"İndi mənə SOCAR ın bu əmrində qeyd edilən başlıq maraqlıdır.Başlıqda qeyd edilir ki güya edilən artım "Əmək fəaliyyətində fərqlənənməyə görədir".." "DİA-AZ" xəbər verir ki, bunu özünün etiraz dolu müraciətində SOCAR işçisi Zamiq Əliyev qeyd edərək, əlaqədar qurum və şəxslərə haqlı suallarını da ünvanlayır.
SOCAR "Siyəzənneft" NQÇİ-nin işçisi daha sonra bildirir: "Misal üçün, "Siyəzənneft" NQÇİ-nin Baş mühəndisi indiyənə qədər hansı əmək fəaliyyətinə görə fəqlənib.İdarədən bir nəfər işçi yazsın bura mən də bilim yuxarı instansiya da bilsin.
Yenə idarənin Baş mühasibi hansı əmək fəaliyyətinə görə fərqlənib və həmçinin onun neft sahəsi ilə nə əlaqəsi var ki onun üçün bu qədər yüksək faizlə artım etmisiniz?
SOCAR-İnformasiya Texnologiyaları və Rabitə İdarəsi 500 - 600 manat alan işçini xərcləri azalmata adı altında ixtisar edir ancaq neft sahəsində heçbir müstəsna xidməti olmayanları yüxsək faizli artımla mükafatlandırır.Bu başqasının fəlakəti üzərində öz səadətini inşa etməkdir və bu belə getməyəcək. Allah bunu cavbsız qoymayacaq.Həyat yoldaşı olmayıb evin yükünü təkbaşına çiynində daşıyan işçi xanımların ahı sizi tutacaq, inşallah..."
