DİA.AZ: - Azərbaycan Vətən Müharibəsi Veteranlar Birliyinin Sumqayıt şöbəsinin sədrindən birliyin 100-ə yaxın üzvü tərəfindən prezident İlham Əliyevə şikayət ünvanlanıb. DİA.AZ olaraq "teref.info"-ya istinadən həmin şikayət dolu müraciəti diqqətinizə təqdim edirik:
"Ehtiyatda və istefada olan zabitlər birliyi və
Azərbaycan Qarabağ Veteranları birliyinin
Sumqayıt şöbəsi Qarabağ döyüşçüləri , əlilləri tərəfindən
Müraciət
Cənab Prezident!
Media və mətbuatda, sosial şəbəkələrdə aldığımız məlumtlardan sonra həmçinin müharibə adamlarının haqqlarını və əmlaklarını mənimsəməklə əlaqədar Sizə Sumqayıt şəhərində Qarabağ döyüşçülərinə ləkə və təhqir gətirən Qeyri-Legitimliyinə görə Ədliyyə Nazirliyi tərəfindən dəfələrlə rəsmi xəbardarlıq alan Azərbaycan Vətən Müharibəsi Veteranlar Birliyinin Sumqayıtdakı nümayəndəsi Mübariz Quliyev kimi “yalançı qəhrəmanlardan” yana müraciət etməli olduq.
Həqiqətən M.Quliyev kimilər öz şəxsi maraqlarından ötəri Sumqayıt şəhərində yaşayış binalarının demək olar ki, önünü kəsib onları doğal işiqdan məhrum etməklə , ağacları və yolları kəsib özünə şəhərin mərkəzində və dəniz kənarı parkda böyük obyektlər tikməklə, həmçinin bu iaşə obyektələrinə Turan(Türk) adını qoymaqla, Türkün adına böyük ləkə gətirir. Məlum oldu ki, M.Quliyev Qarabağda döyüşdə olmaya-olmaya öz “ yalançı qəhrəmanlığını” (olmayan) sənədləşdirərək (sənədli çəkiliş) “yalan və saxta tarix” yazmaq istəyir. “Xalqın gözü tərəzidir” atalarımız demişdir.
M.Quliyev kimiləri və ona dəstək verənlər unutmamalıdırlar ki, Vətəndaşların, Qarabağ döyüşçülərinin və əlillərinin haqqlarını və hüquqlarını mənimsəməklə saxta var-dövlət, karyera qurmaq və saxta
tarix yazmaq olmaz. M.Quliyev artiq dəfələrlə bu hərəkətləri təkrarlamaqla unudub ki, bir gün gələr “Daş Qayaya rast gələr” bu işlərdə onun karyera qurmaq üçün ən böyük mənəvi dəstəkçisi bir-birlərinə qarşılıqlı şəxsi və maddi maraqlarına uyğun olan şəxs Azərbaycan Vətən Müharibəsi Veteranları Birliyinin sədri Fizuli Rzaquliyevdir. Sumqayıt şəhərində çox-çox faktlar var ki, M.Quliyev öz şəxsi mənafeyinə görə Qarabağ Döyüşçülərinin halal qan pulları ilə inşaa etdikləri obyektlərin və əmlakları getdiyi Həcc yolundan utanmayaraq dolayısı yollarla mənimsəyir. Kimlərsə, Sumqayıt şəhərindən Qarabağ Döyüşçülərinin bu vəziyyətdə Birliyinin dağılmasına və parçalanmasına maraqlıdırlar. Unudulmamalıdır ki, sabah Bizi Böyük Milli İmtahan ВВ– düşmənlərimiz ermənilərlə torpaqlarımızın azadlığı uğurunda döyüşlər gözləyir.
