"SOCAR öz işçiləri üçün koperativ mənzillər tikdi. “Neftçi MTK” tərəfindən tikilən bu binalar 2012-ci ildə təhvil verilib. Lakin bir neçə ildən sonra mənzillər özəlləşdirilərkən bəlli olub ki, neftçilər aldadılıblar. Mənzillərin real sahəsi müqavilədə göstərilən sahədən azdır. Tikinti şirkəti mənzillərin sahəsinə divarların, eyvanın, divarların oturacaqlarının, blokun, hətta liftin sahəsini də əlavə ediblər. Bu halda mənzil alan hər bir işçi 25 kvadratmetr artıq sahəyə pul ödəməli olub..." "DİA-AZ" xəbər verir ki, bunu özünün sosial şəbəkə hesabında tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı qeyd edib.

NHMT sədri daha sonra fikrinə belə davam edir: "Mənzillər özəlləşdirilərkən binanı inşa edən “Neftçi” MTK-nın yeni rəhbəri sakinləri müqavilələri dəyişməyə məcbur edib. Əlavə sahəyə görə ödənilmiş pullar isə geri qaytarılmayıb. Aldadılanlardan biri də müharibə veteranı neftçi Natiq Orucov olub. Qeyd olunan səbəblərdən hələ də evini özəlləşdirə bilmir. O yazır ki: Mən haqqımı tələb edirəm. Bu işə qanunla yanaşılmasını istəyirəm.Bu yaxınlarda Prezident aparatında qəbulda oldum. Araşdırılacağını dedilər.

06.04.2026- çi il tarixində ARDNŞ - yaşayış sahələri üzrə iş şöbəsindən mənə zəng edib Baş ofisə çağırdılar.Ora getdikdən sonra isə məlum oldu ki, bunların fikri məni razı salıb müqaviləni məndən almaq idi.Mən isə buna razı olmadıqda Departament rəisi Həsənov Rəşad bildirdi ki , sizin bina artıq ARDNŞ - min balansından çıxıb. Binanın zirzəmisi isə artıq özəlləşdirilib. Nəzərə alsaq ki , bina özülündən tutmuş ,çardaginadək neftçilərin pulu ilə inşa edilmişdir. O zaman kiminsə, içərisindən kommunikasiya xətləri keçən binanın zirzəmisinin özəlləşdirməsi qanundan kənar hesab edilməlidir. Mən binanın zirzəmisindən rütubətli havanın mənzillərin içərisinə daxil olmasını, o cümlədən kV/m çatışmadığı ilə bağlı fikrimi bildirəndə ARDNŞ-da, protokol və sosial lahiyələrin idarəetməsi departamentinin rəisi Həsənov Rəşad bildirdi ki , bina artıq ARDNŞ balansından çıxıb biz heç bir məsuliyyət daşımıriq.Eyni zamanda Həsənov Rəşad üzünü yaşayış sahələri üzrə iş şöbəsinin rəisi Qurbanov Əliyə tutub, məni göstərərək bildirdi ki bu adama da cavab verin ki, müqavilədə texniki səhv olub .Maraqlı burasındadır ki, elə həmin gün 06. 04 ,2026- çi il tarixdə Neftçi MTK-min sədri Azər Səfərli mənə məktub göndərərək , müqaviləni yeniləməyim üçün Neftçi MTK-ya gəlməyimi bildirib. 14 ildən sonra Nə qədər gülünc səslənsə də .Baxmayaraq ki yaşadığım mənzilin pulunu illər öncə ödəmişəm. Demək olar ki bu adamlar kələfin ucunu itiriblər . Mən onların bu hərəkətləri ilə bağlı Respublika prokurorluğu yanında, “Korrupsiyaya qarşı mübarizə idarəsinə” müraciət edəcəyimi bildirəndə , Həsənov Rəşad bildirdi ki, "ürəyin hara istəyir get, müraciət elə... Mən heç kəsdən qorxmuram".

Beləliklə mən artıq müraciətləri hazırlamışam... Yəqin ki yaxın vaxtlarda məktublar öz ünvanlarına yetişəcək..."