В«DAN ULDUZUВ» ŞADLIQ EVİ İLƏ BAĞLI QALMAQAL 20 MİN MANATA YATIRILIB
DİA.AZ: - YAP icra katibi, deputat Əli Əhmədovun de-fakto şəxsi əmlakı olan obyekti Vergilər Nazirliyi yanında Audit Departamentinə icarəyə verməsi ilə bağlı məsələ bir müddət əvvəl mətbuatın gündəmində olsa da, nədənsə YAP-çı cinah olayla bağlı geniş izahat verməkdən yayındı. Əslində bu faktın özü belə təsdiqləyirdi ki, bu gün YAP-ın yuxarı eşalonunda təmsil olunan В«VƏZİFƏSİZ ZÜMRƏВ» üçün qeyri-rəsmi olaraq bir gəlir ünvanı tanınıb və onların da məmur həyatı yaşaya bilmələrinə bu formada şərait yaradılır.
Öncə onu nəzərə çatdıraq ki, son illər yüksək ranqlı məmurlar korrupsiyanın məhz bu “sivil” qaydasına baş vurublar. Onlar müxtəlif vaxtlarda və ərazilərdə aldıqları, tikdirdikləri binaları ayrı-ayrı dövlət qurumlarına iki, hətta üç qat şişirdilmiş qiymətə icarəyə verirlər. Əli Əhmədovun adı ilə bağlı ortada olan digər mülk qalmaqalı belə nəticəyə gəlməyə imkan verir ki, məmurlar obyektlərini təkcə dövlətə deyil, ayrı-ayrı iş adamlarına da icarəyə verir və ya onlara “krışalıq” edirlər.
Xatırladaq ki, Əli Əhmədovla bağlı qalmaqalda şikayətçi qismində çıxış edən şəhid ailəsi bildirmişdi ki, Əli Əhmədovun bu qədər mal-mülkünün olmasına baxmayaraq, hətta bir şəhid ailəsinin də əmlakına göz dikib: В«Onun adı birinci dəfə deyil mülk qalmaqalında hallanır. Onun adından danışan adamlar hələ 10 il əvvəl mənim mülkümü əlimdən alıblar”.
Bildirək ki, şikayətçi Şəhla Əhmədovanın həyat yoldaşı Qarabağ uğrunda gedən döyüşlərdə şəhid olub: “Mərhum dövlət başçısı Heydər Əliyevin tapşırığı ilə 1998-ci ildə şəhid ailələrinə torpaq sahəsi ayrılan ərəfədə mənə də Nizami Rayon İcra Hakimiyyətinə müraciət etmək tövsiyə olundu. Mən düşündüm ki, nəsə bir fərqli iş görmək, maraqlı bir fəaliyyətlə məşğul olmağa imkan verən bir yerdə torpaq sahəsi alım. Nizami rayonunda yaşadığımdan Rüstəm Rüstəmov və Çobanzadə küçələrinin kəsişməsindəki - 2045-ci məhəllədə bir avtobus dayanacağının qurulması və orada əhaliyə xidmət məntəqəsinin təşkil olunmasına razılıq verilməsi üçün müraciət etdim. Nizami Rayon İcra Hakimiyyətinin o zamankı başçısı Eldar Əzizovun təqdimatı əsasında 15 may 1998-ci ildə Bakı Şəhər İcra Hakimiyyətinin başçısı Rəfael Allahverdiyevin 15.05.1998-ci il tarixli sərəncamı ilə 2405-ci məhəllədə mövcud avtobus dayanacağının yenidən qurulmasına və əhaliyə xidmət məntəqəsinin təşkilinə icazə verildi. Bu işin təşkili üçün mənə sənəd üzərində 12 sot yer ayırdılar. Lakin reallıqda ora cəmi 5 sot idi. Prezidentə müraciətimdən sonra daha 7 sotu da özümə verdilər”.
