Elşad Abdullayevdən keçmiş MTN əməkdaşına ittiham
“Təzadlar" Elşad Abdullayevlə Arzu Kazımov arasındakı borc müqaviləsini əks etdirən rəsmi sənədləri əldə edib...
Fəaliyyəti dayandırılmış Azərbaycan Beynəlxalq Universitetinin rektoru, hazırda Fransada mühacirətdə olan Elşad Abdullayevi MTN-nin xüsusilə mühüm işlər üzrə sabiq müstəntiqi Ramin Nağıyevin iddialarına cavab verib. Elşad Abdullayevin KİV-lərə ünvanladığı cavab məktubunda bildirib ki, Ramin Nağıyevin söylədikləri həqiqətə uyğun deyil: "Ramin Nağıyev məqaləsində adlarını çəkdiyi şəxslərlə birgə fəaliyyət göstərir, hamısı da bir mərkəzdən idarə olunur.
Onlar mənə qarşı neqativ əməllərinə görə Strasburq polisində cavab verməli oldular, məqsədləri mütəşəkkil cinayətkar təşkilatı gizlətmək, Müstəqil Istintaq Komissiyasını və xalqı yanlış istiqamətə yönəltməkdir. Ramin Nağıyevin məqalədə adını çəkdiyi özünü Strasburq Konsulluğunun aşpazı kimi təqdim edən Əliheydər Ağayev Yasamal rayonunda orta məktəbdə keçmiş deputat Gülər Əhmədova və Prezident Administrasiyasının rəhbəri Ramiz Mehdiyevin qızının qaynı "KQB" polkovniki Fikrət Əliyevlə ilə birlikdə oxuyublar. Sonradan mənə məlum olan Strasburqda Azərbaycan diasporu - Azərbaycan Mədəniyyət Evinin sədri iqdırlı Mustafa Alınca keçmiş deputat Gülər Əhmədova ilə ailəvi "dostluq" edir. Hadisələrin gedişindən bizə bəlli oldu ki, Ramin Nağıyevin bu adamlarla qarşılıqlı əlaqəsi var. Xüsusilə, əlindəki kompromatlardan istifadə edərək Arzu Kazımovla "sıcaq" əlaqələr yarada bilib. "KQB" polkovniki Ramin Nağıyev 05.X.2011 il tarixində mənim e-mail ünvanıma yazırdı :"Ya jdu video kotoroe tı mne obeşal. Poka ya ee ne poluçu, nikakoqo razqovora mejdu nami ne budet.
Zavtra posledniy den koqda "Azadlıq" napeçataet pro tebya statyu. Posle etoqo ni odna qazeta v "Azerbaydjane ne budet peçatat stati v tvoyo polzu. Naoborot vse SMI v Azerbaydjane budut peçatat kompromat protiv tebya. Tem bolee çto Kazimovı i druqie v otliçii ot tebya platet za eto bolşie denqi. Tak çto sam vıbiray!!!".
Brincisi, yazıdan göründüyü kimi biz bir il öncə Ramin Nağıyevə DIN-in 7-ci Idarəsinin əməkdaşı Rövşən Abbasquliyevin Mahirin Banditizm Idarəsi tərəfindən oğurlanması haqqında 15.X.2003 il tarixli danışığımızı göndərdik. Lakin, Ramin Nağıyev bir il müddətində həmin vidieo görüntüləri mətbuatda və "Youtube"də yerləşdirmədi və həmin vidieo görüntülərlə maraqlı tərəfləri, adam oğrularını təhdid edib pul alırdı, bizə də yalan məlumatlar verirdi. Bakıdan da bizə etibarlı mənbələrdən Ramin Nağıyevin "fəaliyyəti" haqında məlumatlar gəlirdi. Həmin andan bizə xəyanət edən "KQB" polkovniki Ramin Nağıyevlə bütün əlaqələri kəsməli olduq. Ikincisi, email ünvanıma gələn yazıdan göründüyü kimi "KQB-şnik" Ramin Nağıyevin yazısında da qeyd edilən Kazımovlar adı Mahir Abdullayevi geri qaytarmaq üçün notarial qaydada məndən yazılı pul alan Azərbaycanda adam oğurluğu ilə məşğul olan mütəşəkkil cinayətkar dəstənin təşkilatçısı Kazımov Arzu Firudin oğlu , Kazımov Nizami Firudin oğlu qardaşları və oğlu polis rəisi Zaur Kazımovdur . Ramin Nağıyev bir daha öz yazısı ilə təsdiq edir ki, Mahiri oğurlayan adamlardan - Kazımovlardan pul alaraq oğruların sifarişini yerinə yetirir, bu adam üçün fərqi yoxdur təki pul olsun, belələri Hacı Məmmədovdan da təhlükəlidir!!!".
