Vətəninfo.az-ın redaksiyasına Sumqayıt şəhər orta məktəblərinin çoxsaylı direktor və direktor müavinləri adından şikayət daxil olub. Şikayətdə qeyd edilir ki, Sumqayıt şəhərinin onlarla məktəbin direktor və direktor müavinlərinin artırılan əmək haqları kəsilib.
Müraciəti olduğu kimi təqdim edirik:
Azərbaycan Respublikasının Prezidenti Müzəffər
Ali Baş Komandan Möhtərəm İlham Əliyev Cənablarına
Surəti : Azərbaycan Respublikasının Birinci Vitse-Prezidenti
Çox Hörmətli Mehriban Xanım Əliyevaya
Surəti : “Heydər Əliyev Fondu”nun vitse-prezidenti
Hörmətli Leyla Əliyevaya
Surəti : Azərbaycan Respublikasının Baş Naziri cənab Əli Əsədova
Surəti : Milli Məclisinin sədri xanım Sahibə Qafarovaya
Surəti : Maliyyə naziri cənab Sahil Babayevə
Surəti : Əmək və Əhalinin Sosial Müdafiə Naziri cənab Anar Əliyevə
Surəti : İnsan Hüquqları üzrə müvəkkili, Ombudsman
xanım Səbinə Əliyevaya
Surəti : Azərbaycan Həmkarlar İttifaqları Konfederasiyasının sədri
cənab Sahib Məmmədova
Surəti : Ailə, Qadın və Uşaq Problemləri üzrə Dövlət Komitəsinin sədri
xanım Hicran Hüseynovaya
Surəti : Elm və Təhsil naziri cənab Emin Əmrullayevə
Surəti : Təhsil institutunun direktoru səlahiyyətlərini müvəqqəti icra edən
cənab Elnur Əliyevə
Surəti : Təhsilin İnkişafı Fondunun İH sədri cənab Elnur Nəsirova
Sumqayıt şəhərinin orta məktəb direktorları və direktor müavinləri
tərəfindən
K O L L E K T İ V Ş İ K A Y Ə T
Möhtərəm İlham Əliyev Cənabları əhalinin sosial rifahının yaxşılaşdırmasını Özünün ən başlıca
vəzifəsi hesab etmişdir və istiqamətdə mühüm Fərmanlar vermişdir.
Cənab Prezidentimiz hər zaman təhsil sektoruna xüsusi diqqət, qayğı göstərmişdir. AR Prezidentinin
18.08.2022-ci il tarixli 1815 No-li Fərmanının 2.1 bəndinə əsasən AR NK-nin 2024-cü il tarixli, 540
No-li Qərarı ilə Dövlət büdcəsindən maliyyələşdirilən sahələrdə çalışan işçilərin əməyinin ödənilməsinin vahid tarif cədvəlinə əsasən 2025-ci il yanvar ayından etibarən təhsil işçilərinin əmək haqları artırılmışdır.
Lakin işçilərin vəzifə maaşları Vahid Taarif Cədvəlindəki dərəcələri kimi hesablanmır. Maliyyə yeyintilərini ört-basdır etmək üçün işçilərin xüsusilə də direktor və direktor müavinlərinin vahid taarif cədvəlindəki vəzifə maaşları Abşeron-Xızı Regional Maliyyə idarəsində kəsilir. İşçilərin xüsusilə də direktor və direktor müavinlərinin hansı dərəcəyə aid olmaqlarını gizlədilir. SİMA proqramında dəqiq görünmür. İşçi hansı dərəcəyə aid olmağını bilmir, əmək haqqındakı artımı dəqiq bilmir. Bundan əlavə, Dövlət ümumi təhsil müəssisələrinin direktor və direktor müavinlərinin (təhsilalanların sayına görə) və həmin müəssisələrin təhsilverənlərinin (sertifikatlaşdırmanın nəticəsinə görə) vəzifə maaşlarına aylıq əlavələrin təsdiq edilməsi haqqında AR NK-nin 321 No-li, 20.08.2022-ci il tarixli Qərarına əsasən hər il 1 yanvar tarixinə şagird sayına görə direktorun və ditrektor müavininin vəzifə maaşına aylıq əlavələr ödənilir.
BAXMAQ ÜÇÜN BURA TIKLAYIN...
Lakin bu günə kimi bizim 2025-ci ilin yanvar ayına aid əlavələrimiz ödənməyib.
2025-ci ilin yanvar ayının əlavələri bu günə kimi ödənilmir. Bundan əlavə, direktor və direktor
müavinlərinə verilən dərs saatları sentyabr ayında alınacaq, sertifikasiyanın nəticələrindən sonra bu
məsələyə yenidən baxılacaqdır. Nazirlər Kabineti Cənab Prezidentin Fərmanını rəhbər tutaraq
maaşlarımızın artırılması və şagird sayından asılı olaraq maaşlarımza əlavələrin verilməsi barədə qərar imzalayır. Abşeron-Xızı Regional Maliyyə İdarəsi isə maliyyə nazirliyinin yoxlamasını bəhanə edib əlavələrimizi kəsir, bölünən dərs saatlarını alır. Yoxlama olanda işçinin maaşını kəsilməlidir ?! Şagird sayına görə əmək haqlarımıza edilən əlavələrdən bizi məhrum ediliblər. Mühasibatlıq bu günə qədər də əmək haqlarımızı düzgün hesablamır. Maaşlarımızı kəsilir.Əmək haqlarımız NK-nin müəyyən etdiyi məbləğlərdən fərqlidir. Bu günə maaşlarımıza edilən əlavələrimiz ödənilməyib, artımla maaş almamışıq.
Bu qədər özbaşınalıq olar ? Maliyyə nazirliyinin komissiyası I növbədə Prezident Sərəncamına, NK-nin Qərarlarına xor baxanları, bu qanunsuzluqlara yol verənləri fəaliyyətini araşdırsın görək Prezident Sərəncamına Nazirlər Kabinetinin Qərarına niyə icra etmirlər ?
Xahiş edirik haqq səsimizin Möhtərəm Prezident İlham Əliyev Cənablarına çatdırılması üçün bizə
köməkliyinizi göstərəsiniz.
Öncədən Sizə minnətdarıq.
Sumqayıt şəhər orta məktəblərinin çoxsaylı direktor və direktor müavinləri adından Aslanov T.