M.Quliyevin 50-yə yaxın iri obyektləri, torpaq sahələri, sexləri, marşurutları vardır ki, guya xeyriyəçiliklə məşğul olur. Dünya malına çox möhkəm satılan və alüdə olan M.Quliyev bizlərlə, təşkilatın qapılarını üzmüzə bağlayaraq və polislə qorxudaraq döyüşçü kimi deyil ( onsuz da orduya yararsız olduğuna görə Azərbaycan Silahlı Qüvvələrində xidmət etməmişdir ) öz malını və mülkini qoruyan tacir kimi davranır. Müharibə adamları ilə danışmaqdan, debatdan, onların problemlərini həll etməkdən yayınaraq, hüquqlarını və sosial imtiyazlarını rəsmi dövlət dairələrində müsbət həll etməklə öz vəzifə borcunu yerinə yetirmək əvəzinə bu insanların adından istifadə edərək öz şəxsi saxta və yalançı karyerasını qurmaqla məşğul olur. Bütün bunlar müharibə adamlarını onun kim olması, nəçi olması, kimliyini araşdırmağa məcbur etdi.
Mübariz Quliyev kimdir ?
Biz, Dövlət qurumlarından aldığımız, KİV-ə gedən məlumatlara və araşdırmalara istinad edib bildiririk ki, M.Quliyevin hazırki sədrliyi legitim deyil.Bu insan rəhbərlik etdiyi posta seçilməyib, təyin olunub.AVMVB Respublika təşkilatının sədri Fizuli Rzaquliyev tərəfindən həyata keçirilən bu təyinat M.Quliyevi Sumqayıt veteranlarının“ağsaqqalına” çevirib.Görəsən Fizuli Rzaquliyevin M.Quliyevdən aslı hansı şəxsi maddi maraqları var ki, 5000 –dən çox müharibə veteranı , əlili və şəhidi olan Sumqayıt şəhərində müharibədə həqiqi hərbi xidmət keçməyən və döyüşməyən adamı sədr təyin edir?İşin ən maraqlı tərəfi isə budur ki, bu gün AVMVB-nin Sumqayıt şəhər təşkilatının sədri vəzifəsində fəaliyyət göstərən M.Quliyev özünü müharibə veteranı, Qarabağ savaşının aktiv iştirakçısı kimi təqdim etsə də , əslində bu şəxsin müharibə veteranı kimi Qarabağ savaşı ilə heç bir əlaqəsi yoxdur.M.Quliyev nə SSRİ , nə də Azərbaycan silahlı qüvvələrində həqiqi hərbi xidmət keçməmiş, Qarabağ savaşında heç bir Nizami hərbi birləşmədə iştirak etməmişdir.M.Quliyevin şəxsi işində hərbi xidmətə yararsız olması ilə bağlı müvafiq müddəa vardır.Lakin, nə qədər qəribə olsa da bu şəxsin könüllü olaraq guya 15-17 yaşlarında yəni 1990- 1991-ci illərdə Sovet Ordusunun Azərbaycanda tüğyan etdiyi bir dövrdə guya Tovuzun Əlibəyli kəndi uğrunda gedən döyüşlərdə iri miqyaslı əməliyyatların aktiv iştirakçısı göstərilir ki, bu da absurtdu. Çünki hər kəs yaxşı bilir ki, həqiqi hərbi xidmətə fiziki qüsuru səbəbi ilə (orduya yararsızdır ) çağırılmayan və hərbi xidmətdən azad edilən bir şəxsin hansısa hərbi əməliyyatda aktiv iştirak etməsi və ya yaralanması mümkün deyil.Əgər bu şəxs doğrudan da müharibədə iştirak etmək potensialına malik olsaydı o zaman Nizami orduya çağrılar və qanunvericiliyə uyğun olaraq həqiqi hərbi xidmət keçərdi.