“Təzadlar" həbs edilmiş Arzu Kazımovla Elşad Abdullayev arasında 2005-ci ildə bağlanmış bir neçə milyonluq borc müqaviləsinin surətini əldə edib...
Ötən sayımızda xəbər verildiyi kimi, Mahir Abdullayevin itkin düşməsi və digər faktlarla bağlı Baş Prokurorluqda istintaq olunan cinayət işi üzrə Baş prokuror yanında yaradılmış istintaq-əməliyyat qrupunun tədbirlərinə rəğmən həmin iş üzrə törətdikləri cinayət əməllərinə görə Hüseynov Vaqif Əbdülhüseyn oğlu, Ağayev Nəriman Salman oğlu və Kazımov Arzu Firudin oğlu Azərbaycan Respublikası Cinayət Məcəlləsinin 178. 3. 2-ci (külli miqdarda ziyan vurmaqla dələduzluq etmə) maddəsi ilə təqsirləndirilən şəxs qismində cəlb edilərək, məhkəmənin qərarları ilə barələrində həbs qətimkan tədbiri seçilib. Bununla belə, Baş Prokurorluğun Mətbuat Xidmətinin rəhbəri Eldar Sultanov KİV-lərə açıqlamasında xüsusi olaraq vurğulamışdı ki, “Qeyd edilən şəxslərin cinayət məsuliyyətinə cəlb edilmələri M. Abdullayevin bilavasitə itkin düşməsi ilə deyil, onların E. Abdullayevə qarşı törətdikləri dələduzluq cinayətləri ilə bağlıdır".
E.Abdullayevin yuxarıda söylədiyi “...Kazımovlar Mahir Abdullayevi geri qaytarmaq üçün notarial qaydada məndən yazılı pul alan Azərbaycanda adam oğurluğu ilə məşğul olan mütəşəkkil cinayətkar dəstənin təşkilatçısı Kazımov Arzu Firudin oğlu, Kazımov Nizami Firudin oğlu qardaşları və oğlu polis rəisi Zaur Kazımovdur..." fikrinə diqqət yetirməklə aşağıdakı rəsmi sənədlərin məzmunu barədə bəzi qeydləri təqdim edirik.
Təbii ki, məqsədimiz E.Abdullayevin vaxtilə çox yaxın dost olduğu Kazımovlar barədə indi irəli sürdüyü ittihamları təkzib etmək, yaxud inkarlamaq deyil. Hazırda istintaq gedir və iddialara hüquqi aydınlığı istintaq orqanı gətirəcək. Amma əldə etdiyimiz aşağıdakı sənədlər də bizə çox şeyi deyir.
Borc müqaviləsində Elşad Abdullayevin qaynatası Hüseyn Əhmədovun da imzası var...
