В«LONDON TAKSİВ»LƏRİNİN GƏLİŞİ NƏDƏN DURDURULUB?
DİA.AZ: Bu gün taksi məsələsi gündəmdədir. Artıq mübarizə aparan eloktorata taksiçilər də qoşulub. Təbii ki, Ziya Məmmədovun “islahatları” məcburi qaydada minlərlə sürücünü buna sövq edib. Mövzunun aktuallığı səbəbindən biz də köhnə sovet maşınlarının gününü qara edən yeni taksilərlə bağlı müəyyən araşdırmalar apardıq. Və sizi də əldə etdiyimiz faktlarla tanış edirik...
Azərbaycanın 2011-ci ildə 1000 ədəd taksi avtomobili sifariş verdiyi В«Manganese BronzeВ» şirkəti maliyyə çətinliklərinin olduğu barədə məlumat yayıb. В«BBC newsВ»un məlumatına görə, В«Manganese BronzeВ»nin bununla bağlı yaydığı açıqlamada bildirilir ki, şirkət 2011-ci ildə mənfəət əldə edə bilməyib və ola bilsin, 2012-ci il üzrə gözləntiləri də özünü doğrultmasın.
Şirkət bu vəziyyətin yaranmasında əsas səbəb kimi qlobal iqtisadi böhranı və Azərbaycana taksilərin göndərilməsinin ləngiməsini göstərib: В«Britaniyadan sifarişlərin sayının azalması, eləcə də Azərbaycana taksilərin ikinci partiyasının göndərilməsinin ləngiməsi şirkətə ili mənfəətlə başa vurmağa imkan vermədiВ».
В«Manganese BronzeВ»nin 2011-ci ildə əsas sifarişçisi Azərbaycan olub. Belə ki, ötən ilin martında Azərbaycana taksilərin göndərilməsi ilə bağlı 27 mln. ABŞ dolları (18 mln. funt sterlinq) məbləğində müqavilə imzalanıb. Amma şirkətin açıqlamasında taksilərin ikinci partiyasının Azərbaycana nə vaxt göndəriləcəyi bildirilmir.
Qeyd edək ki, В«Manganese BronzeВ» və В«Taxi BakuВ» şirkətləri arasında bağlanmış müqaviləyə görə, şirkət Azərbaycana 1000 ədəd В«London taksiВ»si göndərməli idi. İndiyədək avtomobillərin 500 ədəddən ibarət birinci partiyası gətirilib.
В«Manganese BronzeВ» ilə müqavilənin tərəfdaşı, Azərbaycanın В«Taxi BakuВ» şirkətindən isə В«London taksiВ»lərinin yeni partiyasının Azərbaycana yanvarın sonu-fevralın ortalarında gətiriləcəyi bildirilib. Şirkətin direktoru İlqar Qasımov deyib ki, artıq taksilərin yeni partiyası Çindən yola salınmağa hazırlanır: В«500 avtomobil iki gəmi ilə gətiriləcək. İndi avtomobillərin gəmilərə yüklənməsi prosesi gedirВ». İkinci partiyanın gətirilməsinin ləngidiyini təsdiqləyən direktor bunun В«hər iki tərəfdə ortaya çıxan obyektiv və subyektiv səbəblərləВ» bağlı olduğunu bildirib. Söhbət həm taksilərin alınması üçün bank kreditlərinin ayrılmasından, həm yeni taksilər üçün sürücülərin hazırlanmasından, həm də qarşı tərəfin problemlərindən gedir: В«Bununla əlaqədar olaraq şirkətlər arasında müqaviləyə yeni əlavə edilib. Əlavəyə əsasən taksilərin yeni partiyasının göndərilmə müddəti yanvarın 30-dək uzadılıb. Həmin müddətədək, ən uzağı fevralın ortalarınadək taksilər Bakıda olacaqВ».
Qeyd edək ki, В«Taxi BakuВ» yeni partiyanın Bakıya ləngiməsini В«obyektiv və subyektiv səbəblərləВ» izah etməsi diqqət çəkir. Bu ümumi sözlərin arxasında nə dayanır? Mümkündür ki, nəqliyyat naziri Ziya Məmmədovun əvvəlcə böyük həvəslə girişdiyi В«taksi biznesiВ»nin sonradan ciddi ictimai təpki görməsi və effekt verməməsi yubanmanın əsas səbəbidir. Ehtimal etmək olar ki, Z.Məmmədov fərdi taksi sürücülərini sıradan çıxarmaqda aciz qaldığından, bu cür cəhdlərin sosial partlayışla nəticələnəcəyi təhlükəsini göz önünə aldığından geri çəkilmək məcburiyyəti hiss edib.
Digər tərəfdən maddi cəhətdən çox əlverişsiz olduğu üçün Bakı sakinlərinin ciddi maraq göstərmədiyi taksilərin yetərincə gəlir gətirməməsi, əksinə zərərlə işləməsi, üstəlik, texniki cəhətdən keyfiyyətsiz olmaqla bu zərəri daha da böyütməsi də Ziya Məmmədovu həvəsdən salıb və o yeni taksi partiyasının gətirilməsində maraqlı olmamağa başlayıb.
Onu da qeyd edək ki, nəqliyyat naziri В«London taksiləriВ» projesinə hələ təzə start verərkən bunun bir səbəbi də onun В«Manganese BronzeВ» şirkəti ilə gizli sövdələşməsinin nəticəsi olduğu bildirilirdi. Qeyd edilirdi ki, Z.Məmmədov şirkətə külli miqdarda taksi sifariş etməklə onu böhrandan çıxarmağa çalışır. Burada isə məqsəd həm də nazirin taksilərin alınması üçün əldə edilən razılıqdan da madddi qazanc əldə etmək istəməsi göstərilirdi. Görünür, artıq hökumətin yüksək dairələrində də nazirin bu məxfi sövdələşməsinin üstü açılıb və Ziya Məmmədov durumunu daha da ağırlaşdırmamaq üçün geri addım atmaq məcburiyyətində qalıb.
İstənilən halda В«London taksiləriВ» layihəsinin iflasa uğradığı göz önündədir. Hansı ki, müstəqil ekspertlər projenin məhz bu cür - uğursuzluqla yekunlaşacağını əvvəlcədən bəyan edirdilər. Amma nəqliyyat naziri həmin fikirlərə layqeyd yanaşdı və beləliklə, ara yerdə dövlətin külli miqdarda vəsaiti israf edilmiş oldu. İndii maraqlıdır, hörmətli nəqliyyat naziri bunun hesabını verə biləcəkmi?
