SOCAR "Azəriqaz" İstehsalat Birliyindəkə rəhbər və sıravi işçilər arasındakı kəskin maaş fərqliliyi ciddi müzakirələrə nədən olub. "DİA-AZ" xəbər verir kİ, Neftçilərin Hüquqlarının Müdafiəsi Təşkilatının (NHMT) sosial şəbəkə hesabında Zamir Abasxanlı adlı "Azəriqaz" işçisi isə kokret təkliflə çıxış edib.
Onun açıqlamasını təqdim edirik:
"Nəzarətçilərin maaşı 1500 manat olmalıdır... ən azı indiki vəziyyətdə. Çünki "Azəriqaz"ın 80 faiz işini nəzarətçilər görür. Amma 1500 manatı havayı yeyənlər alır... heç bir iş görməyənlər. Nəzarətçilər ayda bir dəfə sayğac sərfiyyatı götürur, ən azı 1000 abonent... hər 3 aydan bir smart daxil olmaqla ən azı 1200 ahonentin sayğacına baxış keçirir (1 sayğac ən azı 2 dəqiqə vaxt aparır və sayğac sahibinin yanında baxılmalıdır). Hər ay Proqrama gələn ən azı 80 abonentin ya qaz təminatını dayandırır, ya da tam ödəniş etdirir. Kimsə ad dəyismə edirsə, invertar aktı həmin mənzildə nəzarətçi gedib yazır...
Aşağı təzyiqli xəttlərdəki sızmalara proqrama gəlir, nəzarətci gedib aradan qaldırır. Bundan əlavə hər ay qoyulan planı nəzarətçi yığır. Hər ay ən azı 20 növbəti dövlət yoxlama müddətı çatmış saygac əvəz edir, üstəgəl də qazı buraxmayan və ya qaz sərfin qeyd etməyən sayğacları da nəzarətçi dəyisir. Bundan əlavə işlərdə proqrama əlavə oluna-oluna gedir. Amma bütün bu işləri görən nəzarətçilər maksimum 700 manat alır, elə ay olur iş günü az olur 500 manat alır..."
