Siyəzən rayon sakini, "Siyəzənnfet" NQÇİ-nin işçisi Əliyev Zamiq Qüdrət oğlu Dövlət Neft Şirkətinin prezidenti Rövşən Nəcəfə müraciət ünvanlayıb. Bir nüsxəsi də "DİA-AZ"a daxil olan müraciətdə deyilir:
"Hörmətli Rövşənn müəllim, məlumat üçün deməyəcəyəm... Çünkü məlumatınız var və lakin məlumatlanma məsuliyyəti olmayan və ya məsuliyyət haqqında məlumatı olmayan rəhbər şəxslərin Sizin vasitənizlə və sizə müraciət etməklə diqqətinə çatdırmaq istəyirəm ki, Siyəzən rayonu təbii ehtiyatlarla zəngin olan bölgələrdən biridir. Xüsusilə, neft yataqları ilə tanınan Siyəzən uzun illərdir ölkəmizin enerji sektorunda mühüm rol oynayır. Rayonumuzun neft sənayesi həm iqtisadi, həm də sosial baxımdan regionun inkişafında ciddi təsirləri malikdir.
Siyəzəndə neftin kəşfi ötən əsrin əvvəllərinə təsadüf edir və ərazdə neftli strukturların müəyyən edilib, fəal qazma işlərinin aparılması 1930-1940-cı illərdə başlanılıb. Yəni "Siyəzənnfet" NQÇİ-nin demək olar ki, bir əsrə qədər yaşı var. Siyəzən neft yataqları araşdırdığıma görə əsasən miosen və plioesen çöküntülərindən formalaşıb. Əsas neftli sahələr də Siyəzən Şərq yatağı, Siyəzən Qərb yatağı, Gilgilçay strukturu və Beşbarmaq silsiləsi ətrafı neftlənmə zonası hesab edilir. "Siyəzənnfet" NQÇİ-nin nefti əsasən yüngül və orta sıxlıqlı tiplərdə olur və başqa quru mədənləri ilə müqayisədə yüksək keyfiyyətinə görə sənaye üçün çox əlverişlidir.
Bundan əlavə olaraq Siyəzən neftinin iqtisadi əhəmiyyəti də çox önəm kəsb edir. Siyəzən neft yataqları həm region həm də ölkə iqtisadiyyatı üçün əhəmiyyətli rol oynayır. Yəni hasil olunan neft Azərbaycannın ümumi neft fonduna öz töhfələrini verir, bundan əlavə də yerli iqtisadiyyatı dəstəkləyir və regionun enerji infrastrukturuna təkan verir. Regoionda neft sektoru ilə bağlı bir zamanlar minlərlə insan işlə təmin olunub. Əfsuslar olsun ki, hazırda idarənin 400-500 arası işçisi qalıb. Bu, çox üzücüdür... Çünkü rayon əhalisinin əksər hissəi demək olar ki, "Siyəzənnfet" NQÇİ-nin hesabına ailələrinin dolanışığını təmin ediblər. Yenə çox əfsuslar olsun ki bu idarəyə təyin olunan hər rəhbər şəxs öz fəaliyyəti dövründə bir sahəni bağlamaqla idarənin sonunu gətirməyə müvəffəq olmuşdur.
Bu gün Siyəzəndə fəaliyyət göstərən quyuların bir hissəsi köhnə olsa da, səriştəli mütəxəssislər təyin olunmaqla həmin quyuların müasir texnologiyalar vasitəsi ilə məhsuldarlığı artırıla bilər. Köhnə quyular rekonstruksiya edilə bilər və mədən avadanlıqlarının yenilənməsi sayəsində "Siyəzənnfet"ə yeni həyat verilməklə regionun iqtisadiyyatının davamlı inkişafına stimul verilə bilər. Hasilat əvvəlki illərlə müqaisədə azalmış olsa da, müasir texnologiyalar nəticəsində sabitliyin qorunması həyata keçirilə bilər. Üstəlik də hazırda da mədən ərazilərində qazma işləri gedir lakin həmin qazma işlərinin genişləndirilməsi Zağlı-Zeyvə ərazisindən aşağılara endirilməsi neftli bölgəlrin araşdırılması axtarılması və işlənilməsi gərəkir. Ərazidə neft hasil edən quyuları (160 quyunu) ləğv etmək birbaşa Siyəzən rayonunun iqtisadi vəziyyətini pisləşdirmək və təxribata yol verməkdir. Əgər hər quyu ən azı 1 ton neft hasil edirsə, bu topladıqda 160 ton neft edir. Mədən sənayesinə bu cür yanaşma qeyri-peşakar olmaqdan və əhalinin maddi vəziyyətini vecinə almamaqdan irəli gəlir ki bu hal vətəni milləti sevməmək, onun halına yanmamaq, sadəcə, öz rifahını düşünməkdir.
Sonda onu qeyd edim ki, bildiyiniz kimi Siyəzən nefti Azərbaycan neft sənayesinin mühüm hissələrindən biridir. İqtisadi əhəmiyyəti və regionun sosial rifahına təsiri böyükdür. Yeni texnologiyaların tətbiqi ilə Siyəzən yataqlarının səmərəli istismarı həyata keçirilməlidir və daha dayanıqlı hasilatın təmin olunması üçün işlər görülməlidir.
Sizdən xahişim odur ki "Siyəzənnfet" NQÇİ-nin inkişafı, hasilatın artıtılması, qazma işlərinin genişləndirilməsi, neft quyularının ləğvinin qarşısını alınması və bu sahədə inkişafın davamlı olması üçün idarəyə ümumilikdə Siyəzən əhalisinə dəstək olasınız. Xahiş edirəm, bir fəhlə eyni zamanda da bu millətin rifahı üçün şəhid vermiş bir şəhid ailəsi kimi səsimə səs versəniz..."
