"Məlumat üçün bildirim ki, SOCAR prezidentinin 19 avqust 2022-ci il tarixli daxili əmr əsasında mühəndislərə və ondan yuxarı sex və xidmət rəisləri, idarə rəhbərləri, onların müavinlərinə, yuxarı təşkilatlarda işləyən bütün mühəndislərə və rəhbər şəxslərə aylıq maaşdan əlavə olaraq maaşlarının 100, 90 və 80 faiz həcmində əlavə ödənişlərin edilməsi qərara alınmışdır..." "DİA-AZ" xəbər verir ki, bu sözlər "Siyəzənneft" NQÇİ-nin işçisi Əliyev
Zamiq Qüdrət oğlu tərəfindən ölkə rəhbərliyinə ünvanlanmış müraciətdə yer alıb.
Müraciətdə daha sonra deyilir: "Bu qərar əlavə ödənişin verilməsi nəzərdə tutulmayan bəzi mühəndis və əsasən fəhlələr arasında ciddi və haqlı narazılıqlara səbəb olmuşdur. Əsas istehsalat işlərini həyata keçirən, təhlükəli şəraitdə çalışan, isti-soyuq, yağış-qar demədən fədakarcasına işləyən fəhlələr bu siyasəti alçaldıcı addım kimi qəbul edirlər. "Əməyinə dəyər verilməyən" fəhlələr qala-qala, heç bir xüsusi müstəsana xidmətləri olmayan, istehsalatdan anlayışı belə olmayan həmçinin SOCAR-a heç bir faydası toxunmayanla yüksək əlavə ödənişlərin verilməsi SOCAR-ın əvvəlki fəaliyyət dövrlərində görülməmiş diskirminasiya ayrıseçkilik hesab edilir.
Bu hal Azərbaycan Respublikası Əmək Məcəlləsinin 16 -cı maddəsinin kobud şəkildə pozulması işçi heyyəti arasında uçurum yaratması, aşağı təbəqədən olan mühəndis və fəhlələrin yuxarı rəhbər şəxlərə qarşı mənfi duyğulara sahib olmasına, nəticə də istehsalat intizamının pozulmasına motivasiyanın düşməsinə səbəb olacaq.
Uzun illərdir əmək haqqının artırılmaması onsuzda fəhlə heyyətini dərin iqtisadi böhrana sürükləmişdi hazırkı yuxarı təbəqənin əlavə artımları da işçilərdə dərin psixoloji sarsıntı yartmış və ümüdsizliyin böyüməsinə səbəb olmuşdur.
Qeyd edim ki Azərbaycan Respublikası Konstitusiyasının 16 -maddəsinə əsasən “Azərbaycan dövləti xalqın və vətəndaşın rifahının və həyat səviyyəisnin yüksəldilməsinin qayğısına qalır.”
Hazırkı vəziyyət heçdə bunu göstərmir verilən qanunsuz qərar Azərbaycan vətəndaşı olan fəhlə və aşağı mühəndis heyyətinin həyat və rifah səviyyəsinin günü gündən pisləşməsinə maddi sosial böhranın dərinləşməsinə xidmət edir.
Burda bir nüansı qeyd etmək istəyirəm: məsələ ilə əlaqəsi olduğu üçün... Bildiyimiz kimi Hindistanda KAST sistemi var. Həmin sistemdə əsasən 4 təbəqə var və bunların ən aşağısı Şudra təbəqəsdir bunlar işçi, nökər, fəhlə heyətini təmsil edir ki, bu da yuxarı təbəqədən olanlara xidmət etməyi, onların qulu, köləsi olmağı özündə ehtiva edir.
Demək istədiyim odur ki, hazırda neft sahəsində KAST sistemi mövcuddur və fəhlə və aşağı təbəqədən olan mühəndis heyyəti yuxarıda oturanların köləsi nökəri hesab olunur. Bu hal Azərbaycan Respublikası Konstitusiyasının Hüquqi dövlət olma prinsipinə ziddir və hüquq bərabərliyinin kobud şəkildə pozulması dövlətin imicinə ciddi zərbə vurulmasıdır.
Sonda qeyd olunanları əsas alıb Sizdən xahiş edirəm ki, uzun illər əmək haqqı artmayan əlavə ödəniş almayan fəhlələr və aşağı dərəcəli mühəndis heyyətinə qarrşı əlavə ödənişlərdə ayrı-seçkiliyə son qoyulsun. Əmək şəraitinin ağırlığı nəzərə alınaraq ödənişlər ədalətli şəkildə bütün işçilərə tətbiq edilsin. SOCAR rəhbərliyi işçilərin hüquqlarını qorumaq üçün təcili tədbirlər görsün..."
