədrinə, Bakı şəhər və Nərimanov rayon icra hakimiyyətlərinin başçılarına müraciət ediblər.

Reyting.az vasitəsilə müraciət ünvanlayan sakinlərin iddiasına görə, Nərimanov rayonu ərazisində qanunsuz fəaliyyət göstərən В«Gold ResidenseВ» MMC yaşadıqları binanın ərazisini 6 aydan artıqdır qanunsuz zəbt edib, binanın ərazisini hasara alıb, bina sakinlərini mühasirədə saxlayaraq giriş-çıxışa qanunsuz məhdudiyyət qoyub. Bina sakinləri yazırlar ki, bu problemlə bağlı aidiyyəti dövlət orqanlarına ünvanladıqları şikayət ərizələri ilə “ötür-ötür oyunu” oynayırlar, müraciətlərinə cavab vermirlər, sakinləri süründürməçiliyə məruz qoyaraq problemlərini həll etmirlər.

Sakinlər dövlət orqanlarına ünvanladıqları müraciətdə yazırlar ki, В«Gold ResidenseВ» MMC Bakı Şəhər İcra Hakimiyyəti Başçısının 26 yanvar 2024-cü il tarixli 11 nömrəli Sərəncamından sui-istifadə edərək ona 49 il müddətinə ili cəmisi 36386,06 manata icarəyə verilmiş 1,178 ha ərazidən artıq ərazini 2024-cü ilin iyul-avqust aylarında qanunsuz olaraq hasara alıb. Həmin hasarlama işləri aparılarkən, В«Gold ResidenseВ» MMC müvafiq yerquruluşu planında göstərilmiş koordinatlardan kənara çıxaraq ona icarəyə verilmiş ərazidən daha artıq ərazini zəbt edib:

“Bakı Şəhər İcra Hakimiyyətinin 26 yanvar 2024-cü il tarixli Sərəncamında göstərilən Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin 15 sentyabr 2023-cü il tarixli yerquruluşu planından gördüyünüz kimi, Fətəli Xan Xoyski prospekti, 128 nömrəli binadan həmin prospektdə yerləşən В«GloriyaВ» gül dükanınadək olan ərazi, həmçinin Aşıq Molla Cümə küçəsi, 28 nömrəli 9 mərtəbəli binanın Fətəli Xan Xoyski prospektinə tərəf baxın hissəsi MMC-yə icarəyə verilmiş əraziyə daxil deyildir. Lakin, MMC həmin ərazini qanunsuz olaraq hasara alıb. Bununla da yaşadığımız bina sakinlərinin Fətəli Xan Xoyski prospektinə çıxışı qanunsuz olaraq bağlanıb. Nəticədə 4 blokdan ibarət 90 mənzilli binanın 500 nəfərə yaxın sakinin binadan dar yolla bir istiqamətdə çıxışı qalıb”.

Sakinlər yazırlar ki, binanın həyəti də qanunsuz olaraq hasara alındığı üçün bina ilə hasar arasında 3 metr məsafə qalıb, burada da sakinlərə məxsus avtomaşınlar dayandığına görə zərurət yarandıqda əraziyə təcili tibbi yardım və fövqaladə hallar üçün nəzərdə tutulmuş digər nəqliyyat vasitələri daxil ola bilmir:

“Bina sakinləri sanki konsentrasiya düşərgəsində yaşayırlar. Bundan başqa, В«Gold ResidenseВ» MMC-nin işçiləri binanın 4-cü blokunun üstünü qanunsuz olaraq söküb, həmin söküntü işlərini apararkən blokun dəmir qapısını və elektron qurğusunu yararsız hala salıb, blokun bir neçə mərtəbəsinin şüşələrini qırıb, binaya gələn işıq, qaz və kanalizasiya xəttini zədələyib. Binanın həyətində isə sakinlərə məxsus qarajları qanunsuz olaraq söküb, qarajlarda saxlanılan əmlaklarını mənimsəyiblər. Üstəlik, ərazidə əkilmiş 50-yə yaxın ağacı qanunsuz olaraq kəsiblər.

Qanunsuz hasarlama işləri aparılarkən Nərimanov Rayon İcra Hakimiyyətinin Eldəniz, Nadir, Vüsal və digər adlı işçiləri bildiriblər ki, guya yerquruluşu planında göstərilmiş ərazidən artıq ərazi Bakı şəhərində keçirilən COP29 tədbirinə görə hasarlanıb. Dedilər ki, bu ondan ötrü edilir ki, şəhərimizə gələn qonaqlar söküntü işlərini görməsinlər. Lakin COP29 tədbiri artıq 2 aydır ki, başa çatsa da, söküntü ərazisində olan 2 yararsız yataqxana binası sökülüb, amma qanunsuz çəkilmiş hasar yerində qalıb. 6 aydan artaqdır ki, binanın sakinləri zülüm çəkir, yaşlı insanlar, azyaşlı uşaqlar uzun məsafə qət etməlidilər ki, Fətəli Xan Xoyski prospektinə çıxaraq şəhər nəqliyyatından istifadə edə bilsinlər və ya hansısa ünvana piyada hərəkətlərini davam etsinlər”.

Sakinlər bildirirlər ki, yuxarıda qeyd olunanları nəzərə alaraq, В«Gold ResidenseВ» MMC-nin ona Bakı Şəhər İcra Hakimiyyəti Başçısının 26 yanvar 2024-cü il tarixli 11 nömrəli Sərəncamı ilə icarəyə verilmiş ərazidə yol verdiyi qanunsuzluqlara son qoyulsun: “İstəyirik ki, Aşıq Molla Cümə küçəsi, 28 nömrəli 9 mərtəbəli binanın Fətəli Xan Xoyski prospektinə çıxışı təcili olaraq açılsın, həmin yerə və В«GloriyaВ» gül dükanınadək qanunsuz çəkilmiş hasar sökülsün, həmçinin binanın yararsız hala saldıqları 4-cü blokunun dəmir qapısının və onun elektron sisteminin, blokun pencərələrinin, zədələdikləri kanalizasiya xətdinin bərpa edilməsinə dair müvafiq göstəriş verilsin”.

Reyting.az