"ONUN ATASI, ANASI, BACISI"...
Azərbaycanın müasir şou biznesində qəribə məntiq formalaşıb: “Oxuya bilmirsənsə, oynamalısan. Oynaya bilmirsənsə, çalmalısan. Çala bilmirsənsə, danışmalısan. Danışa bilmirsənsə, sponsor tapmalısan. Onu da bacarmırsansa, deməli, sən şou-biznesdə ola bilmərsən, özünü incəsənətdə sınamalısan”.
Milli şou biznesin bu və digər fəsadlarını qonağım Aslan Hüseynovla birlikdə müzakirə edəcəyəm.
- Özünüz haqqında məlumat verərdiniz?
- Mən Qazaxıstanda doğulub, boya-başa çatmışam. Yaşımı deməyəcəm. Əslim Qərbi Azərbaycanın Nüvədi kəndindəndi. Ailədə iki bacı, iki qardaşıq. VII sinifdə oxuyandan bu sənətdəyəm. Bu sənətdə ilk müəllimim Qırğızıstanda Nayman Olqa Aleksandrova olub. Azərbaycanda mahnıları mənə öyrədən Gülbahar müəllimə olub. Ailəliyəm, bir oğlum, bir qızım var.
- Necə oldu ki, bu sənəti seçdiniz?
- Bizim nəsil 37-ci ilin repressiya qurbanlarından olub. Kimisi ölüb, kimisi sürgün edilib. Hərə bir yerə səpələnib. Mənim də arzum idi Azərbaycanda yaşamaq. Öz millətimi, Vətənimi həddindən artıq çox sevirəm. Sevinirəm ki, bu gün mənim də adım Azərbaycanın adı ilə çəkilir. Sevindirici haldır ki, mən məhz İlham Əliyevin seçim dövründə Azərbaycana gəldim, bütün təşkil olunan tədbirlərdə çıxış etdim. AzTV-nin, Space-in tədbirlərində də dəfələrlə iştirak etmişəm. Bu sənətə gəlməyimə səbəb Rəşid Behbudova, Zeynəb Xanlarovaya duyduğum maraq olub. Onların vallarına qulaq asa-asa maraq məni daha da bu sənətə bağlandı. VII sinifdə oxuya-oxuya bütün məktəbin tədbirlərində çıxış edirdim. Fəxri diplomlar, qramotalar almışam. Qırğızıstan Dövlət Akademiyasının hüquq fakültəsini bitirmişəm. Məni həmişə böyük qardaşım döyürdü ki, müğənni olmayım. Bizim ailədə, nəsildə hamı dövlət orqanlarında çalışır, qardaşım yol polisində işləyir. Atam da yol polisində işləyib. Nəsildə bir nənəmin gözəl səsi olub. Həm də Azərbaycan mahnılarını oxuyurdu. Bir mən özümü bu sənətdə gördüm, əl çəkmədim.
- Bəs Bakıya ilk gəlişinizdə çətinlikləriniz olmadı ki?
- Şübhəsiz, səhnəyə yeni gələndə müəyyən çətinliklər olur. Sənətdə çoxdan fəaliyyət göstərsəm də, Azərbaycan səhnəsində çətinliklərim çox oldu. Azərbaycana gəlməyimə səbəbkar dostum, Qırğızıstanda tikinti şirkətinin rəhbəri Bərxudar oldu. Mən ona çox minnətdaram. Bütün efirin maliyyə işlərinə o köməklik etdi. Mən ilk dəfə Bakıya gələndə evim, maşınım yox idi, kirayədə qalırdım. Şükür, indi iki evim, bir bağım, maşınım var. Nəticə etibarı ilə ətrafıma geniş tamaşaçı auditoriyası toplaya bildim. Hər bir sənətçinin arzusu öz vətənində işləməkdir. Mən də torpağıma bağlı bir vətəndaş kimi Azərbaycandan ayrı qala bilməzdim. Hətta Azərbaycan dilində danışanda bəzilərinə qəribə gəlirdi. Baxma, nə qədər olmasa, bir də görürsən ki, cümləni tam başa düşməyəndə başqa cür cavab verirəm. İndiki dövrdə heç kimin “mən-mən” deməyə ixtiyarı yoxdu. Azərbaycanda indi bu söz dəbə düşüb. Bir-birinə çıxıb efirlərdə deyirlər ki, sən neyləmisən? Gərək hər elədiyini deyəsən? Bundan sonra demək lazımdır, qoy bilsinlər ki, neyləmisən. Bu yaxınlarda Qırğızıstanın Beynəlxalq Musiqi Akademiyası mənə orden təqdim etdi. Səbəb də o idi ki, Qırğızıstanla Azərbaycan arasında körpü yaratmışam. Fəxri fərmanlar da veriblər. Gərək mən hər şeyi bundan sonra deyim, hamı bilsin.
