“BİZ DAHA NƏ EDƏK Kİ, ÖLKƏNİN RƏHBƏRİ BİZİ EŞİTSİN?”
DİA.AZ: - “GEN” MMC tərəfindən aldadılaraq küllü miqdarda ziyana düşmüş vətəndaş şikayət ərizəsi ilə redaksiyamıza müraciət etmişdir. Məlumat üçün bildirək ki, vətəndaşları aldadaraq onlar üçün mənzil tikintisi ilə məşğul olduuğunu deyən В»GENВ» MMC-nin rəhbəri Elbrus Bulud oğlu Əliyev 16 may 2005-ci ildə özgənin əmlakını mənimsəmə və dələduzluq yolu ilə ələ keçirdiyinə görə Yasamal rayon məhkəməsi tərəfindən Azərbaycan Respublikasının CM-nin 178.2.2 və 178.2.3 maddələri ilə təqsirli bilinərək 3 il 6 ay azadlıqdan məhrum edilmişdir. Buna baxmayaraq, vətəndaşlara dəyən maddi ziyan ödənməmiş qalmış, əvəzində isə hansısa məmurların В»GENВ» MMC-yə dəstəkçi olduğu aşkarlanmışdır.
Xatırladaq ki, ümumi ziyançəkmiş və mülkiyyət hüququ pozulanlar 308-dən çox ailədir və və artıq onlar 3 ildən çoxdur bütün insatansiyalara müraciət edərək, öz hüquqlarının bərpası istiqamətində mübarizə aparırlar. Bildirək ki, zərərçəkmişlərin mənzillə təmin olunması üçün Bakı şəhər icra hakimiyyətinin başçısı Hacıbala Abutalıbovun məsləhəti ilə həmin zərərçəkmişlər ərazilərə görə kooperativlər yaradıblar. Həmin kooperativlər aşağıdakılardır: В»GEN-2011В» MTK (В»KubinkaВ» - 103 nəfər)
“Azad-MT” MTK (В»Təzə PirВ» və В»NizamiВ» metrosunun ətrafı - 87 nəfər, və В»Şəfa-3В» MTK (Əhmədli - 118 nəfər). В»GENВ» MMC tərəfindən aldadılan vətəndaşların isə vəsait ödədikləri mənzillərin sayı 344 mənzil olub. Ayrı-ayrı instansiyaların vədlərinə baxmayaraq isə vətəndaşlar hələ də mənzil təminatını reallaşdıra bilməyiblər. Redaksiyamıza bir qrup vətəndaş tərəfindən daxil olan şikayət məktubunda isə onlar bəzi suallarına müvafiq orqanlardan cavab almağa çalışırlar. Sözügedən müraciətdən deyilir: В»Biz, В»GENВ» MMC zərərçəkmişlərini bir çox nüanslar narahat edir. Xahiş edirəm, bizim işimizə aydınlıq gətirilməsi üçün öz köməyinizi bizdən əsirgəməyin. Və biz bir sıra qaranlıq məqamların aydınlaşmasını tələb edirik. Məsələn, niyə hələ 16 may 2005-ci ildə özgənin əmlakını mənimsəmə və dələduzluq yolu ilə ələ keçirdiyinə görə 3 il 6 ay azadlıqdan məhrum edilmiş Elbrus Bulud oğlu Əliyevə məhkumluğu sona çatmamış Azərbaycan Respublikası Vergilər Nazirliyində, Ədliyyə Nazirliyində böyük pul kütləsi ilə işləməyə rəsmi şəkildə icazə verdilər? Görəsən, Elbrus Əliyevin yeni yaratdığı şirkətlərin sənədlərinə razılıq imzaları atan məmurlar, onu öz idarələrində işə götürərdilərmi və ya öz pulları ilə işləməyə yaxın qoyardılarmı?