Ortada 3 müqavilə var. Onlardan birincisi:
“Təzadlar" 9 aprel 2005-ci ildə bağlanmış müqavilənin tam mətnini təqdim edir:
“Müqavilə Bakı şəhəri, 09 aprel 2005-ci il
Biz, aşağıda imza edənlər: bu müqavilənin mətnində birlikdə "Tərəflər" adlandırılan, ayrılıqda isə: bir tərəfdən Azərbaycan Respublikasının hüquqi şəxsi olan, Nizamnaməyə əsasən hərəkət edən, şəxsiyyəti AZE- seriyalı 01795181 saylı şəxsiyyət vəsiqəsi ilə təsdiq olunan Elşad İslam oğlu Abdullayev tərəfindən təmsil olunan "Era" ATSC; ikinci tərəfdən Azərbaycan Respublikasının vətəndaşı, şəxsiyyəti AZE- XVII-JQ seriyalı 673915 saylı pasportla təsdiq olunan Sabir Əmir oğlu Hüseynov;
üçüncü tərəfdən Azərbaycan Respublikasının hüquqi şəxsi olan, Nizamnaməyə əsasən hərəkət edən şəxsiyyəti AZE-XXVl-JQ seriyalı 640452 saylı pasporlla təsdiq olunan Arzu Firudin oğlu Kazımov tərəfindən təmsil olunan "İnşaat-2002" şirkəti;
dördüncü tərəfdən Azərbaycan Respublikasının vətəndaşı, şəxsiyyəti AZE seriyalı 02620348 saylı şəxsiyyət vəsiqəsi ilə təsdiq olunan Hüseyn Mustafa oğlu Əhmədov; beşinci tərəfdən Azərbaycan Respublikasının vətəndaşı, şəxsiyyəti AZE seriyalı 01290111 saylı şəxsiyyət vəsiqəsi ilə təsdiq olunan Nizami Firudin oğlu Kazımov: Azərbaycan Respublikası Mülki Məcəlləsinin XIX-XXl fəsillərinə və 881-882-cı maddələrinə uyğun olaraq aşağıdakı məzmunda həmin müqaviləni bağladıq:
I.MÜQAVİLƏNİN PREDMETİ
1.1.TƏRƏFLƏR öz aralarında hüquqlar və iddialar barəsində mübahisəni və qeyri-müəyyənliyi qarşılıqlı güzəştlər yolu ilə həll edirlər.
1.2.Belə ki, Birinci, İkinci və Üçüncü tərəflər etiraf edirlər ki, onların arasında ayrı-ayrılıqda bağlanmış olan 27.12.2003-cü il tarixli müqaviləyə əsasən üçüncü tərəfin İkinci tərəfə 500.000 (beş yüz min) ABŞ dolları məbləğində, Birinci tərəfə isə 1.000.000 (bir milyon) ABŞ dolları məbləğində pul öhdəliyindən irəli gələn icra edilməmiş öhdəlikləri vardır.
1.2.1.Həmin öhdəliklərin icrasına olan zərurət aradan qalxmış və Birinci tərəflə İkinci tərəf Üçüncü tərəfdən həmin muqavilə üzrə ödənilmis pul məbləğinin geri ödənilməsini tələb edirlər.
l.3.Birinci, İkinci və Dördüncü tərəflər etiraf edirlər ki, onların arasında bu müqavilənin bağlanmasından əvvəl əmələ gəlmiş öhdəliklər üzrə Birinci tərəfin Dördüncü tərəfə 1.000.000 (bir milyon) ABŞ dolları, İkinci tərəfin isə Dördüncü tərəfə 500.000 (beş yüz min) ABŞ dolları məbləğində borcu vardır.
1.4.Üçüncü tərəflə Beşinci tərəf razılığa gəlirlər ki, onların arasında olan qohumluq (qardaşlıq) münasibətlərinə görə Üçüncü tərəfin Birinci və İkinci tərəflər qarşısında olan cəmi 1.500.000 (bir milyon beş yüz min) ABŞ dolları məbləğinin öhdəliklərini Beşinci tərəf özünün xüsusi mülkiyyətində olan hüquqi şəxsin Dördüncü tərəfin xüsusi mülkiyyətinə verilməsi yolu ilə əvəzləşdirəcəkdir.
1.5, Birinci, İkinci və Dördüncü tərəflər qarşılıqlı razilığa gəlirlər ki, Üçüncü tərəfin Birinci və İkinci tərəflər qarşısında olan, həmçinin Birinci tərəflə İkinci tərəfin Dördüncü tərəf qarşısında olan öhdəliklərinin icrası kimi Beşinci tərəfin xüsusi mülkiyyətində olan hüquqi şəxsin onun bütün daşınar və daşınmaz əmlakları və aktiivləri ilə, o cümlədən bütün sahiblik, istifadə və sərəncam hüquqları ilə birlikdə Dördüncü tərəfin mülkiyyətinə verilməsindən sonra bu öhdəliklər xitam olunur.
1.6.Tərəflər öz aralarında olan hüquqlar və iddialar barəsində bu müqavilə ilə tənzimlənmiş və tənzimlənməmiş bütün məsələləri qarşılıqlı güzəştlər və barışıq yolu ilə həll edirlər".
(Davamı var) \ Tezadlar \