- Əsas amalınız nədir bu sənətdə?
- İstəyirəm bu sənətdə iz qoyum. Ölənə qədər də hamı mənə məşhur müğənni kimi hörmət qoysun. Mən demirəm sənətkaram. Ad qazanmaq çətindir. İlk dəfə Azərbaycana gələndə hamı üstümə gəlirdi. Eyni sualı verirdilər ki, Azərbaycana niyə gəldin? Hamı da bilirdi ki, oradakı lüks şəraiti qoyub bura gəldim. Bir sözlə, vətənimi nə maşına, nə də evə dəyişmərəm. Mənim üçün önəmli xalqın sevgisidir. Mən də bu sevgidən irəli gələrək vətənə döndüm.
- Sizi hərdən şou proqramlarda görürəm. Sirr deyilsə, nə qədər qonorar alırsınız?
- Bəli, iştirak edirəm. 100 manat alıram.
- Amma həmkarlarınızın dediyinə görə, 50 manat alırsınız.
- (Əsəbi halda) Mən heç vaxt yalan danışmamışam. Bir sözünüzdə həqiqət var. В«Qızıl QayaВ» restoranının rəhbəri dostumdu, ora 50 manata gedirəm. В«NiaqaraВ» restoranında pul üstündə söz-söhbət oldu. 100 manatdan aşağı salırdılar ki, 100 dollar versinlər, mən razı olmadım. Şəxsən İlqar Xəyal 40 manata gedib çıxış edir. Hər ifanın öz qiyməti var. O qədər mənə ucuz qiymətə yalvarırlar ki, bəs gəlin, siz burada olanda çox maraqlı olur. Deyirəm, yox, səviyyəmi aşağı sala bilmərəm. Amma yüksək qonorara gedənlər uzaq başı ayda bir dəfə gedirlər. Xalq, əməkdar artistləri var ki, 50-60 manata gedir. İndi çoxlarının fəxri adı var. Dəxli yoxdu, əgər indiki zəmanədə sevilirsənsə, istər-istəməz sənin ifan üçün alqış gələcək. İstəyirsən xalq artisti ol, çıx ifa elə, istəmirlərsə, alqış da gəlməyəcək. Baxın, Röya niyə sevilir, zal partlayır? Çünki xalq sevir onu, tələbat da var. Xalq artistinə, əməkdar artistə şou proqramlara görə ad verilmir ki, işlərinə görə, getdiyi tədbirlərə görə verilir. İnşAllah, mən də arxayınam ki, fəxri ad verəcəklər.
Kim nə gəldi mənim arxamca danışır. Kimin sözü var, çıxıb üzümə desin. Kimliyindən asılı olmayaraq, mənim haqqımda hansı müğənni pis danışırsa, qələt eləyir. Getsin öz işi ilə məşğul olsun. Çıxırlar, efirlərdə deyirlər ki, iyirmi beş-otuz il sənətdə olmuşam. Nə olsun olmusan? Sovetdən qalan fikirləri bunların beynindən çıxaran yoxdur. В«QanqnamstaylВ» oxuyan PSY kartof satan olub, bir mahnı oxudu, milyonlarla insan tərəfindən sevildi. Özü də birinci öz ölkəsində sevildi. Bir də görürsən elə xalq artistləri var ki, otuz beş il oxudu, öz ölkəsindən başqa heç kim onu tanımadı. Belələrinin başını “flyaşkartla” dəyişmək lazımdır. Çıxıb ağızlarına gələni efirlərdən danışırlar. İyirmi beş ildi sənətdəsən, amma iyirmi beş ildi səni yada salan yoxdur. Amma Aslan Azərbaycana gələn gündən efirlərdən düşmədi. Mənə yaxşı dostlarım dəstək oldular. Mənim iki balam var, onların gələcəyini düşünürəm. Kiməsə əl açan deyiləm. İki Universitet bitirmişəm, bunu hamı bilir. Kim ki deyir mən 50 manata toya gedirəm, onun özü 10 manata gedir.