Niyə və hansı əməllərinə görə Sabunçu rayon məhkəməsi 29 may 2007-ci il tarixində Elbrus Bulud oğlu Əliyevin məhkumluğunun üzərindən götürülməsinə qərar verib? Niyə mövcud olduğu dövrdə bir çox ərazilərdə aldığı köhnə evləri sökən, ətrafı hasara alan, dayanmadan bütün telekanallarda və Bakı şəhərinin ən görkəmli yerlərində reklamlarını aparan, bir çox böyük teleproyektlərin sponsoru olan, xeyriyyəçilik tədbirləri keçirən və s. göz qabağında işlər görən şirkət, bir dəfə də olsun vergi orqanları, Bakı şəhər Sosial müdafiə fondu, hüquq-mühafizə orqanları, icra strukturları tərəfdən yoxlanılmayıb?
Niyə yalnız 2008-ci ilin may ayında vəd olunan binaların tikintisinə başlanılmadığını, pullarının qaytarılmadığını görən bir qrup aldadılmış payçı pozulmuş hüquqlarının bərpası məqsədi ilə ölkə prezidenti İlham Əliyevə müraciət edəndən sonra bu fırıldaqçı həbs olunub? Hansı səbəbdən cinayət öz miqyasına, əhatə dairəsinə, tora düşən insanların sayına, dövlətin idaretmə strukturlarının nüfuzuna dəyən xələlə görə çox iri olsa da, istintaq çox səthi aparılıb? Ev almaq üçün verdiyimiz 8.059.138 AZN-dən yalnız maliyyə-plan şöbəsində (depozitdə) yerləşdirilən 124.000 AZN qaldığı məlum olub. Elə məhkəmə prosesindən açıq-aydın görünürdü ki, məhkəmə zərərçəkmişləri yox, onları tora salanların arxasında dayananları müdafiə edir. Belə olmasaydı cinayətə cəlb olunan şəxslərin hamısının işinə bir məhkəmədə baxılardı. Cinayət işi bir neçə yerə bölünərək ayrı-ayrı rayon məhkəmələrində baxıldı və cinayətkarların düz yarısı bəraət aldılar.
Niyə məhkəmədə hətta E.Əliyev öz çıxışlarında kimlərəsə verdiyi pulu rüşvət adlandıranda hakim Eynulla Vəliyev qəzəblənirdi və rüşvəti şirinlik adlandırmağı tələb edirdi?
Niyə məhkəmə zalına ərazilərində söküntü- tikinti işləri aparılan ərazilərin müvafiq rəhbərləri dəvət olunmadı?
Niyə məhkəmə vaxtı üzərinə həbs qoyulan torpaqlar zəbt olundu? Zəbt faktlarını gördüyümüz ilk gündən biz bu faktı qabartsaq da, E.Vəliyev В»qoy tiksinlər, sökdürəcəklərВ» dedi.
Niyə üzərinə həbs qoyulan torpaqlar Yasamal rayon İH-nin sərəncamı ilə rəsmiləşdirildi?
Niyə məhkəmə kollegiyası 54 nəfər köhnə ev sahiblərinə Əliyev Elbrus tərəfindən nəğd pul (bizim pullarımızdan) şəklində verilmiş 2.313.417 ABŞ dolları məbləğində behlərin taleyinə aydınlıq gətirməmişdir? Həmin pulların geri qaytarılması üçün E.Əliyevin məhkəməyə müraciət etməsi məsləhət bilinib. Müraciət olunan məhkəmələrdə, miqdarından asılı olmayaraq beh pulunun qaytarılması qanunda nəzərdə tutulmadığından, məhkəmələr məsələni beh alanların xeyrinə həll edib. Niyə Apellyasiya Məhkəməsinin çıxardığı xüsusi qərar zərərçəkmişlərə verilməyib? Niyə həmin xüsusi qərar Ağır Cinayətlərə dair işlər məhkəməsinə belə göndərilməyib?
Niyə məhkəmənin xüsusi qərarına Hacıbala Abutalıbov əməl etməyib? Və nəhayə niyə H.Abutalıbov və Əziz Seyidov cənabları bizə kooperativlər yaratdırıblar?
Müraciətin sonunda başlarına gələnlərdən sarsıldıqlarını ifadə edən vətəndaşlar artıq ümidlərini itirdiklərini qeyd edirlər: В»Biz daha nə edək ki, ölkənin rəhbəri bizi eşitsin? Çoxumuzun başının üstündə dam yoxdur. K.Marks demişkən itirməyə zəncirimizdən başqa heç nəyimiz qalmayıbВ».