Qeyd olunduğu kimi , M.Quliyevin əlilliyinin Qarabağ savaşı ilə hər hansı bir formada əlaqəsi yoxdur.M.Quliyevin əlilliyinin kökündə onun biznes maraqları çərçivəsində yaşadığı münaqişə dayanır .Bu şəxs məhz həmin münaqişə nəticəsində xəsarət almış , daha sonra bu xəsarəti qarabağ savaşında iştirakını təsdiq edən dəlil kimi rəsmiləşdirməyə çalışmışdır.Halbuki , M.Quliyevin Qarabağ savaşında iştirak etmədiyini həm rəsmi sənədlər , həm də digər müharibə iştirakçılarının şahidliyi əsasında təsdiq etmək mümkündür.M.Quliyev Qarabağ əlili olmasa da , əlildir.O, biznes, alqı-satqı dünyasının əlilidir və biznes aləmində ona ticarət dünyasının veteranı kimi bu gündə ehtiram göstərirlər.Lakin, ordu üzü görməyən , əsgər mundiri geyməyən bu insanın birdən birə əlinə avtomat alıb könüllü olaraq hərbi birləşmələrə qatılması heçdə məntiqli görünmür.M.Quliyev orduya yarasaydı və ya ondakı vətənpərvərlik ruhu səhhətindəki problemlərə rəğmən onu Nizami orduya aparıb çıxartsaydı , o zaman bu insanın Qarabağ savaşında könüllü surətdə iştirakına inanmaq olardı.Sumqayıt veteranlarının çoxu yaxşı bilir ki, xalqın vətənpərvər oğulları cəbhədə düşmənlə üz-üzə duranda , vətən yolunda can qoyanda M.Quliyev Sumqayıtda şəxsi biznesinin inkişafına can qoyur, öz biznesinin gələcəyinin qayğısına qalırdı.M.Quliyevin Qarabağ savaşında iştirak etmədiyi, onun nə zaman öz biznesi uğrunda savaşdığı və əlillik statusuna da bu savaşlar nəticəsində aldığı xəsarət səbəbi ilə yiyələndiyi şəhər sakinlərinin çoxuna bəllidi.Şəhər caamatı yaxşı bilir ki, Qarabağ savaşının veteranı və əlil statusu M.Quliyevə öz biznesinin təhlükəsizliyini təmin etmək üçün lazımdır.M.Quliyev bugün özünü Qarabağ əlili kimi təqdim etməyə çalışsada , əslində sözü gedən şəxsin bugünki sərvəti onun bineyi-qədimdən işbaz olduğunu təsdiq edir.Bu gün minlərlə müharibə veteranının dilənçi günündə yaşadığı bir zamanda M.Quliyevin hədsiz cəh-cəlala malik olması həqiqətinin isbatı kimi bu şəxsin sahib olduğu sərvətin cüzi bir qismini diqqətinizə çatdırırıq:
Sumqayıt dənizkənarı parkındakı nəhəng “ Turan” ailəvi istirahət mərkəzi, Gəncə restoranı , Yumurcak bağçası, Lider lahmacun , 12 a , 12 b, 12 v, 25 saylı marşrutlar, 9-cu mkr, ərazisində mini sexlər ( 3) və kafe çayxana, 34-cü məh , tinində müasir tipli köşklər (2sayda) Novxanı , Corat və s. ….. ərazilərdə böyük torpaq sahələri , Nizami heykəlinin yanında köşklər ( 3 ) ədəd , 4-cü mkrorayondakı dördə yaxın obyektlər , “Turan”reklamı, “Turan studiyası, “ Turan “restoranı və s…….. .
Turan və Türk Dünyasının adlarından istifadə edərək, Böyük Türk millətinin adını öz çayxanalarına,yeməkxanalarına ,dönərxanalarına qoyan Mübariz Quliyevin hansı mənəvi dəyərlərə malik olması, göz önündədir.Türk Millətinin bu səviyyədə M.Quliyev tərəfindən şəxsi maraqlara və karyerasına görə cılızlaşdırılması isə Türk Millətinə həqarətdir.Damarında əsl Türk qanı axan Kimsə bunu etməz!
Cənab Prezident !
Sizdən və bütün Dövlət Qurumlarından xahiş edirik ki, onun — bunun haqlarını mənimsəyən , həmçinin müharibə adamlarının ( şəhid ailələri , əlillər və qazilərin ) adından istifadə edərək haqqlarını mənimsəyən və birbaşa özünə sərvət toplamaqla məşğul olan “ Sahibkar” M.Quliyev barəsində araşdırılması və tədbir görülməsi üçün göstəriş verəsiniz.