Lakin Şəhla Əhmədova həmin torpaq sahəsindən istifadə edə bilməyib: “Oranı hədə-qorxu və aldatma yolu ilə 2002-ci ildə əlimdən aldılar. Həmin vaxt Heydər Əliyevin sağlamlıq durumunda problemlər yaranmışdı, mənim ona müraciətlərim təəssüf ki, ünvanına çata bilmədi. Bundan istifadə edərək də, mülkümü mənimsədilər. Həmin torpaq sahəsində ”Dan Ulduzu" restoranı və ona aid bir neçə tikili inşa olunub. Mənə həmin 12 sot torpaq sahəsi verildiyi ərəfədə sənədləşmə işlərinə etibar etdiyim yaxın bir insan köməklik göstərirdi, halallıq üçün torpağın 5 sotunu ona pay verdim. Məndə qalan 7 sot ərazidə isə bir avtobus dayanacağının qurulması və 3 iaşə obyektinin inşası üçün razılıq verilmişdi. Qalan 7 sotu hasara alan kimi mənə təzyiqlər başladı. Nizami Rayon İcra Hakimiyyətinin o zamankı başçısı Eldar Əzizov (indi Sumqayıtın başçısıdır-red.) gecə ikən oranın hasarını, tikilini dağıtdırdı. Ardınca mənə müxtəlif adamlar zəng etməyə başladılar ki, ərazini bizə sat, onsuz da oradan istifadə etməyimə imkan verilməyəcək. Məni kimsəsiz olduğum üçün hədələdilər, qorxutdular, azyaşlı oğlumla təhdid etdilər. Obyektin qiyməti azı 150-200 min dollar olduğu halda, məni təhdid altında oranı 12 min dollara satmağa məcbur etdilər. Cinayətlərini aşkar şəkildə həyata keçirə bilmədikləri üçün mülkü alqı-satqı yolu ilə deyil, borc müqaviləsi əsasında əlimdən aldılar. Əli Aslanov adlı bir nəfər gəlib mənimlə borc müqaviləsi bağladı ki, guya mənə 12 min dollar borc verib. Sonra da mənə bir kağıza qol çəkdirdilər ki, guya 12 min dolların əvəzində torpağımı onlara verirəm. Amma bunları mənə zorla etdiriblər, etdiyim şikayətlərə də baxan olmadı. Mənə birbaşa YAP-çı deputat Əli Əhmədovun adından təzyiq göstərdilər, azyaşlı oğlumla, başsız qadın olmağımla təhdid etdilər. Nəhayət, bir gün mənə gətirib 12 min dollar verdilər, əvəzində torpağa dair iddiamdan çəkilməyi, sənədləri onlara təhvil verməyimi tələb etdilər. Hətta iş o yerə çatdı ki, mənə 12 min dollar deyil, cəmi 10 min dollar çatdı. 2 min dolları da arada olan bir tanınmış iş adamı götürdü ki, müştərini o tapıb. Əlimdən hədə-qorxu ilə aldıqları yerdə indi “Dan Ulduzu” restoranını tikiblər. O ərazidəki obyektlərin hamısı Əli Əhmədovun adamlarına məxsusdur və onun adından istifadə edərək bu işləri görürlər".
Ş.Əhmədova bildirib ki, şəhid ailəsinin mülkünü belə qeyri-insani yolla əlindən aldıqlarına görə Ə.Əhmədova məktub da yazıb: “Hətta ona belə bir cümlə də yazdım ki, Şəhidlər Xiyabanına gedib məzarlığa gül qoymasın, bu, onun əməli ilə ziddiyyət təşkil edir. Bundan sonra mənə özünü Əli Əhmədovun köməkçisi kimi təqdim edən bir adam açıq nömrə ilə zəng edib hədələdi, təhqir etdi”.
Şəhidin xanımı qeyd edib ki, indi o ya obyektinin qaytarılması, ya da onun real dəyərinin ödənməsi tələbi ilə məhkəməyə şikayət hazırlayır: “Bütün sərəncamlar, sənədlər məndədir. Ən azı bu işi Avropa İnsan Haqları Məhkəməsində udacağıma əminəm. Çox təəssüf edirəm ki, şəhid ailəsinə bu cür münasibət göstərilməsi Avropada müzakirə olunacaq, amma mən buna məcburam. Çünki şəhid olan yoldaşımın yeganə yadigarı olan oğlum artıq həddi-buluğa çatıb, onun xərclərini qarşılamaq mənim boynumdadır”.
Ş.Əhmədova bu məsələyə dair şikayət etdiyinə görə müxtəlif vaxtlarda izləndiyini, hədələrə məruz qaldığını dedi: “Mən ölkə başçısından, hüquq-mühafizə orqanlarından özümün və övladımın da təhlükəsizliyinə təminat istəyirəm”.
Dünən isə redaksiyamıza bu olayla bağlı çox ilgic məlumatlar daxil olub. YAP-dakı qaynaqlardan verilən xəbərə görə, Əli Əhmədov onu ifşa edən şəhid ailəsini ilk əvvəl hədələsə də, sonradan onun В«könlünü almağa çalışıbВ»: В«YAP-ın icra katibi hətta pul da təklif edibВ».
Mənbəmiz bildirdi ki, В«Dan UlduzuВ» restoranını hazırda çalışdıran şəxslərdən biri şikayətçi düşən şəhid ailəsinə əlavə olaraq 20 min manat pul verib: В«Bununla da məsələ yoluna qoyulub. Hər halda, bu faktlar qəzet səhifələrinə yol tapmasaydı, Əli Əhmədov bu cür səxavət göstərməzdiВ».
Onu da bildirək ki, bununla bağlı həmin şikayətçi ailə ilə əlaqə saxladıq və redaksiyamıza bildirildi ki, əslində Əli Əhmədovun adından onlara 20 min manat-filan verilməyib: "Ola bilsin ki, kimlərsə burada öz marağını yeridir və məqsədli olaraq yanlış məlumat yayır. Amma velə bir şey yoxdur".