- Yeri gəlmişkən, toylara neçəyə gedirsiniz?
- Bütün toyu 4500 manata, yarım saatı 600-700 manata. Bəzi müğənnilər kimi yalandan demirəm ki, 15000 manata gedirəm. Sonra da ağzımı açım, oturum evdə. Mənim iki balam, ailəm var. Başqa qazanc yerim də yoxdur. Onları dolandırmalıyam.
- Toylarda başınıza gülməli və ya gülünc hadisələr gəlirmi?
- Ümumiyyətlə, mən restorana girəndə musiqiçilər deyir ki, qaldırıcı kran gəlir. Çünki mən ifa eləyən kimi hamı oynayır, görürəm ləzzət eləyir. Elə müğənnilər var ki, mahnımı istəyəndə paxıllıq etmirəm, verirəm.
- Aslan el şənliklərində məşhur В«Can-canaВ» mahnısını ifa etməkdən çəkinmir ki?
- В«Can-canaВ» mahnısını ayıb bilmirəm. Bir В«SüleymaniВ» musiqisinə qulaq asın. Onda duraq deyək ki, səviyyəsiz musiqidir? Üzeyirə dəstək çıxmıram, sadəcə görürsünüz ki, mahnılarını tamaşaçılar qəbul edir. Baxın, rusların В«KalinaВ» mahnısını hamı oynayır. Onda deyək ki, bu da səviyyəsiz mahnıdır? Axı kütlə bunu qəbul və tələb edir. Şəxsən mənim repertuarımda oynaq mahnılar çoxdur deyə deməyiblər “В«Can-canaВ» oxu”, heç sözlərini də bilmirəm. Nadir Qafarzadə mənim В«ReyhanВ» mahnımı ifa eləyirdi toylarda. Bir gün mənə dedi ki, sənin bu mahnını mən oxuyanda heç kim oynamır. Dedim, onda oxuma. Şəxsən mən В«ReyhanВ» mahnısını durub ifa edim, hamı oynayacaq. Hərənin öz repertuarı var və fikirləşirəm ki, hörmətlə yanaşmalıdırlar bir-birlərinə. Şəxsən sifariş olsa, mən В«Can-canaВ»nı ifa edərəm.
- Peşman olduğunuz anlar çox olub?
- Bəli, olub, mən xaraktercə çox emosionalam. Maskalana bilmirəm. Yalnız səhv addım atarkən etiraf edirəm və üzr istəyirəm. Yersiz zarafatları da sevmirəm. Heç vaxt özümü reklam edib toy tutmaq fikrim olmayıb. İlk dəfə В«07В» maşınını kreditlə, ayda 250 manat ödəyərək sürmüşəm. В«Dama-dama göl olarВ» deyiblər. Heç vaxt da düşünmədim ki, bahalı maşınım olsun, toylara ona görə məni çağırsınlar. Mən hər addımımda aləmi düşünürəm. Bu günə də min şükür edirəm, hər bir şəraitim var.
- Nədən internet saytlarında ən çox sizə xoşagəlməz rəylər yazılar? Bu, sizi narahat etmir?
