70 YAŞLI “KÜR QAÇQINI” BAXCP İLƏ BAĞLI ŞOK FAKTLARI DA AÇIQLAYIB
DİA.AZ: - İmişli rayon Ağammədli kənd sakini, kəndin 11 iyul 2000-ci ilə qədər kəndin icra nümayəndəsi olmuş Ahıl Ziyalılar Birliyinin üzvü Xəlilov Əsəd Xanlar oğlunun adından “Dünya” İnformasiya Agentliyi redaksiyasına şikayət məktubu daxil olbu. Bildirək ki sözügedən şikayət məktubu eyni zamanda prezident İlham Əliyevə, Fövqəladə Hallar Naziri Kəmaləddin Heydərova, Ədliyyə Naziri Fikrət Məmmədova və Milli Məclisin üzvü Qüdrət Həsənquliyevə ünvanlanıb. Onu da bildirək ki, müraciət müəllifi BAXCP üzvüdür və ərzəsində həm də BAXCP ilə bağlı da ilginc məqamlara işıq salır. Həmin məktubu olduğu kimi diqqətinizə çatdırırıq:
“Möhtərəm Prezident!
70 yaşım var, sizlərə dəfələrlə müraciətimdən və “Kür” Vətəndaş Cəmiyyəti və 1 saylı Bakı İnzibati İqtisad Məhkəməsi 5 prosesdən sonra hələlik seldən zərər çəkmiş evimə bərpa gücləndirmə yazılıb. Bu proses mənə çox baha oturub. Belə ki, kəndin icra nümayəndəsi məni guya şərəf və ləyaqətini təhrif etmə, böhtan, işgüzar nüfuzuna zərər vermə və 50 min manat təzminat istəyib
İmişli rayon Məhkəməsi isə 11.02.2012-ci ildə iddianı poçt vasitəsi ilə evimə göndərib. Mən hal-hazırda Bakıda xəstəyəm, ambulator müalicə alıram. İllərdir çəkdiyim iztirablar səhhətimi bu 70 yaşımda korlayıb. Məhkəmənin iddiasını poçt 13.02.2012-ci il saat 16:10-da evimə verib. Məhkəmə isə 13 fevral 2012-ci il saat 15:45-də olacaqmış. Bu özüdə göstərir ki, İmişli mafiyası deputat X. Kazımlı, İmişli RİH sizlərə müraciətimdən sonra məndən qisas aktına start verib. Mən İqtisad Məhkəməsinə müraciətimdən sonra, İmişli RPŞ-nin rəis müavini Taleh Hüseynovu 2 nəfər polislə qapıma göndərdilər. Sonra isə Xanhüseyin Kazımlının əmisi oğlu Zaminbankın prezidenti Rəmzi Kazımlı mənə zəng etdi:”iddianı geri götür, sənə zamin dururam, problemin həll olunacaq, əks-halda sənə baha oturacaq.” Bütün olaylar barədə sizlərə rəsmən müraciətim KİV-lərdə yazılıb.
Əvvəla 17.01.2012-ci il Şəmsəddin Pənahov qapıma hücum edib, həyətdə olan qardaşım Fərhada məxsus tikilini videoya çəkib, hətda təzə tikilmiş ayaqyolunu videoya çəkib, evdəkiləri hədələyib ki, Əsədin bizdən şikayəti ona baha oturacaq, onu həbs etdirəcəyik. Həyəti kişisiz görüb hücum edib, həyətimdə olan itin isə qıçını sındırıb. Hansı ki, onun mənim həyətimə gəlməyə ixtiyarı yox idi, çünki FHN komissiyası ilə o, 29 noyabr 2011-ci il evimə baxış keçirilməsində iştirak etmişdi. O, 17.01.2012-ci il qisasla qapıma hücum etmişdi, əslində mən onu hücuma görə məhkəməyə verməli idim.
Şəmsəddin iddiada göstərir ki, Əsəd Xəlilov mənə ərizə ilə müraciət edəndən sonra onun evinə baxış keçirilib, evinin qəzalı olmadığını müəyyən etmişik. FHN baxandan sonra isə evinə bərpa gücləndirilmə yazılıb.
Əvvəla Şəmsəddin kimdir ki, mən ona ərizə yazım. Bir il altı ay Prezidentə və FHN-nə müraciətimə həmişə bu yerli mafiya, evimin qəzalı olmadığını yazıb.
Yalnız “Kür” Cəmiyətinə və İqtisad Məhkəməsinə müraciətimdən sonrra 29 noyabr 2011-ci il bərpa gücləndirmə yazılıb ki, onunla da razı deyiləm, axı özülü yeyilmiş evin nəyini gücləndirməliyəm.
Bu adamlar mən icra nümayəndəsi olarkən idarə binasını yandırdılar, sonra isə Şəmsəddin Pənahov icra nümayəndəsi təyin olundu. On bir ildir ki, bu Şəmsəddin mənim pay torpaqlarımı da əlimdən alıb başqa şəxslərə, özünə yaxınlar arasında bölüb. Prezidentə, Korrupsiya İdarəsinə və Torpaq və Xəritəçəkmə Komitəsinin sədri Q. Məmmədova yazdığım məktubların. P.A. İmişli RİH-ə, Qərib Məmmədov isə 10.01.2012-ci il в„– 17.10.\06 saylı məktubla mənə:”məhkəmə orqanalarına müraciət etmək səlahiyətiniz vardır”-yazıb.
