"Cənab Nazir Adil Kərimli, sizin müşaviriniz olan Cahangir Səlimxanov kimdir, hara xidmət edir bilirsiniz? Əgər bilmirsinizsə, bu yazımı diqqətlə oxuyun". "DİA-AZ" xəbər verir ki, bunu Mədəniyyət Naziri Adil Kərimliyə ünvanladığı müraciətində əməkdar artist Mehriban Xanlarova qeyd edib.
Xanlarova daha sonra bildirir: "Bu gün ölkənin incəsənət sahəsinə, bütün dünyada ən çirkin fəaliyyətləri ilə tanınan, Qarabağda müharibə gedən dövrlərdə daim Ermənistanın yanında duran və ona çirkli pullarla ən böyük maliyyə dəstəyi göstərən "SOROS"-un Bakıdakı nümayəndəsi Cahangir Səlimxanov rəhbərlik edir.
SOROS-çular dünya miqyasında ifşa olunduqları bir vaxtda Cahangir Səlimxanov kimlərinsə köməyi ilə Mədəniyyət Nazirliyində “isti yuva” tapması görəsən kimin təşəbbüsü idi?
Əgər söhbət 65+ yaş kateqoriyasından gedirsə, bu SOROSÇU hansı xidmətlərin müqabilində Mədəniyyət Nazirliyində bütün incəsənətimizə rəhbərlik etmək səlahiyyəti qazanıb? Yoxsa bütün bu “xüsusi etimad” sadəcə kiminsə tələbə yoldaşı olması ilə bağlıdır? Bəlkə bu suallara cavab verə biləcək kimsə var? Cavab verilməsə də, bir həqiqət heç kimdən gizli deyil: Cənab Prezident bütün bu məmur özbaşınalıqlarını, mədəniyyət sahəsində baş verən gizli oyunları, kadr alverlərini və milli sənətə vurulan zərbələri bildikdən sonra hər kəsə layiq olduğu cavabı verəcək..."