- Onu yazanlar səviyyəsiz insanlardı. Baxsınlar ermənilərə. Ən pozğun müğənnilərinin belə şəklinin altında heç bir kommentariya yoxdu. Yoxsa bizim müğənnilərin kliplərinin altında səviyyəsiz sözlər yazırlar. Özümüz özümüzü biabır edirik. Mənim də haqqımda bir də görürsən ağızlarına gələni yazırlar. Baxırsan, Aygünün, Röyanın fanatları bir-birini qırır. Bəyəm bu yaxşı şeydi? Aygün də bizimdi, Röya da. Mənim haqqımda pis kommentariya yazanlar ata-anadan tərbiyə görməyənlərdi. Bir xalq artisti var Rusiyada, adını çəkməyəcəm, deyir: “Mənim klipim çıxandan sonra heç vaxt kommentariyaları oxumuram. Çünki altmış yaşım və nəvələrim var. Elə sözlər yazmışdılar mənim haqqımda, həmin an özümü fahişə hesab etdim”. Bu yaxınlarda mənim də başıma bir hadisə gəldi. “Odnoklassnik”də Vüsal Əhməd adlı biriylə problem çıxdı, mənə ağzına gələni yazmışdı. Allaha and olsun, iki günə onu tapdılar, tez şəkillərini sildi. “Biqeyrət, dur da” yazdım ona, sözünün arxasında durmadı, susdu, cavab vermədi. Kimlər istəyir danışsınlar dalımca, vay o günə ki, mənim üzümə desinlər, onda görəcəklər ki, Aslan onların başına nə oyun açır. Onlar yəqin ana-ata tərbiyəsi görməyiblər, ya da paxıldırlar. Flora xanımın bir sözü var: В«Allah səni qaytarır bu sənətə, ayaqlarının altını qazıyırlarВ». Belə baxanda dahi sənətkarlar dünyasını dəyişib də. İndi internetdə baxasan, onların mahnılarının altına ağızlarına gələn rəyləri yazırlar. Birinə ... yazırlar, o birinə .., nə gəldi yazırlar. Axı ayıbdı, onlar dünyalarını dəyişib. Heç olmasa, öz ölülərinizi gözlərinizin qabağına gətirin.
- Bəzi müğənnilər də var ki, öz həmkarlarını qıcıqlandırmaq üçün rəyləri başqa adla yazırlar və ya yazdırırlar.
- Mən sənin fikrinlə tam razıyam. Bu düzdür. Əgər hansısa kişi müğənnisi girib həmkarının haqqında elə fikirlər yazırsa, elələrinə pet... (söyüş) kimi baxıram. Qadın girib yazırsa, demək q..dir (söyüş). Sözümün də ağasıyam. Ay bədbəxt, hər kimsən, çıx üzə de də, rəydə yazırsan ki, minlərlə adam oxusun? Ayıb deyil? Burdan sizin qəzet vasitəsi ilə səslənirəm, əgər bundan sonra kimsə mənim haqqımda nəsə pis kommentariya yazsa, ya da dedi-qodu yaysa, onun öz atası p..du (söyüş), anası, bacısı da q..di (söyüş). Bunu mən Aslan deyirəm. Həmin adamlar fikirləşmirlər ki, axı bu müğənninin ailəsi, övladları var. Bir bunu fikirləşsinlər də, ölülərini, dirilərini söydürməsinlər. Mavilər onsuz da bütün sahələrdə var. Hərə öz həyatını necə istəyir, yaşasın. Şəxsən mən heç bir həmkarımın işinə qarışmıram. Haqqım da yoxdu, kiminsə də haqqı yoxdu mənim işimə qarışsın.
- Aslanın titulu nədir?
- Bu sənətdə aslanam.
- Bəzi həmkarlarınız sizi niyə bəyənmir?
- Məni bəyənməyənlər arxamda olan müğənnilərdi. Heç gör mən onları bəyənirəm? Məni bəyənib Zeynəb Xanlarova, Polad Bülbüloğlu, Nisə Qasımova, Flora Kərimova, Brilyant Dadaşova. Onların fikri mənə önəmlidir, cücələrin məni bəyənməyi lazım deyil. Qazaxıstanda yaşayanda həmişə Zeynəb Xanlarovanın, Flora Kərimovanın, Polad Bülbüloğlunun mahnılarına qulaq asırdım. Həmişə də fikirləşirdim ki, görən mənə qismət olar, bunları yaxından görüm? Həmişə nə istəmişəm, Tanrı mənə qismət edib. Qismət oldu hamısını yaxından gördüm. Bilirsiniz, bir də görürsən ki, oturub baxıram efirə, deyirəm, nə gözəl şəhərdir. Elə olur ki, həmin şəhərə gedirəm. Bütün xarici ölkələrdə olmuşam. Allah ürəyimcə verir. Hətta Polad Bülbüloğlunu o qədər sevmişəm ki, oğlumun da adını onun şərəfinə Polad qoymuşam. Bu yaxınlarda bir məsələ ilə bağlı Polad müəllim mənimlə əlaqə saxladı. İnanın, mənə dəstək olduğu üçün ürəyim o qədər açıldı ki. Onun hər sözü mənim üçün qiymətlidir.