Şəmsəddin Pənahov isə hamısı deputat X. Kazımlı İmişli RİH-ə arxalanaraq, məni məhkəməyə verib.
Deputat X. Kazımlıya sözüm odur ki:” İnstitut müəllimisiz, Məkkəni, Allah evini etmisiniz, eləcə də deputatsınız. Siz yoxsullara kömək etmək əvəzinə, 11 ildir hüququ pozulan mənə hücum etdirirsiniz, axı mənim atam vaxtı ilə bu kəndin, mahalın ağsaqqalı olub, siz bu Şəmsəddini haqq yoluna çəkməkdən, cızığından, əndazəsindən çıxmamağa çağırmalı olduğunuz halda, əksinə, onu o həddə çatdırmısınız ki, o mənə:”Məndan əl çəkməsən, ya səni maşınla vuracam, ya da güllə ilə”-deyib.”
Deputat Qüdrət Həsənquliyevə müraciət edirəm: ”Mən BAXCP-nin uzun müddətdir ki, üzvüyəm: Sizin xahişinizlə mən 80 saylı DSK-nın 24 saylı MnSK-nın katibi ikən Çingiz Qənizadəyə səs vermişəm. Təəssüf ki, 6 aydır ki, KİV-lərdə gedən yazılarım, şikayətlərimə, nə siz, nə də səs verdiyim Çingiz Qənizadə hay verməyib. Axı Çingiz Qənizadə İnsan Haqları üzvü müdafiəçi hesab edilir. Belə çıxır ki, müxalif mətbuat onu haqlı olaraq tənqid edir. Mən o, Ağdaşlı ola-ola ona səs vermişəm,o,isə ona kömək etmiş insana, başçının, X. Kazımlının diqtəsi ilə kömək etmir. Və məni Allah ona görə qarğıyıb, Allah günahımdan keçsin, Qüdrət Həsənquliyev.”
Şəmsəddin iddiada yazır ki:”Ona böhtan atmışam, hansı qohumuma ev tikdirmisən?”-deyib və yazıb.
Mən ona İmişli Maliyyəsinin nüfuzlu işçisi Kamal Kazımovu misal çəkirəm. Kamal Kazımov həmdə İmişli RİH-tərəfindən FHN komissiyasının üzvü idi. Onun atası Ağa Kazımov Şəmsəddinin bibisi oğludur, həmdə Kamal Kazımovun bacısı Şəmsəddinin qardaşının yoldaçıdır. Onun atası Ağanın tövləsinə FHN-in evini tikdiriblər. Digər kənddə tikilən 7 ev isə atasının və Şəmsəddinin ana qohumlarıdır.
Bu adam nə qədər ruhlanıb ki, elədiklərinə görə üzr istəmək əvəzinə hələ bir məhkəməyə də verir.
Möhtərəm Prezident!
Firoun deyirdi:” Əgər bir qurd, bir səhrada, bir quzunu parçalayıbsa, buna da günahkar mənəm, ya quzu sahibsiz qalıb, ya da qurd cəzasız.”
Mən 11 ildir ki, 321 dəfə bütün instansiyalara müraciət etmişəm. Yalnız mənə Ekologiya Naziri H. Bağırov kömək edib. Şəmsəddin Pənahov onda da mənə İmişli tayon məhkəməsində 450 manat cərimə kəsdirmişdi. Cəriməni Hüseyn Bağırov ləğv etdi. “Reytinq” qəzeti yazandan sonra hörmətli nazir mənim təqibimə son qoydu, hətda Ekologiya İdarəsinin İmişlidəki rəisi M. Səmmədovu vəzifəsindən azad etdi. Amma, Korrupsiyaya Qarşı Mübarizə İdarəsi şikayətimi İmişli RİH başçısı Ə. Ağayevə göndərib, bu mənə həqarətdir. 11 ildir ki, Şəmsəddin Pənahov arxası deputat X. Kazımlı vasitəsi ilə mənə təziqlər etdirir, məni psixoloji sarsıntıda, əsəbi situasiyada, əzab içərisində saxlayır. Onlara bildirirəm ki, sozləri Avropa Məhkəməsinə qədər aparacam, X. Kazımlıdan isə tələb edirəm bütün bu oyunları dayandır, bu düşmənçiliyə son qoy. Şəmsəddin Pənahlıya respublika prokurorluğunda vəzifəsindən sui-istifadə, hayətimə hücum, qeyri qanuni video-çəkiliş aparması və s. Cinayət prosesial qaydada cinayət işi qaldıracam. Oğru elə bağırdı ki, doğrunun bağrı yarıldı. Mən faktiki zərər çəkənəm. Prezidentimə, dövlətimə, xalqıma sadiq adamam”.