- Hazırda İlhamə Quliyeva ilə münasibətiniz necədir? Barışdınız?
- Əvvəl aramızda soyuqluq yaranmışdı. Zəng eləyib aydınlıq gətirdim. Deyim ki, nə dost, nə də düşmənik. Bu yaxınlarda icazə verdi onun bir mahnısını ifa edim. Amma dönə-dönə tapşırdı ki, ifa edəndə müəlliflərin və ilk ifaçının adlarını çəkməliyəm.
- Səhnədə rəqibiniz kimdir?
- Bu yaxınlarda В«Qızıl pilləВ» verilişində mənim haqqımda verilən süjetdə bütün həmkarlarım bildirdi ki, onun rəqibi yoxdur. Çünki mənim oxu tərzim kimi oxuyan yoxdur. Heç kim də mənə rəqib ola bilməz.
- Bəs həyatda rəqibiniz kimdir?
- Qısqanclıq. Dəhşət dərəcədə qısqancam. Həyat yoldaşım da qısqancdır.
- Duyğulardan söz düşmüşkən, sizcə sevgi nədir?
- O baxır nəyə münasibətdə. Xanıma münasibətdə sevgi unudulmazlığı və fədakarlığı ilə gerçəkləşir. Qalan sevgilər olduqca məcazidir və maraqlar üstündə qurulur. Yəni səmimilik yoxdur.
- İlk məhəbbətinizi necə xatırlayırsınız?
- Həyat yoldaşım yanımdadır. Bax o, eşitdikcə qısqanclıq yaradır. X sinifdə olub. Sadəcə məktəbi bitirən kimi ailə qurdu və bizimki alınmadı. Mən özüm otuz yaşında ailə qurdum. Çox xoşbəxtəm indi.
- Yoldaşınızla sevib ailə qurmusunuz?
- Yoldaşım atamın dayısı nəvəsidir. Bu barədə ilk dəfə sizə deyirəm. Çox xoşlamıram ailə haqqında danışım. Heç bir efirdə heç vaxt razı olmamışam bu mövzu ilə gündəmə gəlim. Bu, mənim şəxsi həyatımdır. Təbii ki, sevib ailə qurduq. Bəzi efirlərə baxırsan, az qalır evindəki qazanın qapağını da gündə yüz dəfə göstərsin. Mən düşünürəm ki, mənim ifalarım maraqlı olmalıdır tamaşaçılara, ailəm yox.
- Boş vaxtlarınızda nə ilə məşğul olursunuz?
- İnanın ki, boş vaxtım çox az olur. Olanda da yatıram.
- Məndə olan məlumata görə isə, boş vaxtlarınızda falçıların xidmətindən istifadə edirsiniz. Bu məlumat nə dərəcə doğrudur?
- (Gülür) Mən Qazaxıstanda olanda dedilər ki, bir molla gəlib Azərbaycandan, hər şeyi düz deyir. Təbii ki, mən də gəlib В«QuranВ» açdırdım. Baxan kimi dedilər ki, sən çox məşhur insan olacaqsan, iki-üç ölkə gəzəcəksən, ətrafında çoxlu adamlar olacaq. İnanmadım. Fikirləşdim ki, balaca bir ölkədə tozun-torpağın içində necə məşhur ola bilərəm? Bir gün də bir alman baxıcısının yanına getdim. Mənə baxıb dedi ki, səni Allah sevir, mənim kimilərin yanına getmə. Qismət oldu, Azərbaycana gəldim. Deyilənlər bir-bir düzgün çıxdı. Bakıda bir falçı mənə kilid verib dedi ki, apar at suya, işlərin düzələcək. 100 manat pulum çıxdı, ancaq heç bir işim alınmadı. Axırıncı dəfə Ələtdə Mirxaliq adında bir baxıcının yanına getdim. O da dedi ki, səni bir falçı aldadıb, inanma heç kimə, uzaq ol. Hələlik heç yerə getmirəm. Görürsünüz də, nə varsa, hamısını açıb dedim.
- Bu yaxınlarda Cavanşir Məmmədov şou-biznesin 98 faizini yalançı adlandırdı. Aslan özünü bu siyahıda görürmü?
- Mənim Cavanşirlə münasibətim yaxşıdır. Yəqin kimlərisə nəzərdə tutub. Şəxsən mən özümü bu siyahıda görmürəm. Yəqin kimlərsə kimlərəsə söz atır ki, yiyəsi tutar.
- Bəs niyə solo-konsert vermirsiniz? Sizə tələbat yoxdur?
- Deməzdim tələbat yoxdur. Bütün toy məclislərində özümə qarşı isti münasibət görürəm. Mən bilirəm ki, konsert versəm, hamı gələcək. Çünki ilk dəfə Azərbaycana gələndə В«SərinВ» restoranında konsert vermişdim. İnanın, oturmağa yer yox idi. Bütün stollar dolu idi. Mənim solo-konsertimlə çox adamlar maraqlanır.
- Jurnalistlərlə aranız necədir?
- İnanın, bu gün altı jurnalist mənə zəng edib. Düzünü deyim, birinci sizi seçdim. Çünki artıq sizin imzanızla bağlı çox məlumatım var. Bir-iki gün əvvəl sənət dostlarımla elə bu haqda danışırdım. “Bu qıza hansı sözü deyirsənsə, onu da yazır. Bəziləri kimi “oranjiman” etmir dedilər. Sizin qəzetinizi və saytınızı maraqla oxuyuram. Şəxsən sizin saytda Niyaməddin Musayev haqqında verdiyiniz eksklüziv məlumat hətta mənim yaşlı anamı da maraqlandırmışdı. Soruşurdu, bu həqiqi məsələdir ki, Niyaməddin o qızla evlənir. Düzü, çox vaxt müsahibə verməkdən imtina edirəm. Çünki ağzımı açıb bir sözü deyirəm, səhər görürəm ki, başqa cümlə yazılır. Məndən müsahibə alanlara deyirəm ki, Aslan əgər bir sözü deyirsə, nə çəkinmir, nə də qorxmur heç kimdən, yazın. Demədiyim sözü heç vaxt mənə sübut edə bilməzlər.
- Bu yaxınlarda sizin AzTV, Space kanallarına qarış iradlarınız oldu. Səbəb nə idi?
- Artıq bu haqda danışmaq istəmirəm. Şəxsi tələblər üzündən mənə AzTV və Space qadağa qoyub. AzTV-nin rəhbəri Arif Alışanov В«sən kimsən axı, sıradan bir müğənniВ» deyərək mənimlə çox kobud danışdı. Tezliklə haqq-ədalət yerini tutacaq. Mən artıq bu haqda danışmayacağam. Çünki belə məsləhətdir.
- Cəsarətli olduğunuzu dediniz. Bəs kövrək insansınız?
- Çox kövrək insanam, həddindən artıq. Allah bütün analara can sağlığı versin, ölənlərə də rəhmət eləsin. Ana böyük varlıqdır. Anam çox pis xəstələnmişdi. Özümə yer tapa bilmirdim.
- Aslanın fanatları varmı?
- İndi fanat yoxdur. Sadəcə reklamın olur, tanınırsan. Hamı istəyir ki, səninlə şəkil çəkdirsin. O müğənni yoxdur ki, kimsə istəməsin onunla şəkil çəkdirsin, onun yanında olsun. İndi buna fanat deyirlər.
- Dostunuz çoxdur, düşməniniz?
- Əlbəttə dostum. Əsl sənətkarlar dostlarımdı, düşmənlərim sənətçi olmaq istəyənlərdi. Onlara heç əhəmiyyət vermirəm. Amma istəsələr, onları da başa sala bilərəm.
